টোকিও অলিম্পিক গেমস ভাবোক য়াওদনা পাঙথোক্নবা হোৎনরিঃ হাসিমোটোটোকিও অলিম্পিক গেমসকি প্রেসিডেন্ট সৈকো হাসিমোটো

Homeশান্নবা

টোকিও অলিম্পিক গেমস ভাবোক য়াওদনা পাঙথোক্নবা হোৎনরিঃ হাসিমোটো

শান্নবা ডেস্কঃ চহী ১ য়ৈথোরক্লবা টোকিও অলিম্পিক গেমস ভাবোক য়াওদনা পাঙথোক্ননবা কন্না হোৎনরি হায়না গেমস অসিগী প্রেসিডেন্ট সৈকো হাসিমোটোনা ঙসি ফোঙদোকখ্র

শান্নবা ডেস্কঃ চহী ১ য়ৈথোরক্লবা টোকিও অলিম্পিক গেমস ভাবোক য়াওদনা পাঙথোক্ননবা কন্না হোৎনরি হায়না গেমস অসিগী প্রেসিডেন্ট সৈকো হাসিমোটোনা ঙসি ফোঙদোকখ্রে। কুমজা ২০২০ গী জুলাই ২৪দগী হৌগনী হায়না মতম লেপ্লম্লবা মতুং কোভিদ-১৯ লাইচৎনা মরম ওইদুনা চহী ১ য়ৈথোরক্লবা অলিম্পিক গেমস অসি চৎলিবা কুমজা ২০২১গী জুলাই ২৩দগী হৌরগা আগস্ট ৮ ফাওবা পাঙথোক্কনি হায়না মতম লেপ্লিবা অসি ভাবোক য়াওদনা মালেমগী খ্বাইদগী থাক ৱাংবা শান্নবগী কুহ্মৈ অসি পাঙথোক্ননবা অকনবা মওংদা শেম শারি হায়না পাউগী এজেন্সি অমগা ৱারী শানবদা অলিম্পিক গেমস অসিগী প্রেসিডেন্ট সৈকো হাসিমোটোনা ফোঙদোকখিবনি। মমাংদসু অলিম্পিয়ান অমা ওইরম্লবী হাসিমোটোনা মখা তানা ফোঙদোকরকখিবদা, গেমস অসি করিগুম্বা অর্গানাইজারশিংগী মায়কৈদগী শরুক য়াবা লাক্কদৌরিবা মালেমগী তোঙান-তোঙানবা লৈবাকশিংগী এথলিটশিং অমদি জাপানদা লৈরিবা মীওইশিংবু হৌজিক মখা তানা মালেমদা মায়োক্নরিবা কোভিদ-১৯গী অনৌবা ওয়েভ অসিদগী ঙাকথোকপা ঙম্লবদি টোকিও অলিম্পিক গেমস অসি শুংশোয় শোয়দনা মায় পাকপা ঙমগনি হায়খি। পনবা য়াই, গেমস অসি অর্গানাইজার খক্তা নৎতনা জাপান লৈঙাক অমদি ইন্টারনেশনেল অলিম্পিক কাউন্সিলগী অপূনবা ৱারেপ অমগী মতুংইন্না গেমস অসিবু মীৎয়েং তাবা লাক্কনি তৌরম্বা জাপান ৱাংমগী ভাবোকশিং চঙলকপদা অথিংবা থমখ্রবনি। মসিগী মথক্তা জাপানদা লৈরিবা মফম অদুগী ভাবোকশিং গেমস অসিগী তোঙান-তোঙনবা ডিসিপ্লিনশিং শান্নফমদা মীৎয়েং তাবা য়াগদ্রা নৎত্রগা য়ারোইদ্রা হায়বগী ৱারেপ লৌনবা হোৎনবদা জুন থা ফাওবা মতম লৌখি।

হৌজিক জাপান অমদি লৈবাক অদুগী অলিম্পিক গেমস শান্নফম ওইরিবা টোকিও সিটি অমদি অকোয়বা সিটিশিংদা লৈরিবা কোভিদ-১৯ লায়না লাইচৎকী অনৌবা চৈথেং অসি য়েংলুরগা গেমস্ অসি মপূং ফানা পাঙথোক্নবা হোৎনবদা জাপান লৈবাক্কী ওইরবসু ভাবোক অমত্তা য়াওদনা পাঙথোক্নবা হোৎনবদা লম্বেলসু থিরি হায়খি।

নীংশিংবা য়াই, জাপানগী মীয়াম্না টোকিও অলিম্পিক গেমস অসি তোকথোকপা নৎত্রগনা মখা তানা য়ৈথোকপগী অপাম্বা ফোঙদোকপা লৈখ্রবনি। হৌজিক-হৌজিক টোকিও য়াওনা অকোয়বদা লৈরিবা সিটি অহুম স্টেট অব ইমার্জেন্সী লাউথোক্তুনা লাইচৎ অসি লাকশিন্নবা হোৎনদুনা লৈরি। ভাবোকশিং য়াওদ্রবদি কোভিদ-১৯ লান্থেংনরিবা হেলথ সিস্টেমগী মায়কৈদা মখোয়গী থবক থৌরমশিংদা প্রেসার হন্থবগী মমি তারি।

COMMENTS

WORDPRESS: 0
DISQUS: