খুম্বোংময়ুম গৌরহরি মধুমতি মাদর লেঙ্গুয়েজ এৱার্ড ২০২১ চুংখাম যশৱন্তদা পীরগনি

Homeনোটিশ

খুম্বোংময়ুম গৌরহরি মধুমতি মাদর লেঙ্গুয়েজ এৱার্ড ২০২১ চুংখাম যশৱন্তদা পীরগনি

চহী খুদিংগী সাহিত্য থৌপাং লুপ (সাথৌলুপ) না পীবা ‘খুম্বোংময়ুম গৌরহরি মধুমতি মাদর লেঙ্গুয়েজ এৱার্ড’ ২০২১ গী ওইনা মণিপুরগী লেঙ্গুএজ এক্টিভিষ্ট চুংখাম য

চুংখাম যশৱন্ত

চহী খুদিংগী সাহিত্য থৌপাং লুপ (সাথৌলুপ) না পীবা ‘খুম্বোংময়ুম গৌরহরি মধুমতি মাদর লেঙ্গুয়েজ এৱার্ড’ ২০২১ গী ওইনা মণিপুরগী লেঙ্গুএজ এক্টিভিষ্ট চুংখাম যশৱন্তদা পীরগনি। এৱার্ড অসি ফেব্রুয়ারী ২১ দা পাংথোক্কদৌরিবা ইন্টর্নেশ্নেল মাদর লেঙ্গুএজ দে গা মরি লৈননা মণিপুর প্রেস ক্লবতা পাঙথোক্কদৌরিবা থৌরমদা পীগনি। এৱার্ড অসিদা শেল ওইনা লুপা লিশিং তরা, সাইটেশন অমা অমসুং সাল অমা য়াওরি। সাথৌলুপকী সেক্রেটরী ময়াংলম্বম উত্তমকুমারনা থাদোরকপা প্রেস রিলিজ অমদা পাউ অসে শন্দোরকখিবনি।

মশাগী মমারোল ওইজরিবা লোলশিংবু হিংহন্নবা অমসুং চাওখৎহনবগী পান্দমদা UNESCO না ২০০০ দগী ফেব্রুয়ারি ২১ বু ইন্টর্নেশ্নেল মাদর লেঙ্গুএজ দে হায়না পালন তৌদুনা লাক্লিবা অসিগী শরুক অমা ওইনা সাথৌলুপনা মশক নাইবা লেঙ্গুএজ এক্টিভিষ্ট অমমম খনগৎতুনা হায়রিবা এৱার্ড অসি পীদুনা লাকপগি মনুং চন্না শকনাইরবা লেঙ্গুয়েজ এক্টিভিষ্ট চুংখাম যশৱন্তবু ২০২১ গী ওইনা এৱার্ড অসি পীনবা খনগৎপগী মরু ওইবা মরমদি যশৱন্তনা ঙসিফাওবা চোকথবা নাইদনা মমারোল ওইরিবা মণিপুরীগীদমক অচৌবা থৌদাং লৌদুনা লাক্লি। লোনগা মরি লৈনবা অচৌ অচৌবা নেস্নেল কনফরেন্স ৪১ অমসুং ইন্টর্নেস্নেল কনফরেন্স ৮ দা শরুক য়াখ্রে। মহাক মণিপুর য়ুনিভার্সিটিগী দিপার্টমেন্ট ওফ লিঙ্গুইসটিক্সকী প্রোফেসার অমা ওইনা থবকতগী পোত্থাখি। লোন অমসুং গ্রামারগা মরি লৈনবা লাইরিক ৭ ফোঙখিবগা লোয়ননা মশানা ইবা শৈরেংগী লাইরিক ২ সু ফোঙখ্রে। মণিপুরী লোনগী ভিজিটিং স্কোলার অমা ওইনা য়ুএসএ দা লৈবা য়ুনিভর্সিটি ওফ নোর্থ তেক্সাসতসু ২০০৯ গী জুন – জুলাইদা চৎলুরে। য়ুএসএদা লৈবা য়ুনিভর্সিটি ওফ কালিফোর্নিয়াদগী ২০০৬ – ০৭ তা Fulbright Fellow অমসুং University of London গী মখাদা লৈবা স্কুল ওফ ওরিয়েন্টল এন্দ অফ্রিকা স্টাদিজ দগী ১৯৯৫ – ৯৬ তা Commonwealth Academic Staff Fellowship ফংখ্রে।

COMMENTS

WORDPRESS: 0
DISQUS: