ক্লাসিকেল মণিপুরী ডান্স ৱার্কশোপ লোইশিনখ্রে

Homeস্ক্রলবার

ক্লাসিকেল মণিপুরী ডান্স ৱার্কশোপ লোইশিনখ্রে

ইম্ফাল, অক্টোবর ০৪ : নোর্থ ইষ্ট জোন কালচারেল সেন্টার, গভর্ণমেন্ট অব ইন্দিয়া, ডিপার্টমেন্ট অব আর্ট এন্ড কালচার গভর্ণমেন্ট অব মণিপুর অমসুং লাইশ্রম মণি ম

ইম্ফাল, অক্টোবর ০৪ : নোর্থ ইষ্ট জোন কালচারেল সেন্টার, গভর্ণমেন্ট অব ইন্দিয়া, ডিপার্টমেন্ট অব আর্ট এন্ড কালচার গভর্ণমেন্ট অব মণিপুর অমসুং লাইশ্রম মণি মেমোরিয়েল ইংলিশ একাডেমি কোংবা অহুম্না খুৎশম্নদুনা মমাঙ থাগী ১৯ দগী চত্থরকপা ক্লাসিকেল মণিপুরী ডান্স ৱার্কশোপ ঙরাং ইম্ফাল ইষ্টকী ইরিলবুংদা হুয়েল লাল্লোং মণিপুর থাঙ-তা কালচারেল এসোসিয়েশনগী কমপ্লেক্সতা লোইশিনখ্রে।
লোইশিনবগী থৌরমদা মণিপুর ষ্টেট কলা একাডেমিগী সেক্রেটারি এল কিশোরজিৎ সিংহনা চীফ গেষ্ট, নোর্থ ইষ্ট জোন কালচারেল কালচারগী মেম্বার শরতচান্দ থিয়ামনা গেষ্ট অব ওনার অমসুং লাইশ্রম মণি মেমোরিয়েল ইংলিশ একাডেমিগী প্রিন্সিপাল এল জোতিন্না প্রেসিডেন্ট ওইখি।
নুমিৎ ১৫নি চুপ্না চত্থরকখিবা ৱার্কশোপ অসিদা একাডেমি অসিগী মহৈরোয় ১৫না শরুক য়াখিবগা লোয়ননা মখোয়বু বি সঞ্জিতা দেবী, চীংঙাংবম থাজমানবী অমসুং নামৈরাকপম সুরিয়ানা এক্সপার্ট ওইদুনা তাকপী তম্বীখিবগা লোয়ননা রঞ্জিৎ চীংথামনা কোওর্ডিনেটর ওইদুনা চত্থখিবা ৱার্কশোপ অসিদগী লোইশিনবা থৌরম অসিদা চালি, হরিরহা অমসুং দশবতারগী জগোয়শিং উৎখি।
করিগীদমক ৱার্কশোপ অসি পাঙথোক্লিবনো হায়বগী মতাংদা ডিপার্টমেন্ট অব আর্ট এন্ড কালচারগী ডিপুটি ডাইরেক্টর ওইরিবা ধর্মাদাস শর্ম্মানা হায়, জোনেল সেন্টার অসিগী অনৌবা স্কিমগী মখাদা স্কুল তম্লিবা নৌরিবা মহৈরোয়শিংদা মখোয় মশা মশাগী ক্লাসিকেল ডান্স অদু খঙহন্নবা পান্দমদা পায়খৎখিবনি।
লোইশিনবগী থৌরমদা গেষ্ট অব অনার ওইখিবা শরতচান্দ থিয়ামনা হায়, অসিগুম্বা ৱার্কশোপ অসিনা ঐখোয়গী কালচার অসিবু য়োকখৎপগা লোয়ননা হেন্না মপাঙ্গল কনখৎহনবদা অচৌবা থৌদাং লৌরগনি। ঙসিগী গ্লোবেলাইজেশনগী মতম অসিদা ঐখোয়গী আইডেন্টিটি ঙাক্ননবা হোৎনবদা তোঙান তোঙানবা কালচারগী থৌরম কয়া পাঙথোকপা মথৌ তাই।
চীফ গেষ্ট ওইখিবা কিশোরজিৎনা হায়, ঐখোয়গী মমল য়াম্লবা কালচারগী থাক অসি হঙ্গৎনা য়েংবা দরকার ওইরে। অহোংবা পাম্বা মীওইবা মরক্তা মশাগী শক্তম হায়বসিমদি তঙাইফদনা ঙাক্নবা হোৎনগদবনি। ৱার্কশোপ অসিনা হৌরক্লিবা মীরোলদা অচৌবা ইথিল অমদি পীবা ঙম্লগনি হায়না থাজৈ।
লোইশিনবা থৌরম অসিদা প্রেসিডেন্ট ওইখিবা জোতিন্না হায়, ৱার্কাশোপ হায়বসি হিরম খুদিংমক্তা কান্নবা পীরিবা ঙাক্তনি। ঐখোয়গী মমল য়াম্লবা জগোয় অসিনা তুং কোইনা মীরোল মীরোলদা হিংদুনা লৈহনবা হায়বসি নৌরিবা মহৈরোয়শিংগী খুৎতা লৈ। মরম অসিনা অসিগুম্বা ৱার্কশোপ শিনবীরিবা এন.ই.জেড.সি.সি অমদি আর্ট এন্ড কালচার ডিপার্টমেন্টপু থাগৎচরি।
সোর্স: সঙাই এক্সপ্রেস

COMMENTS

WORDPRESS: 0
DISQUS: