জ্ঞানপীঠ এৱার্ড কৈদৌঙৈ ফংগনি?  — আই এস থিংগোম

Homeস্ক্রলবার

জ্ঞানপীঠ এৱার্ড কৈদৌঙৈ ফংগনি? — আই এস থিংগোম

মণিপুরী সাহিত্যদা খুদোল তম্লিবা অইবা অইবীশিংদা মখল মখলগী মনা-মথুম পীদুনা ইকাইখুম্নবিরি। ফংলিবা মনাশিংগী মরক্তগী সাহিত্য একাডেমিনা পীরিবা মনাশিং অসিনা

মণিপুরী সাহিত্যদা খুদোল তম্লিবা অইবা অইবীশিংদা মখল মখলগী মনা-মথুম পীদুনা ইকাইখুম্নবিরি। ফংলিবা মনাশিংগী মরক্তগী সাহিত্য একাডেমিনা পীরিবা মনাশিং অসিনা খ্বাইদগী অথোইবনি হায়না লৌনরি। শেলগী চাশিং রোমদগী য়েংলগদি মণিপুর সরকারনা চহী খুদিংগী পীরিবা লুপা লাখ ৩গী মনা অসিনমুক পুংহেন হেল্লবনি।

মতৌ অসুম্না ভারতবর্ষগী মনুংসিদা নেশনেল লেভেলগী ওইবা মখল মথেল মনা কয়ামরোমসু লৈরি। খ্বাইদগী অথোইবা সাহিত্যগী মনা হায়রবদা জ্ঞানপীঠ এৱার্ড অমসুং সরস্বতী সম্মান এৱার্ডনি হায়জনিংই। জ্ঞানপীঠ মনা অসি সংবিধানগী ৮শুবা তাংকক্তা চল্লবা লোন ২২ অসিদা ইরিবা মীওই অমদা চহী খুদিংগী পীগদবনি। মসিদা শেল ওইনা লুপা লাখ ১১গা লোয়ননা রূপাগী মেডেল অমসু য়াউরি। খ্রীঃ কুমজা ১৯৬৫ দগী হৌনা পীরকলিবা মনা অসি ফংখ্রবা লোন কয়াগী মীওইশিংদি হিন্দি ১০, কানাড়া ৮, বাংলা ৫, মালায়ালম ৫, উরিয়া ৪, উর্দ্দু ৪, মারাঠা ৪, তেলেঙ্গু ৩, গুজরাটী ৩, আসামিজ ৩ অমসুং তামিলদা ২ নি। লোন ২২ অসিগী মনুংদগী লোন ১১গী অইবশিংনা মনা অসি ফংখ্রবসু লোন ১১গী মায়গৈদগী ফংবা ঙমদদুনা লৈরি। ফংবা ঙমদ্রিবা লোন ১১ অসিগী মরক্তা মণিপুরী লোনসু য়াওরি। জ্ঞানপীঠ মনা অসি অহৌবদদি অখন্নবা লাইরিক অমগী মথক্তা পীরম্বনি। অদুবু হৌজিক্কী মতমদদি অইবা/অইবী অদুগী পুন্সিগী অপুম্বা থৌদাং অমসুং খুদোল, লাইফ টাইম কন্ট্রিব্যুসনগী মথক্তা খন্নরগা পীগদবনি হায়রি। মণিপুর অমদি মণিপুরগী মপান্দসু উপন্যাস, ড্রামা, ৱারীমচা অমদি শৈরেং লাইরিক কয়া ফোঙলবা অইবা কয়ামরোম লৈরে। মখোয়গী অপুম্বা থৌদাং অমদি পুথোক্লিবা পোত্থোকশিং অদুগী মথক্তা কুপ্না খন্নবগী মথৌ তারক্লি। অৱাং নোংপোক্তগী আসামিজ অমসুং আসাম খক্তনা মনা অসি ফংখ্রে। আসামদগী মনা অসি ফংখ্রবা অইবা/অইবীশিংদি বীরেন্দ্র কুমার ভট্টাচার্য্য, ইন্দিরা গোস্বামী অমসুং নগেন শইকীয়া মখোয় অহুমনি। মখোয় অহুমগী সাহিত্যগী মরমদা খংজিনবা, নৈনবা ঙম্লগদি থোইনা হেন্না কান্নগদ্রা হায়নসু খল্লি। জ্ঞানপীঠ মনা ফংবা ঙমদ্রিবা সাহিত্য হায়বসি মীৎয়েং অমদদি সাহিত্যগী থাক ৱাংদ্রি হায়বদা হায়মনবা থোক্তমালে হায়না খল্লি।

COMMENTS

WORDPRESS: 0
DISQUS: