গ্রেটার ইম্ফাল নুমীৎ ৭নিগী কন্টেনমেন্ট জোন ওইরে হায়দুনা লাউথোকখ্রেইম্ফাল সিটি

Homeকমিউনিটি

গ্রেটার ইম্ফাল নুমীৎ ৭নিগী কন্টেনমেন্ট জোন ওইরে হায়দুনা লাউথোকখ্রে

ঙরাংসু পোজিটিভ কেস ৩১৪ থেংনখি, ৬ শিখি, পুন্না শিখিবা মীওই ৪০১ শুরে স্টেট অসিদা কোভদি-১৯গী লায়না-লাইচৎনা নাহনবা মীগী মশীং খঙহৌদনা হেনগৎলকপনা মরম ওইরদু

ঙরাংসু পোজিটিভ কেস ৩১৪ থেংনখি, ৬ শিখি, পুন্না শিখিবা মীওই ৪০১ শুরে

স্টেট অসিদা কোভদি-১৯গী লায়না-লাইচৎনা নাহনবা মীগী মশীং খঙহৌদনা হেনগৎলকপনা মরম ওইরদুনা ঙসি মণিপুর লৈঙাক্কী হোম ডিপার্টমেন্টকী মায়কৈদগী স্টেট দিজাস্টার মেনেজমেন্ট অথোরিটি স্টেট এক্সিকিউটিভ কমিটিগী চেয়ারপার্সন অমসুং চীফ সেক্রেটারী থৌদাং পুরকখিবা এম ঐচ খাননা থোকখিবা ওর্ডার অমগী মতুংইন্না অপূনবা গ্রেটার ইম্ফালগী মফম পুম্নমক নুমীৎ ৭নিগী ওইনা খুদক্তগী কন্টেনমেন্ট জোননি হায়না লাউথোকখিবগা লোয়ননা ঙসিসু পোজিটিভ কেস ৩১৪ থেংনবগী মথক্তা মীওই ৬ শিহনখিবা থারগা পুন্না হৌজিক ফাওবদা কোভিদ-১৯ না শিহনখিবা মীওইশিংগী মশীং ৪০২ শুখ্রে।

হোম ডিপার্টমেন্টকী মায়কৈদগী ইনচার্জ চীফ সেক্রেটারিনা দিজাস্টার মেনেজমেন্ট এক্ট, ২০০৫গী সেক্সন ২০(২)ন(এ) গী মখাদা থোকখিবা ওর্ডার অসিগী মতুংইন্না অকক্ননা পার্মিসন পীরবা মীওইশিং নত্তনা এক্টিভিটি অমসুং মুভমেন্ট পুম্নমক সাস্পেন্দ তৌদুনা থমখ্রে।

অর্ডার অসিগী মতুংইন্না চৎথোক চৎশিন তৌবদা অয়াবা পীরবশিংনা অক্সিজেন/অক্সিজেন সিলিন্ডারশিং পুথোক-পুশিন তৌবা য়াওনা পোৎচৈ পুবা গাড়ীশিং, হেলথ কেয়ার ফেসিলিটিশিং য়াওনা এনিমেল হেলথ কেয়ার, হোস্পিটাল, ক্লিনিক, নার্সিং হোমশিং অমসুং হেলথ কেয়ার ৱার্কারশিং, ভেটিরিনরি মেডিসিনশিং য়োনবা য়াওনা ফার্মেসি পুম্নমক, কোভিদ-১৯গী হিদাক কাপ্পা চৎপা মীওইশিং অমসুং কোভিদ টেস্টিং অমদি মেডিকেল ইমারজেন্সিগী মীওইশিং, হোম, হেলথ, রিলিফ এন্ড দিজাস্টার মেনেজমেন্ট, পুলিস দিপার্টমেন্ট অমসুং দিস্ট্রিক্ট এডমিনিস্ট্রেসনগী ইমপ্লোয়ীশিং অমদি পার্সনেল স্টাফশিং নত্তনা গ্রেটর ইম্ফালদা লৈবা অফিস পুম্নমক থিংলগনি হায়রি।

অদুমকপু থক্নবা ঈশিং, মৈ, ফায়ার ফাইটিং, ওয়েস্ট/গার্বেজ কালেকশন, এটিএম সার্ভিসনচিংবা এসেন্সীয়েল সার্ভিসশিংদা দিপ্লোয় তৌরিবা মীওইশিংগীদি কোমথোক্কনি। মনা-মশিঙ, ঙা-শাগী ইমা কৈথেলদা লৈবা নত্তবা দুকানশিঙ, মিল্কগুডসশিং অয়ুক পুং ৬তগী পুং ১০ ফাওবগী মনুংদা ফিজিকেল ডিস্টেন্সিং ঙাক্লগা কন্টেনমেন্ট জোন ওইনা লাউথোক্লিবা গ্রেটার ইম্ফালগী মফমশিংদা হাংবা য়াগনি। অদুগা লোকাল গ্রোসারি দুকানশিং অমসুং শা-ঙাগী মচিঞ্জাকশিং য়োনবা দোকানশিংগী ওইনা মীয়াম্না লৈনবগীদমক অয়ুক পুং ৬তগী অয়ুক পূং ১০ ফাওবা হাংবা য়াগনি। ইম্ফালদা লৈবা হোলসেল দুকানশিঙগী ওইনা দুকা ৩/৩ খুদিংগী অমমমগী রোটেশনগী চাংদা অয়ুক পুং ৬তগী পুং ১০ ফাওবা হাংবা য়াগনি। পেট্রোল পাম্পশিং মহৌশাগুম হাংগনি। অদুম ওইনমক মী চিলহল্লোইদবনি হায়রি।

ইলেক্ট্রনিক অমসুং প্রিন্ট মিডিয়া অমদি টেলিকম সার্ভিস প্রোভাইদরগা মরী লৈনবা অফিসশিং অমসুঙ মখোয়গী মীওইশিংদি কোমথোক্কনি। ইম্ফাল এয়ারপোর্টসু মহৌশাগুম হাংবগা লোয়ননা মসিগী স্টাফ অমসুং পেসেঞ্জারশিং চৎথোকচৎশিং তৌবগী অয়াবা পীগনি। লেকফমগী খুদোংচাবা ফংবা হোটেলশিং মখোয়গী স্টাফশিং মশীং হন্থহল্লগা হাংবা য়াগনি। অদুম ওইনমক রেষ্টুরেন্টশিংদি থিংলগনি হায়রি। নুমীৎ ৭নিগী কন্টেনমেন্ট জোন লাউথোক্লিবা অসিগী মনুংদা চাননবা পোৎলমশিং অমসুং গ্রোসারিগী ডেলিভারী সার্ভিসশিংদসু অয়াবা পীগনি হায়রি। লোয়ননা ঙসি থোক্লিবা অর্ডার অসি থবক্তা ওন্থোক্লবগীদমক মথৌ তাবশিং লৌখৎনবা ইম্ফাল ইস্ট অমসুং ওয়েস্টকী ডেপুটি কমিশনারশিং অমদি পুলিসকী এসপিশিংসু খঙহনখ্রে হায়রি।

অমরোমদা, ঙসি নুংথিল পুং ৫ ফাওবগী ওইনা কোভিদ-১৯ কম্মন কন্ট্রোল রুমদগী ফংখিবা চেরোল অমগী মতুংইন্না ঙসিগী ওইনা পোজিটিভ ওইখিবা অপূনবা কেস মশীং ৩১৪নি। মসিগী মনুংদা জেনারেল পপুলেশনগী ওইনা নুপা ১৬৭ অমসুঙ নুপি ১২৯নি। অদুগা ১৮না সেন্ট্রেল আর্মদ পুলিস ফোর্স (সিএপিএফ) কী পার্সোনেলশিংনি হায়রি।

হৌজিক ফাওবদা স্টেট অসিগী ওইনা অপুনবা পোজিটিভ কেসশিংগী মশীং ৩১,৩১৫ শুখ্রে। মসিগী মনুংদা জেনারেল পপুলেশনগী ২৭,৭৬৩ ওইরগা সেন্ট্রেল সিকুউরিটি পার্সোনেলশিংগী মশীংনা ৩,৫৫২ নি। লায়না-লাইচৎ অসিদগী ফগৎলকপা অপূনবা মীশিংনা ২৯,৬৯০ নি। মসিগী মনুংদা জেনারেল পপুলেশনগীনা ২৬,২৪০ ওইরগা সেন্ট্রেল আর্মদ পার্সোনেলশিংগী মশীংনা ৩,৪৫০নি। এক্টিভ কেশশিংগী মশীংনা ১,২২৩ য়ৌরকখিবগা লোয়ননা মীওই ১,১২৭না জেনারেল পপুলেশনগী ওইরগা সেন্ট্রেল সিকিউরিটি পার্সোনেলশিংগী মশীংনা ৯৮ নি। অপূনবা লায়না অসিদগী ফগৎলকপা মীশিংগী চাংনা চাদা ৯৪.৮১ নি হায়রি।

সোর্সঃ হুইয়েন লানপাউ।

COMMENTS

WORDPRESS: 0
DISQUS: