চয়োলসিদা ত্রিপুরাদগী ফংবা পাও খরা

Homeকমিউনিটি

চয়োলসিদা ত্রিপুরাদগী ফংবা পাও খরা

ত্রিপুরাদা মণিপুরী অটোনমাস কাউন্সিল ডিমান্ড  মিরর ওনলাইন ডেস্ক:  মণিপুরী অটোনমাস কাউন্সিল অমা লৈহনবগী ডিমান্ড তৌদুনা ফেব্রুয়ারি ১৪, রাধানগরদা মণিপুরী

ত্রিপুরাদা মণিপুরী অটোনমাস কাউন্সিল ডিমান্ড

 মিরর ওনলাইন ডেস্ক:  মণিপুরী অটোনমাস কাউন্সিল অমা লৈহনবগী ডিমান্ড তৌদুনা ফেব্রুয়ারি ১৪, রাধানগরদা মণিপুরী কাউন্সিল ত্রিপুরাগী এক্সিকিউটিব কমিটিগী অখন্নবা মীফম অমা ফমখ্রে। করোনা ভাইরাস অমাদি লকডাউননা মরম ওইদুনা য়েইথোক্তুনা লৈরুরবা কাউন্সিলগী প্রেসিডেন্ট থৌনাজম নিলমনি সিংহনা মীফম মপু ওইদুনা পাঙথোকখিবা মীফম অদুদা মরু ওইনা ত্রিপুরাদা মণিপুরী অটোনোমাস কাউন্সিলগী দাবীদা চীফ সেক্রেটারীদা ডিপুটেশন পিবগা লোয়ননা মণিপুরী খুঙ্গং খুখুঙ্গংদা এৱারনেস প্রোগ্রাম চত্থনবা হায়নসু লেপ্নখি। য়াম্না থুনা স্টেট কনভেনশন অমা পাঙথোক্লগনি হায়না কাউন্সিলগী সেক্রেটারী কাব্রবম ধীরেননা ফোংদোকখ্রে।
মীফম অদুদা থৌনাওজম দেবেন, আরকে তরুনজিৎ, এন. রবিন্দ্র গুপ্ত, য়ুম্নাম চন্দ্রকীর্ত্তী, য়ুম্নাম প্রবিন, জি. বিপ্লব শর্ম্মা, সন্দিপ রঞ্জন দত্ত, প্রাচিন, দিপঙ্করনা চিংবা শরুক য়াখি।

মণিপুরী অটোনোমাস কাউন্সিল ডিমান্ডগী মীফম

বামুটিয়াদা ‘ইন্টারনেশনেল মাদার লেঙ্গুয়েজ ডে’ শৈরেং শৈদিন্নবা, মণিপুরী লাইরিক ফোঙবা

ত্রিপুরাদসু ফেব্রুয়ারি ২১ নুমিৎসি চহী খুদিং তৌনা ‘ইন্টারনেশনেল মাদার লেঙ্গুয়েজ ডে’ পাঙথোক্কদৌরি। স্টেট লেভেলগী থাক্তা মরু ওইবা থৌরম অদুদি রবীন্দ্র শতবার্ষিকী ভবনদা আই.সি.এ দপ্তরনা শীল্লাংদুনা ট্যাবলু য়াওনা তোঙান তোঙানবা ফুরূপ কাঙলুপনা মাগী মাগী লোলনা ইবা প্লে-কার্ড খুৎতা পায়রগা রেলী অমসুং থোক্কনি। ত্রিপুরাগী য়েলহৌ ফুরুপ ১৯ য়াওনা বাংলা, হিন্দী অমসুং সংস্কৃত লোলনা মখল কয়াগী কলচারেল প্রোগ্রামসু পাঙথোক্কনি হায়রি। ‘মাদার লেঙ্গুয়েজ ডে’ গা মরী লৈননা ত্রিস্টুপ পাবলিকেশন্না শীল্লাংদুনা ফেব্রুয়ারি তাং ২১, সদর অৱাংদা লৈবা বামুটিয়া পরগনা মনুং চনবা বেড়িমুড়া হায়ার সেকেন্ডারী স্কুলগী হোলদা মণিপুরী, বাংলা য়াওনা অতৈ অতৈ লোলগী শৈরেং শৈদিন্নবগী থৌরমগা লোয়ননা মণিপুরী লাইরিক অনীসু ফোঙগদৌরি। লাইরিক অনী অদুদি এন. রোহিনী কুমার দত্তনা ইবা ৱারেং লাইরিক ‘মৈতৈ পাউরৌ অমসুং ৱারেং পরেং’ অদুগা লৈখিদ্রবা কবি থাংজম বিমল সিংহনা ইরম্বা অদুগা ৱাংখেম বীরমঙ্গলনা শৈখোম্বা ‘তেল্লবা পুন্সিগী খুদোল’ হায়বা শৈরেং লাইরিক অসিনি। থৌরমদা আগরতলাদগী অইবা কয়াসু শরুক য়াগনি হায়রি।

মথং মথং ত্রিপুরাদা উমং লাই হরাওবা লমদেন লাইরেম্বীসু হারাওগনি হায়রে

মোহনপুর সাব ডিভিশন মখাদা লৈবা বামুটিয়াগী বাজালঘাট মৈতৈ খুঙ্গংদা নুমিৎ হুম্নি চুপ্না লমদেন লাইরেম্বী লাই হরাওরনি। করোনা লাইচৎনা মরম ওইদুনা হন্দক চহী নুমিৎ মঙানি মহুত্তা নুমিৎ হুম্নি চুপ্না ফেব্রুয়ারি ২৫, ২৬ অমসুং ২৭দা লমদেন লাইরেম্বী লাই হরাওগনি হায়না পুজারী য়ুম্না প্রদীব (পান্ডা) সিংহনা হায়রি। চৎখিবা চহীদা লেপ্নখিবা ৱারেপ মতুং ইন্না বাজালঘাটকী মৈতৈ খুঞ্জাশিংনা ফমখিবা মীফম অমদা লাই হরাওবসি মতিক চানা পাঙথোকপা ঙম্ননবা কোঞ্জেংবম সুরজিৎ (কৃষ্ণ কুমার) বু চেয়ারম্যান অদুগা য়েনশনবম অঙ্কুরবু সেক্রেটারী হাপ্তুনা লাই হরাওবা কমিটিসু শেমখ্রবনি। পনবা য়াবদি হন্দকসু জিরিবামদগী মদন মাইবানা লুচিংদুনা অমাইবা অমাইবী য়াওনা পেনা খোংবা, বেন্ড পার্টি নচিংবা শরুক য়াগনি হায়রি। ফেব্রুয়ারি ২৫, নুংথিল পুং ৪ তাবদা লাই লৌখৎপগী (লাই ইকৌবা) থৌরম পাঙথোক্কনি। করোনা অমদি লাই হরাওবগী চৎন কাঙলোন ঙাক্না থৌরম পাঙথোক্কনি হায়না কমিটিগী প্রেসিডেন্ট কৃষ্ণকুমারনা হায়রি।

আগরতলা শহরগী ‘পঞ্চমী মেলা’ দা মীতৈগী শিনজু ফেস্টিভেল পাঙথোকখ্রে

১৬ ফেব্রুয়ারিঃ নুমিৎ নিনি চুপ্না আগরতলা শহরদা নিংথৌরোল হাক্ততগী খ্বাইদগী অরিবা মেলানি হায়না খংনবা ‘শ্রী শ্রী পঞ্চমী মেলা পাঙথোকখ্রে। মেলাদা অহানবা ওইনা মীতৈ ‘শীনজু ফেস্টিভেল’ সু পাঙথোকখি। মেলা অসি ধলেশ্বরগী তরুন সাঙানা শিল্লগা পাঙথোক্পনি। মমাঙৈ রসমন ঠাকুর টিলা হায়না খংনবা এমবিবি কলেজ টিলাদা তিল্লম্মি। মনিপুর নিঙোল (মহারাজ বীরচন্দ্র মানিক্য গী অনিশুবা মহারানী) তোনজম রাজেশ্বরি দেবীগী মনাউ ইবুঙো তোনজম রসমন ঠাকুরগী ইমুং মনুং না লাৎপা ‘শ্রী শ্রী মদন মোহন’ বিগ্রহ অসি পঞ্চমি মেলাদা লেংথোকপগি মতুং মেলা অসি হৌগৎলি। মেলাদা মনা -মশিংনা শেম্বা মৈতৈগী মমিং চৎলবা থোইদোক হেন্দোকপা শিঞ্জু ফেষ্টিভেল অমা থৌগনলুপকী থৌমীশিংনা শীল্লগা পাঙথোকখি। ফেষ্টিভেল অদু তরুন সংঘগী প্রসিদেন্ট সনসম তরুন সিংহনা হৌদোকপীখি।

সোর্সঃ মরূপ।

           ‘শ্রী শ্রী পঞ্চমী মেলা’ পাঙথোকপা

COMMENTS

WORDPRESS: 0
DISQUS: