চীফ মিনিষ্টার য়াওনা কোভিদ-১৯দগী ঙাকথোকপীনবা ইরাৎ থৌনি পাঙথোকখ্রে

Homeস্ক্রলবার

চীফ মিনিষ্টার য়াওনা কোভিদ-১৯দগী ঙাকথোকপীনবা ইরাৎ থৌনি পাঙথোকখ্রে

ইম্ফাল, জুন ০৭ঃ নুমীৎ খরনিগী মমাঙদা চীফ মিনিষ্টারগী সেক্রেটরিয়েটতা পাঙথোকখিবা তোঙান-তোঙানবা লাইনিং লম্বেল চৎপা লুচিংবশিংনা ৱারেপ লৌখিবগী মতুংইন্না ঙসি

ইম্ফাল, জুন ০৭ঃ নুমীৎ খরনিগী মমাঙদা চীফ মিনিষ্টারগী সেক্রেটরিয়েটতা পাঙথোকখিবা তোঙান-তোঙানবা লাইনিং লম্বেল চৎপা লুচিংবশিংনা ৱারেপ লৌখিবগী মতুংইন্না ঙসি অয়ুক কংলাগী নোংচুপ থংবা সনথোংদা চীফ মিনিষ্টার মশামকসু শরুক য়াদুনা মণিপুর অমসুং মালেমগী মীয়াম পুম্নমক কোভিদ-১৯দগী ফহনবীবগা লোয়ননা ঙাকপীথোকপীয়ু হায়দুনা ইরাৎ থৌনি থৌরম পাঙথোকখ্রে।
ঙসিগী শেংলবা থৌরম অদুদা আর্চবিসোপ মোষ্ট রেভরিন দোমিনিক লুমোন, শ্রীশ্রী গোবিন্দজি টেম্পল বোর্দকী পন্দিতশিং, অল মণিপুর খৃষ্টিন অর্গানাইজেসন, জামিয়াত-উল-উলেমা, লাইনিংথৌ সনামহী টেম্পল বোর্দ, তিংকাও রগৱাং চাপ্রিয়াক, গ্যানি গুরুদ্বার, প্রভনধক কমিটি, শ্রীদিগম্বর জেন সমাজ অমসুং কবুই পৌপৈ চপ্রিয়াক ফোমনা মণিপুরগী মীয়াম অমসুং মালেম অসিগী মীওইশিংবু কোভিদ-১৯দগী ফহনবীবগা লোয়ননা ঙাকথোকপীনবা খুরুমখি।
ঙসি পাঙথোকখিবা লাইনিং-লাইশোল থৌরম অদুগা মরী লৈননা চীফ মিনিষ্টারনা ফোঙদোকখিবদা, মীয়াম্না ৱারবা মতমদা শেম্বীরকপা মপুগী থৌজালগীদমক মখোয়বু খুরুমজদুনা লাকই। মসিনা পূক্নিং ৱাখলদা ঈং-তপ্পা ফংহল্লি হায়রদুনা হৌজিক মণিপুর য়াওনা মালেম পুম্নমক পেন্দমিক অসিনা শাথিনা শোকহল্লে। মণিপুরগী ওইনা লৈখিদবা মশীং ৮০০ হেনখিবগা লোয়ননা এক্টিভ কেসকী মশীংসু লিশিং ৯ হেনখ্রে। মরম অসিনা পূন্কিং ৱাখলগী ওইবা থাজবা অমগা লোয়ননা পুন্না পেন্দামিক অসিবু মায়োক্ননবীদমক তোঙান-তোঙানবা ফুরুপশিংগী মরক্তা অমত্তা ওইবগী ৱাখল্লোন্দা লাইনিং লীচিং পুম্নমক্না ইরাৎ থৌনি পাঙথোকপগী তঙাইফদবা লৈরে খন্দুনা ঙসিগী থৌরম অসি পাঙথােকপনি। নুমীৎ খূদিংগী পোজিটিভ কেসশিংগী মশীং হেনগৎলক্লিবসি টেষ্ট তৌবা হেনগৎলকপদগীনি। নোংমদা মীওই লিশিং ৮দগীনা লিশিং ৯ ফাওবগী সেম্পল লৌরগা টেষ্ট তৌরি হায়বগা লোয়ননা পোজিটিভকী চাংদি চাদা ৮ লোমনা হন্থরকপগা লোয়ননা লায়না অসিনা মরম ওইদুনা শিহনবগী চাংসু হন্থরক্লি হায়খি।

মহাক্না মখা তানা হায়বদা, নুমীৎ খরনিগী মমাঙদা জেনিমস হোস্পিটালগী আই সী য়ু ৱার্দতা থোকখি থৌদোক অদুগী মতাংদা পল্লদুনা থৌদোক অদু পেশেন্ট পার্টি অমসুং হোস্পিটাল ষ্টাফশিংগী মরক্তা মিস আন্ডাষ্টেন্ডিং অমদি মিস কমিউনিকেশন লৈবদগীনি। অতৈ মতমশিংদসু থোকই হায়খি। অদুম ওইনমক মতুংদা অমুক হন্না অদুগুম্বা থৌদোক অদু থোকহনদনবা য়েংশিল্লগনি হায়খি।
ঙসিগী থৌরম অদুদা ফোরেষ্ট মিনিষ্টার অৱাংবৌ নিউমাই, এডুকেশন মিনিষ্টার এস রাজেন, ত্রাইবেল এফেয়ার্স মিনিষ্টার ভুংজাগিন বালটে, সী এ এফ এন্ড পি দি মিনিষ্টার টি ঐচ সত্যব্রত, এম পি মহারাজ সনাজাওবা লৈশেম্বা, এমপি ডা. আর কে রঞ্জন অমসুং এমএলএশিংনা কোভিদ-১৯গী এস ও পি ঙাক্না শরুক য়াখি। থৌনি থৌরম অদু পাঙথোক্ত্রিঙৈগী মাঙওইননা পেন্দমিক অসিনা মরম ওইদুনা লৈখিদ্রবা মীওইশিংবু নীংশিংবা ওইনা মিনিট অমা তুমীন্না লৈখি।
সোর্স – হুইয়েন লানপাউ

COMMENTS

WORDPRESS: 0
DISQUS: