খাপ্রি ইন্টারনেসনেল মণিপুরী শোর্ট ফিল্ম ফেস্টিভেলগী স্ক্রিন্নিং পাঙথোকখ্রে

Homeমিডিয়া

খাপ্রি ইন্টারনেসনেল মণিপুরী শোর্ট ফিল্ম ফেস্টিভেলগী স্ক্রিন্নিং পাঙথোকখ্রে

ইম্ফাল, জানুয়ারী ৩০। ইপাক ফিল্ম প্রদাক্সন মণিপুরনা ফিল্ম ফোরাম মণিপুরগী মীৎয়েং মখাদা শিল্লিবা অহানবা খাপ্রি ইন্টারনেসনেল মণিপুরী শর্ট ফিক্সন ফিল্ম ফ

নোংয়াই শোর্টফিল্মগী সিন অমা

ইম্ফাল, জানুয়ারী ৩০। ইপাক ফিল্ম প্রদাক্সন মণিপুরনা ফিল্ম ফোরাম মণিপুরগী মীৎয়েং মখাদা শিল্লিবা অহানবা খাপ্রি ইন্টারনেসনেল মণিপুরী শর্ট ফিক্সন ফিল্ম ফেস্টিভেল-২০২১ গী স্ক্রীন্নিং ঙসি মণিপুর প্রেস ক্লাব, ইম্ফালগী অডিটোরিয়ামদা তৌখ্রে। মণিপুরগী শক্নাইরবা ফিল্মগী থৌমী ১০না সেসন ২নি থোক্না ফেস্টিভেল অসিগীদমক থাজিল্লকখিবা ফিল্ম ২৪ স্ক্রিন্নিং তৌখি।

ফেষ্টিভেল অসি শিনবগী মতাংদা ফেষ্টিভেল অসিগী কনভেনর রাকেস নাওরেমনা ফোঙদোকখিবদা, কোভিদ-১৯ লাইনা লাইচৎ সিনা মালেম পুম্বদা হীরম কয়াদা অৱা চৈথেং মায়োক্নরি। মায়োক্নরিবা অৱা চৈথেং কয়া অসিবু মালেমগী মীয়ামদা খঙহন্নবগী পান্দমদা শর্ট ফিক্সন ফিল্ম ফেষ্টিভেল অসিদা বাংলাদেশ, ত্রিপুরা, আসাম অমদি মণিপুরগী ফিল্ম মেকারশিংনা ফিল্মশিং থাজিনবিরক্তুনা শরুক য়াবিরকপসিনা ফেষ্টিভেল অসিগী অনৌবা মশক অমা ওইহল্লে।

ফেষ্টিভেল অসিগী ডিরেক্টর খ্বাইরাকপম বিশ্বামিত্রনা ফোংদোকখিবদা, অতেনবা ফিল্ম ফেষ্টিভেল অমা কম্পিটিসন ওইনা ইন্টারনেসনেলগী থাক্তা শিনবসু হন্দক্কিসিনা অহানবনি। অসিগুম্বা ফেষ্টিভেল অসিনা লমদমসিগী নৌনা থোরক্লিবা ফিল্ম মেকরশিংদদি অচৌবা কান্নবা অমা সোইদনা পিরগনি। মখা তাবা ফিল্ম ফেস্টিভেলশিংদসু মীয়াম্না সোইদনা শরুক য়াবিয়ু।

নিংশিংবা য়াই ফিল্ম ফেষ্টিভেল অসিদা বাংলাদেশ লৈপাক্কি ওইনা সোরাইজম উৎপলনা দিরেক্সন পিনা নোংয়াই, অসামগী ওইনা সোমোর লুৱাংনা দিরেক্সন পিবা সিন্থা, ত্রিপুরগী ওইনা আশুতোসনা দিরেক্সন পিবা থৱাইদি হল্লক্লরোই অমদি থাংজম রাতুলনা দিরেক্সন পিবা চৎনা কাংলোন হায়রিবা ফিল্মশিং অসি য়াওরি অমদি মণিপুরগী ওইনা পুন্না ফিল্ম ২০ য়াওরি। ফেষ্টিভেল অসিগী ফাইনাল রেজাল্ট ফেব্রুয়ারিগী ১৬ দা লাওথোক্লগা ফেব্রুয়ারি ২১ দা ইন্টারনেশনেল মাদার লেঙ্গুয়েজ ডে থৌরম নুমিৎতা ফিল্মগী এৱার্দি লান্থোক্কনি হায়রি।

COMMENTS

WORDPRESS: 0
DISQUS: