তৈয়ীবূর রহমানগী শৈরেং অনী

Homeআর্টসশৈরেং

তৈয়ীবূর রহমানগী শৈরেং অনী

মীওইবা অমসুং পুন্সি পুন্সি হায়বশিবু করিনো, পোৎলুম থাঙ্গৎপশিবু নত্তরা? হিংবগী শীন্থানা করম্বনো, লমথুঙফম থীরুবনা ওইদবরা? অৱাবনা হংলি পুন্সিদা,

মীওইবা অমসুং পুন্সি

পুন্সি হায়বশিবু করিনো,
পোৎলুম থাঙ্গৎপশিবু নত্তরা?
হিংবগী শীন্থানা করম্বনো,
লমথুঙফম থীরুবনা ওইদবরা?

অৱাবনা হংলি পুন্সিদা,
নুংঙায়বা হায়বদুবু লৈবজাৎলা?
নুংঙায়বনা খুম্লি অৱাবদা,
পন্থুং য়ৌরদি লোয়রবরা?

নত্তে ওন্নরে ৱাখলদো,
অৱাবা-নুংঙায়বা অনিদি মরুপ্নি।
শীন্থা পাঙলম্বনা ইথৌনি,
পন্থুং য়ৌরুবনা নোংদম্নি।

মীওইবা ওইনা পোক্লকপা,
ইথৌ খঙবনা মরুনি।
তাইবঙ ফম্বাক্তা হিঙলম্বা,
হোৎনবা লেপ্তবনা ঈশিন্নি।

নুমিৎ-থা-থৱানশু লেপ্তরি মখোঙচৎ,
তায়বঙ-মীরোলশু তত্তরি পুৱারী।
মীওইবগী শুব-নোম্বা কন্বখক্তনা,
মায়পাকপা ওইহৌরি মতমগী খোঙজেলদা।

 

লৈকোলসিদা

কোইরি ঐদি লৈকোলসিদা,
মচু কয়াগী লৈরাং-লৈকালক্তা।

কনাগী ৱাখলসু তৌরুদনা,
নুঙশিবা লৈনম মরক্তা।

মখল কয়াগী লৈরাং-লৈশাৎলক্তা,
মচু কয়াগী ফজবনা লৈতেংলিবা।

ফজবা-নিংথীবা কয়াগী মরক্তা,
থম্মোয়সু মথোৎকানা শান্নরিবা।

লৈকোলসিগী লৈরাংসু কয়ানি,
ইল্লরিবা খোয়মুসু কোঙ্গাইনি।

চরাংনরিবা থম্মোয়-ইহুল মরক্নি,
কনানা কনাগী শক্তম লেপঙম্দ্রি।

লৈরাং-খোয়মু অনিগী কুম্হৈদা,
থম্মোয়সু কেথজরি নুঙশি-থোঙ্গালদা।

মতৌসিবু উরগা থৱায়-অক্লাসু,
পাইজরুরি সংসারদুদা মনিংতৌনা।

লৈকোলদগী চেক্লানা হাইরকই,
“লৈহিগী মহাও তংজগেনে অমুক্তা”।

মরৌ-মথুপ লৈবা লৈরাংনি,
লাইনা পাউখুম পীরক্তেদা তন্নদি।

অক্লা থম্মোয় খোইশাওনৈ,
লৈকোলসিদা কোইনা পাইজরুরি।

কুম্জা কয়া তুংওইননা,
ৱাহংগী পাউখুম্তবু ঙাইজরিবা।

চৎখিবা মতমসু হল্লক্তে,
পুন্সি পন্দোলসু লোম্লক্লে।

লৈকোলসিসু ঋৄতু হোংলক্লে,
লৈরাং লৈশাৎসু তম্লদরে।

থম্মোয় য়েনিংসু হুল্লদরে,
কেথবা থম্মোয়সু উদরে।

লৈকোলসিদা ঙসিসু ঙাইখিসিরনে
মৈচাক-মৈশা খাঙনা হিংলদরনে।

পুন্সি-লোক্কি ঈচেলসু কংশিল্লক্লে,
যৌবন-থাগী ঈথক-ঈপোমসু হৌরক্তরে।

ঙানু-থাঙ্গোং-উরোকসিংসু পায়রক্লে,
নুমিদাংৱায়দা শঙ্গু-শঙ্গু ময়ুম মায়কৈ পাঙলক্লে।

অহিংগী মতম য়ৌরক্লে,
চেক্লা ইদোম তাহৌরে।
অয়ুক্কী ৱাখলসু তৌহৌদরে,
আশাগী চারাসু লিংহৌদরে।

লাইবক্তা তম্লম্বনি খল্লগেরা,
ইয়ুম মায়কৈ পাঙলগেরা।

তায়বঙ-কনা খংহন্দনা চৎলগেরা,
নুঙশি-কাদা ইদোম লোৎলুরসিরা।

অয়ুকসিদা থম্মোয়-পন্থুং তাল্লুরসিরা,
থৱায়-মালেম লৈকোলদা ঙাইরুরসিরা।

কনা উদবা স্বর্গ-লোক্কী তাইবঙদা,
থৱায়গা থৱায়গা চাক্তামিন্নরুননবা।

যুগ-যুগকী মতম-চৈথেং ৱাঙমদা,
ঐ-নঙ-মাগী খেন্নবৈ ৱাঙমদা হিংলুনবা।

COMMENTS

WORDPRESS: 0
DISQUS: