কৌব্রুগী শক্তম হঞ্জিনহন্নবা হোৎনরিকৌব্রু চীং

Homeকমিউনিটি

কৌব্রুগী শক্তম হঞ্জিনহন্নবা হোৎনরি

কমিটি অন প্রোতেক্সন এন্দ প্রিজার্বেসন অব মাউন্ট কৌব্রু (সিওপিপিকে) না চীং অসিদা মহৌশাগী শক্তম হঞ্জিনহন্নবা, কন্নবা থবক তৌরি হায়না কমিটি অসিগী জেনারেল

কমিটি অন প্রোতেক্সন এন্দ প্রিজার্বেসন অব মাউন্ট কৌব্রু (সিওপিপিকে) না চীং অসিদা মহৌশাগী শক্তম হঞ্জিনহন্নবা, কন্নবা থবক তৌরি হায়না কমিটি অসিগী জেনারেল সেক্রেটারী ডাঃ লামতিনথাং হাউকিপ্না পাউমীশিংগা উনবা অমদা ফোঙদোকখ্রে।

ডাঃ লামতিনথাং হাউকিপ্না হায়খি, কমিটি অসি এমএলএ, নেমচা কিপগেননা মিনিস্টার ওইরিঙৈ মতমদা মরী লৈনবা অফিসিয়ালশিং য়াওনা কৌব্রুগী ফ্লোরা-ফৌনা মাঙ-তাকহনবগী থবক য়েংশিন্নবা অমদি উমং কোকথোকপা থিংনবা ৱাখল্লোন্দা শেমখিবনি। ইং ২০১৯গী জুন ২৪দা কমিটিগী ভলান্টিয়ারশিংনা মরী রৈনবা ডিপার্টমেন্তনা পীরকপা উ চারা কয়ামরুম থাখি অমদি এৱার্নেস পীখি। কমিটিগী মীৎয়েং মখাদা সাইতু গম্ফাজোল এরিয়া য়ুথ অর্গানাইজেসন, তুজাং এরিয়া য়ুথ অর্গানাইজেসন, লৈকোত এরিয়া য়ুথ অর্গানাইজেসন্নচিংবনা কৌব্রুদা উ থাবা য়াওনা তোঙান তোঙানবা গ্রীন এক্টিভিটি কয়া পায়কৎপা লৈখি।

ডা: লামতিনথাং হাউকিপ্না হায়, মফম অসিগী মীয়ম্না অমদি কমিটি অসিনা কৌব্রুদা মহৌশাগী ফীবম ঙাক্নবা থবক তৌরিবা অসি মণিপুর মীয়াম অমদি চীফ মিনিস্টারনা খঙবীবগা লোয়ননা মতেঙ পাংনবা হোৎনবীয়ু। থা অসিগী ২১দগী হৌরগা কৌব্রু কারক্লিবশিংনা মখোঙ খঙদনা গাড়ী থৌবা, পোত্থাফম মফমশিংদা অমোৎ-অকায় হুন্দোকপনচিংব কয়া চত্থরে।

অমরোমদা, থা অসিগী ১৪দা সাইতু ভিলেজনা কমিটি, সাহিলকা কাংপোকপীগী সি এস ওশি অমুসং এ দি জি পি, আই জি এস পি কাংপোকপীগী মরক্তা য়ানখিবা ‘জেন্তলমেন্টস এগ্রীমেন্ট’ খোঙ্গাওনবা মওংদা কাংপোকপীগী পুলিস পার্সনেলশিংনা করিগীদমক্তা হৌজিকসু কৌব্রুদা স্তেসন তৌরিবনো। কৌব্রু কারকপশিংনা এসওপি থুগায়বদগী দিস্ত্রিক্ট অসিদা কোভিদকী কেস মশীং হেনগৎলকপা য়াবগী ওইথোকপা লৈরক্লিবা অসি দিস্ত্রিক্ট এডমিনিস্ত্রেসন কাংপোকপীনা থৌশাদবা তৌরোয়দবনি হায়খি।

সোর্সঃ পোক্নফম।

COMMENTS

WORDPRESS: 0
DISQUS: