গ্লোবাল মিডিয়া কম্পিটিশনদা তাওরেম সানানুনা সেকেন্দ তাখ্রেতাওরেম সানানু

Homeকমিউনিটি

গ্লোবাল মিডিয়া কম্পিটিশনদা তাওরেম সানানুনা সেকেন্দ তাখ্রে

সিলেট অফিসঃ জুন ০৫। গ্লোবাল সেন্টার ফর গুড গভর্নেন্স ইন টোবাকো কন্ট্রোল (জিজিটিসি) না শিল্লাংদুনা পাংথোকপা গ্লোবাল মিডিয়া কম্পিটিশন ২০২১ তা শরুক য়াদুন

সিলেট অফিসঃ জুন ০৫। গ্লোবাল সেন্টার ফর গুড গভর্নেন্স ইন টোবাকো কন্ট্রোল (জিজিটিসি) না শিল্লাংদুনা পাংথোকপা গ্লোবাল মিডিয়া কম্পিটিশন ২০২১ তা শরুক য়াদুনা লৈবাক ৫০ বু তুংদা থম্মদুনা বাংলাদেশ ইউনিভার্সিটি অব ইঞ্জিনিয়ারিং এন্ড টেকনোলজি (বুয়েট)গী আর্কিটেকচার ডিপার্টমেন্টগী মহৈরোয় তাওরেম সানানুনা সেকেন্ড তারকখি।

তাওরেম সানানু মৌলভীবাজার ডিস্ট্রিক্টকী কমলগঞ্জ উপজেলা মীতৈশিংনা ভানুগাছ কৌবা লৈবাক্কী মনুংচনবা হুমেরজান নীলকুঠি কৌবা খুঙ্গংদগীনি। ডেইলি সান অমসুং দ্য ডেইলি ক্যাম্পাস কৌবা ঢাকাদগী ফোংবা চেফোং (জুন ০২, ২০২১ইং)অনিদগী খংবা ঙম্মি, মালেমদা টোবাকো শিজন্নবা থিংবগী হিরমদা হায়রিবা গ্লোবাল মিডিয়াগী কম্পিটিউশন অসিদা ইনফোগ্রাফিক্স ডিভিশনদা মহাক্না সেকেন্ড তারকখিবনি। ইনফোগ্রাফিক্স অসিদা মহাক্না করম্না মলেমদা টোবাকো অসি শিজন্নবগী চাং হেনবদগী কয়ায়াম্না শোকপা থেংনরি অদুগী চাং অমা লাই ওইনা য়েক্তুনা থাগৎখি।

ইনফোগ্রাফিক্স অসিদা টোবাকো অসিবু লুপ্লবা জাহাজ অমগা চাংদমনখি

মহাক্কী ইনফোগ্রাফিক্স অসিদা য়েংহল্লি চহি খুদিংগী মালেম অসিগী ইকোনোমিক্স পাওয়ার লৈবা লৈবাক মরিনা ১২০ ক্রোর টেক্স পিদবা অমসুং টোবাকোনা চহিনা ১.৫ লাখ অঙাং অমসুং ২৫ লাখ নুপী শিবা য়াওনরি। টোবাকােগী মচাক শিং থাবগীদমক চহি খুদিংগী চিং অমসুং উমংগী লম কয়া মাংহল্লি। প্রোডাক্সন ক্যাপাসিটি ৱাৎপদগী অমসুং হেলথকেয়ারদতা চহিদা লাখ অমা লিশিং ৪০ ক্রোর ডলার মাংলি।

তাওরেম সানানুনা হায় ‘টোবাকো ইজ নট এলোন’ হায়বা থিমদা মহাক কম্পিউটিশন অসিদা শরুক য়াবনি। টোবাকো ইন্ড্রাষ্ট্রিজ অসি কনজুমারতা নৎতে অতোপ্পা অতৈ অতৈ ট্রেঞ্চ কয়াদসু অমাং-অতা ওইহল্লি। অসিদা মহাক্না টোবাকো অসিবু লুপ্লবা জাহাজ অমগা চাংদম্নখি। লুপ্লবা জাহাজ অসিদা থৱায় কনবগি অতৈ কেপাবিলিটি লৈতৈ। হায়রিবা টোবাকো জাহাজ অসিনা করিশু খংদ্রবা ইচম চম্লবা মীওই কয়াগী পুন্সী মাংহনগনি অমসুং মালেমগী এনভায়রমেন্টকীশু অমাং অতা কয়া ওইহনগনি হায়বগি মমিনি।

অদুনা টোবাকো অসিনা অতৈগা হেন্না অমাং-অতাগী তমথিরবা ফীভম হেঞ্জলক্‌ত্রিঙৈ মাংদা ময়ামচংনা অমত্তা ওইনা ঙাক্নবা হায়না আপীল তৌরকখি। মহাক্না অতৈসু হায়, কম্পিউটিশন অসিদা সেকেন্ড তারকপদা মহাক্পু মতেং পিবিবা অমসুং সাপোর্ট তৌবিরিবা ময়াম্বু থাগৎচবগা লোয়ননা তৌবিমল উৎচরি হায়দুনা।

COMMENTS

WORDPRESS: 0
DISQUS: