চীংমী তম্মীগী লুচিংবী মোমোন লৈখিদ্রে

Homeস্ক্রলবার

চীংমী তম্মীগী লুচিংবী মোমোন লৈখিদ্রে

ইম্ফাল, জুলাই ১৬ : ঙসি নুমিদাং পুং ৭.১৫ রোম তারকপদা জেনিমসকী আইসীয়ুগী রুম নম্বর ১দা লায়কন্নরকখিবা ওল মণিপুর তম্মী চীংমী অপূনবা লূপকী প্রেসিডেন্টসু ওইর

ইম্ফাল, জুলাই ১৬ : ঙসি নুমিদাং পুং ৭.১৫ রোম তারকপদা জেনিমসকী আইসীয়ুগী রুম নম্বর ১দা লায়কন্নরকখিবা ওল মণিপুর তম্মী চীংমী অপূনবা লূপকী প্রেসিডেন্টসু ওইরিবী লমদমসিগী মীয়ামগী লুচিংবা সোইবম ওংবী মোমোন লৈখিদ্রে। মহাক মমাঙ থাগী ২৪দা কোভিদ-১৯ পোজিটিভ ওইবদগী লায়েংলকখিবনি অদুবু পোষ্ট কোভিদতা ঙশি মশাগী অনাবা অমনা মরম ওইদুনা লৈখিদবনি হায়রি।
কুমজা ২০০৪গী জুলাই ১১দা থাংজম মনোরমাবু নুপী ওইবীগী ইকায়খুম্নবা মাঙহল্লগা নোংমৈনা কাপ্তুনা তমথীনা হাৎলগা হুন্দোক্লম্বগী মায়োক্তা জুলাই ১৫, ২০০৪ দা কংলাগী নোংচুপ থংবা সনথোঙদা আসাম রাইফেলসকী মায়োক্তা চঙশিনখিবা নুপী লুচিংবী ১২গী ফি থোংদবা খোঙজং অদুদসু শরুক য়াখিবী মহাক ওল মণিপুর তম্মী চীংমী অপূনবা লূপকী কুমজা ১৯৯২দগী ১৯৯৮ ফাওবা মেম্বার ওইরকপগা লোয়ননা লূপ অসিগী পাব্লিসিটি সেক্রেটারী ওইখি। ১৯৯৯দগী ২০০১ ফাওবনা ফাইনান্স সেক্রেটারি ওইরম্লগা ২০০৪ ফাওবা লুপ অসিগী জেনারেল সেক্রেটারি ওইরম্লবা মতুংদা ঙসি লৈখিদবা নুমিৎ ফাওবদা লুপ অসিগী প্রেসিডেন্ট ওইরমখিবনি। মহাক্কী হকচাংদা হয়েং মীয়াম্না অরোইবা হৈকৎ-লৈকৎ তম্লবা মতুংদা পাঙথোকফম থোকপা মথৌ মঙম পাঙথোক্লগনি হায়রি। মশাগী চহী ৭৫শুখ্রবী সোইবম ওইংবী মোমোন কোংবা খুনৌদগী সোরাইসম মোহোরি অমসুং ঙানবীগী মচা নিংঙোলনি। উরিপোক পোলেম লৈকায়দা লৈবা সোইবম শামুঙৌ মৈতৈগা য়ূম্বান লম্বীদা খোঙদারক্তুনা মচানুপা ৩ অমসুং মচানুপী ৩ পোকখি। মহাক্না কংলা গেটতা চত্থখিবা প্রোটেষ্ট অদুদা শরুক য়াবগীদমক লময়ানবা ইপুনা অখন্নবা ইকায়খুম্নবা উৎতুনা মনা পীরগনি হায়দুনা লাউথোকপদা য়াওখ্রবী শক্নাইরবী লমদম অসিগী মীয়ামগী লুচিংবীনি।
সোর্স: হুইয়েন লানপাউ

COMMENTS

WORDPRESS: 0
DISQUS: