টোকিও অলিম্পক শেম শাবদা মণিপুরগী শান্নরোয় তরেৎ য়াওরি

Homeস্ক্রলবার

টোকিও অলিম্পক শেম শাবদা মণিপুরগী শান্নরোয় তরেৎ য়াওরি

ইম্ফাল, জুন ৫ঃ চৎলিবা চহী অসিগী জুলাই ২৩দগী আগষ্ট ৮ ফাওবা জাপানগী টোকিওদা ৩২ শুবা সামার অলিম্পিক পাঙথোক্নবা শেমশাবা লোইখ্রে। মালেমগী ওইনা মায়োক্নরিবা

ইম্ফাল, জুন ৫ঃ চৎলিবা চহী অসিগী জুলাই ২৩দগী আগষ্ট ৮ ফাওবা জাপানগী টোকিওদা ৩২ শুবা সামার অলিম্পিক পাঙথোক্নবা শেমশাবা লোইখ্রে। মালেমগী ওইনা মায়োক্নরিবা নোভেল কোরোনাভাইরাসকি পেন্দামিকনা মালেম শিনবা থুংনা অৱাবা মায়োক্নবদা সামার অলিম্পিক গেমস অসি হান্ননা লেপ্লম্বা মতমদগী খুদোংচাদবা কয়া মায়োক্নবদা য়ৈথোক্তুনা লাক্লবা মতুংদা ইন্টানেশনেল অলিম্পিক কমিটিনা নৌনা মতম লেপখিবনি। ইন্টারনেশনেল অলিম্পিক কমিটিনা নৌনা মতম লেপ্লবসু নোভেল কোরোনাভাইরাস কোভিদ-১৯ গী পেন্দামিক অসিগী অনীশুবা ওয়েব লাকপনা নৌনা মতম লেপ্লবসু মালেমগী মীয়ামদা খুদোংচাদবা কয়া মায়োক্নরি।তাঙ্কক কয়া য়ৈথোক্তুনা লাকখ্রবা মতুংদা চহী অসিগী জুলাই ২৩দগী আগষ্ট ৮ ফাওবা পাঙথোক্কনি হায়না নৌনা মত লেপখ্রবা অসিদা শুংশোয় শোয়দনা পাঙথোক্নবা হোৎনরি।

ইন্টারনেশনেল অলিম্পিক কমিটিনা অমুক হন্না য়ৈথোক্তনা পাঙথোক্নবা শেম শারবসু অলিম্পিক্কী কোয়ালিফায়িং রাউন্দ ওইগদবা ইন্টারনেশনেল ফেডারেশনশিংগী মখাদা পাঙথোকপা তোঙান তোঙানবা মশান্নশিংগী কম্পিটিসনশিংদি কোভিদ-১৯ গী অনীশুবা ওয়েব অসিনা মরম ওইদুনা য়ৈথোকখিবনা শান্নরোয়শিংদা খুদোংচাদবা কয়া মায়োক্নহল্লি। খুদোংচাদবা কয়া লৈরবসু গেমস অসি শুংশোয় শোয়দনা পাঙথোক্নবা শেম শাবগা লোয়ননা শরুক য়াগদবা তোঙান তোঙানবা লৈবাকশিংগী শান্নরোয় অফিসিয়েল অমদি গেমস অসিদা য়াওগদবা পূম্নমক্না ইনগদবা চৎন-কাঙলোনশিং লাউথোকখ্রে।
শরুক য়াগদবা শান্নরোয় অমদি অফিসিয়েল পূম্নমক কোভিদ ভেক্সিনগী অনীশুবা ডোজ শুংশোয় শোয়দনা কাপথোক্কদবনি হায়বা অকনবা নিয়মসু পীখ্রে। গেমস অসিদা শরুক য়াননবা ইন্দিয়ান টিমগীসু শেম শাবা হৌখ্রে। হৌনবী মতুংইন্না কাউন্ট ডাউন হৌখিবগা লোয়ননা চহী অসিগী জুন ৩দা ইন্দিয়াগী টিমনা শেৎকদবা ফিরোলশিংগী মাইখুম য়ুনিয়ন স্পোর্টস মিনিষ্টার কিরন রিজিজুনা হৌনবী মতুংইন্না মিনিষ্ট্রিগী য়ুমদা ভিডিওগী খুত্থাংদা মীয়ামদা খুৎশিন্নখ্রে।
য়ুনিফোর্মশিং খুৎশিন্নবগী অচম্বা থৌরমদা তোঙান তোঙানবা মিনিষ্ট্রিগী মীওই অমদি স্পোর্টস অথোরিটি অব ইন্দিয়াগী মীওইশিং অমদি কোয়ালিফাইড ওইরবা মীওইশিংসু শরুক য়াখি।

ইন্দিয়ান টিমগী শান্নরোয় অমদি অফিসিয়েল মশিং চপ চানা কয়া চৎকদগে, কয়া শরুক য়াগদগে হায়বমক লেপত্রবসু চৎলিবা থা অসিগী মনুংদা চপ চাবা মশীং খঙবা ঙম্লগনি। অদুম ওইনমক চাওখ্রবা মালেমগী অনীশুবা মীশিং য়াম্বা লৈবাক অসিনা মালেমগী খ্বাইদগী চাওবা মাল্টি ডিসিপ্লিন কম্পিটিসন অসিদা টি চেম্পিয়ন নৎত্রগা রানার্স আপকি আশা তৌদ্রবসু মশান্না খরদা শরুক য়াবা ঙম্নবা হৈশিংবা পুম্নমক পুথোকপা অসিদা লমদম অসিদগী হৌখিবা লমদমসিগী শান্নরোয়শিংনা ইন্দিয়ান টিমগী হোক্কি, বোক্সিং অমদি ওয়েটলিফটিংদা শরুক য়াগনি হায়না পানরি।
লমদম অসিদগী হৌখিবা লমদমসিগী নিংঙোল সাইখোম মিরাবাই চনুনা ওয়েটলিফটিংগী কেজি ৪৯গী কাঙলুপ্তা ইন্দিয়ান টিমদা শরুকয়াগনি হায়না শেম শাবগা লোয়ননা হৌজিক হৌজিক মিরাবাই চনু টোকিও অলিম্পিক্কীদমক য়ুএসএগী য়ুনিভার্সিটি অব লোস এঞ্জেলসতা ট্রেনিং তৌরি। বোক্সিংগী নুপীগী কেজি ৫১ গী কাঙলুপ্তা লমদমসিগী নিংঙোল এমসি মেরি কোমনা শরুক য়াগদৌরি। এমসি মেরি কোম ইন্দিয়ান টিমগীদমক হৌজিক হৌজিক আর্মি স্পোর্টস ইন্সটিট্যুট পুনেদা অকনবা ট্রেনিং চত্থরি।

হোক্কিঃ নুপাগী হোক্কিদা লমদমসিদগী হৌখিবা শান্নরোয় অহুম চিংলেন সনা কাঙুজম, কোথাজিৎ খদাংবম অমদি সমুরাইলাৎপম নিলকান্ত শর্ম্মা য়াওগনি হায়না ট্রেনিং তৌরি। লোয়ননা নুপীগী হোক্কিদা সুশিলা চনু অমদি খরিবম বিচু দেবীনি।
হোক্কি শান্নরোয়শিংগী ওইনা হৌজিক হৌজিক সাই সাউথ সেন্টার বেঙ্গলোরদা অকনবা ট্রেনিং তৌরি।
৩২ শুবা সামার অলিম্পিক অসিদা মণিপুরদগী পূন্না শান্নরোয় ৭ য়াওগনি হায়না পানরি। চপ চাবা ইন্দিয়ান টিমগী শান্নরোয় অমদি অফিসিয়েল লাউথোকপা চৎলিবা থা অসিদদি শুংশোয় শোয়দনা খঙলগনি। গেমস অসি হৌগদবা খুৎ থেকখ্রবা অমদি টিম খরদি কম্পীটিসন ভেন্যুদা চত্তুনা ট্রেনিং তৌনবা শেম শানরিঙৈ চৈরক্তা নেশন অসিগী ওইনা গেম অসিদা শরুক য়াননবা শেম শারিবা শান্নরোয়শিং ডোপ টেষ্টতগী নান্থোক্নবা অকনবা চেকশিন থৌরাং লৌরি।
মালেমগী খ্বাইদগী মশীং য়াম্বা লৈবাককি মনুংদা অমা ওইরিবা ইন্দিয়ান টিমদা লমদমসিগী শান্নরোয় ৭ না মশান্না অহুমদা শরুক য়াগনি হায়না পানরিবা অসি মায় পাকপা অমসুং নেশন অসিগী রিপ্রেজেন্ট তৌবা ঙম্বা ওইরসনু হায়নসু ঈশ্বরদা মীয়াম্না থৌনিরি।

সোর্স: সঙাই এক্সপ্রেস

COMMENTS

WORDPRESS: 0
DISQUS: