চিংঙাংবম করিস্মানাৱার্ল্ড বোডি বিল্ডিংগী নুপীগী ২ শুবা পোজিসন তাখ্রে

Homeস্ক্রলবার

চিংঙাংবম করিস্মানাৱার্ল্ড বোডি বিল্ডিংগী নুপীগী ২ শুবা পোজিসন তাখ্রে

ইম্ফাল, অক্টোবর ০৫ : উজবেকিষ্টানগী সিটি টাস্কেন্টতা ঙরাং অথৈংবদা পাঙথোকখিবা ১২শুবা ৱার্ল্ড বোডি বিল্ডিং এন্ড ফিজিক স্পোর্টস চেম্পিয়নশিপ ২০২১ গী নুপীগী

ইম্ফাল, অক্টোবর ০৫ : উজবেকিষ্টানগী সিটি টাস্কেন্টতা ঙরাং অথৈংবদা পাঙথোকখিবা ১২শুবা ৱার্ল্ড বোডি বিল্ডিং এন্ড ফিজিক স্পোর্টস চেম্পিয়নশিপ ২০২১ গী নুপীগী অপেন কেটাগোরিদা মণিপুরদগী হৌখিবী চিংঙাংবম করিস্মা চনুনা অনীশুবা পোজিসন তাবা ঙমখ্রে।
করিস্মা চনুনা অনীশুবা পোজিসন তাখ্রবা মতুং মণিপুরদগী অতোপ্পা ৱার্ল্ড বোডি বিল্ডিং এন্ড ফিজিক স্পোর্টস ফেডারেশনগী মীৎয়েং মখাদা টাস্কেন্ট সিটিদা পাঙথোক্লিবা ১২ শুবা চেম্পিয়নশিপ অদুদা জুনিয়র মেন্স অপেন বোডি বিল্ডিং কেটাগোরিগীদা মণিপুরগী মায়কৈদগী ইন্দিয়াগী মহুৎ শিনখিবা থোঙাম জয়দেবনা মরিশুবা পোজিশন ফংবা ঙমখি।
থা অসিগী ২দগী ৮ ফাওবা পাঙথোকিলবা ১২ শুবা ৱার্ল্ড বোডি বিল্ডিং এন্ড ফিজিক স্পোর্টস চেম্পিয়নশিপ অসিদা মণিপুরগী মায়কৈদগী ইন্দিয়াগী টিম অদুদা মণিপুরগী চিংঙাংবম করিস্মানা অনীশুবা পোজিসন ফংখিবা কেটাগোরি অদুদা মালেশিয়াগী মৈলোরা দোরা জিমিনা অহানবা পোজিশন ওইখি। অদুগা টাজিকিষ্টানগী য়েস্মিন অন নিমরনা অহুমশুবা তাখি।
চেম্পিয়নশিপ অদুদা শরুক য়াখিবা বোডি বিল্ডিংশিংগী মনুং যুবরাজ সোনর অমসুং য়ুম্নাম মনিসনা য়াওখি। অদুগা ইন্দিয়াগী টিম অদুগী অফিসিয়েল ওইনা এল কিষানসু শরুক য়াখি হায়না অল মণিপুর বোডি বিল্ডার্স এসোসিয়েশনগী জেনারেল সেক্রেটারি য়ুম্লেম্বম সুনন্তনা পীরকপা চেরোল অমনা খঙহল্লক্লি।
চেম্পিয়নশিপ অদুদা নুপাগী কিলোগ্রাম ৭০ গী মনুংদা লৈবা কেটাগোরি অদুগী ওইনা ইন্দিয়াগী টি রাম কৃষ্ণনা মকোক ওইখি। হায়রিবা কেটাগোরি অদুদা মালেশিয়াগী বুদা অনাক অন্সানা অনীশুবা, য়ূম্বু লৈবাক উজবেকিষ্টানগী ভালেরি ষ্টোয়ানোবনা অহুমশুবা অদুগা ইন্দিয়াগী সেভিও হেন্দরিক অমদি রাজেন্দ্রন রাঘবননা মরিশুবা অমদি মঙাশুবা পোজিশন তারখি।
নুপীগী জুনিয়ার ফিটনেম ফিজিককী চহী ২১ গী কাঙলুপ্তা অহানাব পোজিশন অদু হাঙ্গেরিগী বর্নাডেট ব্রিজিতানা মকোক ওইরগা মোঙ্গোলিয়াগী বোলোর টুকজর্গলনা অনীশুবা তাখি। নুপাগী কিলোগ্রাম ৬৫ গী সিনিয়রগী কাঙলূপ্তা ইন্দিয়াগী বেঞ্জামিন রাজেন্দ্রননা ৩ শুবা তাখি।
সোর্স: হুইয়েন লানপাউ

COMMENTS

WORDPRESS: 0
DISQUS: