টি ২০ ৱার্ল্ড কাপ ইন্দিয়াগী মপান্দা পুনবা থৌরাংলি –

Homeস্ক্রলবার

টি ২০ ৱার্ল্ড কাপ ইন্দিয়াগী মপান্দা পুনবা থৌরাংলি –

নিউ দিল্লী, জুন ৫ (পিটিআই) : চহী অসিগী অক্টোবর অমসুং নভেম্বর থাদা পাঙথোক্নবা মতম লেপ্লিবা আই সি সিগী মার্কি ইভেন্ত অমা ওইরিবা টি ২০ ৱার্ল্ড কাপ য়ু এ

নিউ দিল্লী, জুন ৫ (পিটিআই) : চহী অসিগী অক্টোবর অমসুং নভেম্বর থাদা পাঙথোক্নবা মতম লেপ্লিবা আই সি সিগী মার্কি ইভেন্ত অমা ওইরিবা টি ২০ ৱার্ল্ড কাপ য়ু এ ই অমসুং ওমান্দা পুননবা বি সি সি আইনা আই সি সিগা মনুংদা পাউ ফাওনরি। ইন্দিয়াগী কোভিদ-১৯ লাইচৎকী ফীবম্না মরম ওইদুনা ৱার্ল্ড কাপ অদুগী শেম শাবদা অকায়বা ওইরকপা য়াবগী ওইথোকপা লৈবনা ইন্দিয়ান ক্রিকেট বোর্ড অদুনা লেপখিবা মতমদা পাঙথোকপা ঙম্লবা লৈবাক অনী অদুদা পুনবা থৌরাং তৌরি।
য়ু এ ইনা মতম পূম্নমক্তা টূর্ণামেন্ট অদুগী অহানবা বেকআপ অপশন ওইরি, অদুগা ওমানগী কেপিটেল শহর মুস্কতনা আবুধাবি, দুবাই অমসুং শারজাহগী মথক্তা মরিশুবা ভেনু ওইনা হাপচিল্লি। টূর্ণামেন্ট অদু অক্টোবরগী অরোইবা চয়োলদগী হৌগনি।

ডিভেলপমেন্ট অদুগা নক্নবা আই সি সি বোর্ডকী থবক তৌরিবা ইন্দিয়ান ক্রিকেট বোর্ডকী সিনিয়র অফিসিয়েল অমনা হায়, আই সি সি বোর্ডকী মীফমদা বি সি সি আইনা ফরমেল ওইনা অরোইবা ৱারেপ অমা লৌনবা চয়োল মরিগী ওইবা মতম অমা পীবিনবা হায়জখি, অদুবু মনুংদা মখোয়না হোস্টিং রাইটশিং অদুগী খুদোংচাবা লৌনিংঙি অমসুং মখোয়না য়ু এ ই অমসুং ওমান্দা টূর্ণামেন্ট অদু পাঙথোক্নিংবগী অপাম্বা লৈ হায়না পাউ ফাওনখি। অফিসিয়েল অদুনা হায়, মুস্কতনা টি ১৬ কী কম্পিটিশন অদুগী প্রিলিমিনারি রাউন্ডগী মেতচশিং শান্ননবগী খুদোংচাবা ফংগনি। আই পি এলগী মেতচ ৩১ শান্নবা লোইশিল্লবা মতুংদা য়ু এ ইগী গ্রাউন্দশিং অদু নীংথিনা শেম শানবগী তাঞ্জা অদু মসিদা লৌনবা থৌরাং তৌগনি। মহাক্না হায়, আই পি এল অক্টোবর ১০ দা লোইরগদি ৱার্ল্ড টি ২০ গী য়ু এ ই লীগ নভেম্বর থাদা হৌবা য়াগনি অমসুং পিচশিং অদু ৱার্ল্ড ইভেন্ত অদুগীদমক নীংথিনা শেম শানবগী চয়োল অহুমগী মতম ফংলগনি। তাল্লকসিদা, অহানবা চয়োলনা ওমান্দা শান্নবা য়ারগনি।
আই সি সি বোর্ড মেম্বার অয়াম্বনা ইন্দিয়ানা অক্টোরব-নভেম্বরদা পাঙথোক্নবা থৌরাং তৌবা হায়বসি মাঙজৌননা হায়বদা য়াম্না লুবনা ফীবম অদু মখোয়না য়েংখিনবগী মতম পীবা মথৌ তাগনি হায়না থাজরি।

কুম পুরবা অফিসিয়েল অদুনা হায়, প্রেক্টিকেল ওইনা মসিগী মতাঙদা ৱাখল তৌরগদি ইন্দিয়ানা হৌজিক কোভিদ-১৯ গী নুংতিগী অনৌবা কেস ১২০,০০০ রোমগী চাংদা রিপোর্ট তৌরি। এপ্রিল লোইশিল্লকপদগী থা অসি হৌরকপা ফাওবগী হেনগৎপগী চাং শরুক অহুম থোকপগী অমদা হন্থরক্লি। অদুবু জুন ২৮ দা মীফম অমা পাঙথোক্তুনা ইন্দিয়াদা ৱার্ল্ড টি ২০ পাঙথোক্নবগী মতাঙদা ফীরেপ অমা লৌনবগী মতম ফংলি।
অহুমশুবা ওয়েবা লাক্লগদি অক্টোবরদা লৈবাক অসিগী হেল্থ সিচুয়েশন মাঙজৌননা হায়বা য়ারোই। বি সি সি আইনা সেপ্তেম্বর থাদা টিম নিপানগী আই পি এল ইন্দিয়াদা মখা চত্থবদা নুংনাংবা পোক্লগদি থা অমগি মনুংদা টিম ১৬না শরুক য়াগদবা ইভেন্ট অমা লৈবাক অসিদা করম্না পাঙথোকপা য়াগনি হায়বসিনা অনীশুবা ৱাহং ওইরি।

আই সি সিগী এসোসিয়েট লৈবাক্কী অফিসিয়েল অমনা হায়, বি সি সি আই য়াওনা মীপূম খুদীংমক্না নোংজু থা খক্তনা মতীক চাবা মরম অমা ওইরোই অমসুং মসি কোভিদ-১৯ গী ওইবা ৱাফম্নি। টূর্ণমেন্ট অদুদা লুপা কোটি ২৫০০ গী ময়াদা রিভিনিউ অমা মাঙবা য়ারিবনি। অমরোমদা টিম ১৬ কী ইভেন্ট অদুদা টিম অমগী ববলদা কোভিদকী কেস কয়া মায়োক্নরক্লগদি মসি আই পি এলগুম ওইরোই। হেন্না মপাঙ্গল শোল্লবা টিমশিংগী ওইনা শান্নরোয় ১৪ নৎত্রগা ১৫গী মপান্দগী মহুৎ শিন্নবগী শেম শাবা য়ারোই। মদুদা ফীবম তাদবা ৱাফম কয়া অমা লাক্কনি।
মপান লৈবাকশিংগী শান্নরোয় কয়ানা ইন্দিয়াগী হৌজিক ওইরিবা ফীবম অসি ফগৎলক্তুনা লৈরগদি টূর্ণামেন্ট অদুগীদমক লৈবাক অসিদা লাক্তুনা খুদোংথিবা মায়োক্নবা পাম্লোই। অফিসিয়েল অদুনা হায়, মখোয়না শোয়দনা লাক্কনি অমসুং য়ু এ ইদা আই পি এল শান্নগনি অমসুং মফম অদুদা টি ২০ ৱার্ল্ড কাপ পাঙথোকপনা মখোয়না হেন্না নুংঙাইগনি।

সোর্স : পোক্নফম

COMMENTS

WORDPRESS: 0
DISQUS: