তুর্কিদা ফ্রেন্ডলি ম্যাচ শান্ননবগীদমক ইন্দিয়াগী টিম খনবদ মণিপুরী শান্নরোয় নিপান য়াওখ্রে

Homeস্ক্রলবার

তুর্কিদা ফ্রেন্ডলি ম্যাচ শান্ননবগীদমক ইন্দিয়াগী টিম খনবদ মণিপুরী শান্নরোয় নিপান য়াওখ্রে

ইম্ফাল, ফেব্রুয়ারি ১১: কুমজা ২০২২ দা ইন্দিয়ানা য়ুম্বু ওইরগা পাঙথোক্কদৌরিবা এশিয়ান ফুটবল কনফিদারেসন (এএফসি) উইমেন্স এশিয়ান কাপ ফুটবল টূর্ণামেন্কী শেম শ

ইম্ফাল, ফেব্রুয়ারি ১১: কুমজা ২০২২ দা ইন্দিয়ানা য়ুম্বু ওইরগা পাঙথোক্কদৌরিবা এশিয়ান ফুটবল কনফিদারেসন (এএফসি) উইমেন্স এশিয়ান কাপ ফুটবল টূর্ণামেন্কী শেম শাবা ওইনা ইন্দিয়াগী নুপীগী ফুটবল টিমনা থা অসিগী ১৪দগীনা ২৪ ফাওবা তুর্কিগী কোনুং অলানয়াদা পাঙথোক্কদৌরিবা ইন্টারনেসনেল ফ্রেন্ডলি ফুটবল ম্যাচশিংদা ইন্দিয়াগী মহুৎ শিন্দুনা শান্নগদবা শান্নরোয় খনগৎপদা মণিপুরদগী পূন্না শান্নরোয় ৮ য়াওখ্রে হায়না ওল ইন্দিয়া ফুটবল এসোসিয়েসনগী মায়কৈদগী খঙহল্লক্লি।
খনগৎলবা শান্নরোয়শিং অদুদি কেপ্টেন ওইরিবী দিফেন্ডার লোইতোংবম আশালতা (মহাক রেলওয়েজকী মায়কৈদগী রেজিস্টার তৌরকপনি), ডিফেন্ডারদা শরুক য়ারিবা অতোপ্পা শান্নরোয়শিং অদুদি সোরোখাইবম রঞ্জনা চনু, ৱাংখেম লিন্থোইঙম্বী, ক্রিতিনা থৌনাওজম অমসুং ঙাংবম স্বীতিনি। স্ট্রাইকারদা হৈগ্রুজম দায়া অমদি দাংমৈ গ্রেসনি। অদুগা গোলকিপারদা মাইবম লিন্থোইঙম্বীনি।
ইন্দিয়াগী টিম অসিগী হেড কোচ মেমোল রোকিনা ওইগনি। অদুগা মণিপুর মচা এল চাওবনা টিম অসিগী এসিস্টেন্ট কোচ ওইনা থৌ পুগনি। অতোপ্পা ওফিসলশিং অদুদি গোলকিপ্পিং কোচতা রাজদ গুহা, টিম মেনেজার হিলদা গুরুং, ভিডিও এনালিষ্টতা অস্বিন অমসুং ফিজিওদা প্রিয়াঙ্কানি। (সোর্স- হুইয়েন লানপাউ)

COMMENTS

WORDPRESS: 1
DISQUS: