ত্রিপুরাদসু লময়ানবা হিজম ইরাবতকী মপোক কুমওন পাংথোকখ্রে 

Homeস্ক্রলবার

ত্রিপুরাদসু লময়ানবা হিজম ইরাবতকী মপোক কুমওন পাংথোকখ্রে 

আগরতলা, ওক্তোবর ০১ : লময়ানবা হিজম ইরাবতকী ১২৫শুবা মপোক কুমওনা ত্রিপুরাদসু তোঙান তোঙানবু লুপ কয়ানা শীন্দুনা শ্রদ্ধাঞ্জলি কৎপগী থৌরম পাঙথোকখ্রে। চৎখিবা

আগরতলা, ওক্তোবর ০১ : লময়ানবা হিজম ইরাবতকী ১২৫শুবা মপোক কুমওনা ত্রিপুরাদসু তোঙান তোঙানবু লুপ কয়ানা শীন্দুনা শ্রদ্ধাঞ্জলি কৎপগী থৌরম পাঙথোকখ্রে। চৎখিবা চহীগুম্না হন্দকসু ত্রিপুরগী জিলা ৪দা খিন্না লৈবা ইরাবতকী মীতমদা হৈকৎ-লৈকৎ তমদুনা ইকাইখুম্নখি। অৱাং জেলাদা জননেতা হিজম ইরাবত মেমোরিয়েল ট্রাষ্ট, ধর্মনগরনা শীন্দুনা রাজবাড়ীদা খিন্না লৈবা ইরাবতকী মীতমদা হৈকৎ-লৈকৎ তমদুনা অফোঙবা মীফমসু পাঙথোকখি। থৌরম অদুদা ট্রাষ্টকী প্রেসিডেন্ট অহৈবম চুড়ামনি, থাংজম সমর সিং, মিশনগী ওইনাম দেবেন সিংহ, অহৈবম রবীন্দ্র নচিংবা ইমা-ইবেন য়াওনা শক্নাইরবা মীওই কয়াসু শরুক য়াখি। অহৈবম বুদ্ধনা লময়ানববু শৈথারদুনা শৈরেং অমা পাথোকখি।

পনবা য়াবদি ইং ২০০৮ দা ত্রিপুরাদা অহানবা ধর্মনগর রাজবাড়ীদা লময়ানবা হিজম ইরাবতকী মিতম খিনখিবনি। অমরোমদা ঙসি লৈকোল মণিপুরী কালচারেল অর্গানাইজেশন্না শীন্দুনা খোয়াই জিলাগী দুর্গানগরদা খিন্দুনা লৈবা ইরাবতকী মীতমদা লৈসু কৎতুনা ইকাইখুম্নখি। থৌরম অদুদা লৈকোলগী থৌবুরেন এস উত্তমনা লময়ানবগী থৌদাং কয়াগী মরমদা পল্লদুনা ৱা ঙাংখি। আগরতলা মিউনিসিপাল কর্পোরেশনগী মতেং লৌরগা মণিপুরী সাহিত্য পরিষদনা নোংচুপ জিলাগী সদর আগরতলা কল্যানীদা খিন্না লৈবা ইরাবতকী মীতমদা হৈকৎ লৈকৎ তমখি। থৌরম অদুদা পরিষদকী প্রেসিডেন্ট আরকে জীতেন্দ্রজিৎ, কর্পোরেশনগী হান্নগী মেয়র আরকে প্রফুল্লজিৎ, পরিষদকী সেক্রেটারী এল. বীরমঙ্গল নচিংবা মীওইশিং শরুক য়াখি।

নুংথিলদা গুগল মীটতা ইরাবতকী মথক্তা নৈন থৌরম অমা পাঙথোকখি হায়রি। সিপাহীজিলা মনুং চননা লৈবা লালসিংমুড়াদসু মরূপ কালচারেল ওর্গানাইজেশননা অয়ূক্তা লৈ খুজোক তম্বগা লোয়ননা সন্ধ্যাৱাইদা মৈরা চুখত্তুনা লময়ানববু ইকাইখুম্নখি হায়রি।

সোর্স: মরূপ

COMMENTS

WORDPRESS: 0
DISQUS: