কোভিদ ১৯ না মরম ওইদুনা মণিপুরদা মে থানা মী খ্বাইদগী য়াম্না শিবা থা ওইখি

Homeভারত

কোভিদ ১৯ না মরম ওইদুনা মণিপুরদা মে থানা মী খ্বাইদগী য়াম্না শিবা থা ওইখি

ইম্ফাল, জুন ১ : কোভিদ-১৯ লাইচৎকী অনীশুবা ওয়েবনা মরম ওইদুনা মণিপুরদা মী শিবগী চাং হেনগৎলকপগা লোয়ননা মে থাদা মী ৪০২ শিখিবদগী মী খ্বাইদগী য়াম্না শিবা থা

ইম্ফাল, জুন ১ : কোভিদ-১৯ লাইচৎকী অনীশুবা ওয়েবনা মরম ওইদুনা মণিপুরদা মী শিবগী চাং হেনগৎলকপগা লোয়ননা মে থাদা মী ৪০২ শিখিবদগী মী খ্বাইদগী য়াম্না শিবা থা ওইরে। মী শিবগী চাং হেনগৎলক্লিবা অসিদা চহী ৪৫ গী মখাদা লৈবা মীশিং শিবগী চাংসু হেনগৎলক্লি।

মে ৩১ পাওবদা কোবিদ লাইচৎ অসিনা মরম ওইরগা পূন্না মী ৮০৭ শিখিবগী মনুংদা মে থা খক্তদা মী ৪০২ শিখ্রে অদুগা লেমহৌরিবা মী ৪০৫ না হৌখিবা থা ১০ অসিদা শিখিবনি। চহী ৪৫গী মখাদা লৈবা মী ১২৮ শিখ্রে, মসিগী মনুং দা মে থা খক্তদা মী ৬৭ শিখি অদুগা হৌখিবা থা ১০ অসিদা শিখিবা চহী ৪৫গী মখাদা লৈবা মী মশীংনা ৬১ নি। কোভিদ-১৯ লাইচৎনা মরম ওইদুনা মণিপুরদা ইহান হানবা ওইনা মমাঙ চহীগী জুলাই ২৯ দা মী অমা শিখি।

চহী ৫১ দগী ৭৫ ফাওবগী মনুংদা লৈবা মী-না শিবগী চাং খ্বাইদগী ৱাংলি। থা ১৮ খক্তা ঙাইরিবা অঙাং অমা শিখিবা অসিনা খ্বাইদগী চহী নৌনা লাইচৎ অসিনা শিহনখিবা ওইরে। অঙাং অদু মে ৩১ দা শিখিবনি। হৌজিক ফাওবদা চহী ১৮ গী মখাদা লৈবা মী মঙা শিখ্রে অদুগা চহী ১৯ দগী ৩০ ফাওবগী মনুংদা লৈবা মী ১৫ শিখ্রে।
তোঙান তোঙানবা চহী কাঙলূপ্তা মী শিখিবগী মশীং অসি চহী ৩১দগী ৩৫ ফাওবগী মনুংদা লৈবা মী ৩০, চহী ৩৬ তগী ৪০ ফাওবদা লৈবা মী ৩৪, চহী ৪১দগী ৪৫ ফাওবগী মনুঙদা লৈবা মী ৪৯, চহী ৪৬ তগী ৫০ ফাওবগী মনুংদা লৈবা মী ৬০, চহী ৫১ দগী ৫৫ ফাওবগী মনুং দা রৈবা মী ৯০, চহী ৫৬ তগী ৬০ ফাওবগী মনুংদা লৈবা মী ১১০, চহী ৬১ তগী ৬৫ ফাওবগী মনুংদা লৈবা মী ১০৮, চহী ৬৬ তগী ৭০ ফাওবগী মনুংদা রৈবা মী ৯৬, চহী ৭৬ তগী ৮০ ফাওবগী মনুঙদা লৈবা মী ৬৬, চহী ৮১ দগী ৮৫ ফাওবগী মনুংদা লৈবা ২৮, চহী ৮৬ তগী ৯০ ফাওবগী মনুংদা লৈবা মী ২১ অমসুং চহী ৯১ দগী ১০০ ফাওবগী মনুংনা লৈবা মী ১২ নি।

মমাঙ চহীগী মার্চ অমসুং এপ্রিল থাদা পোজিটিব ওইবা কেস অমমম থেংনখি অদুগা মে অমসুং জুন থাদনা মথংশিৎনা পোজিটিব কেস৬৯ অমসুং ১১৬৩ রিপোর্ট তৌখি। লাইচৎ অসিগী পোজিতিব ওইবা কেস থেংনখিবা অহানবা থা মরিদা মী শিবগী কেস অমত্তা লৈখিদে। মমাঙ চহীগী জুলাই থাদদি পোজিতিব ওইবা কেস ১৩৮৭ রিপোর্ট তৌখিবগা লোয়ননা মী মঙা শিখি। আগস্ট থাদা পোজিতিব কেস ৩৬৩১ রিপোর্ট তৌরগা মী ৪০ শিখি। অক্টোবর থাদা মী ৭৫১৯ পোজিতিব ওইখিবদা মী ১০০ শিখি। নভেম্বর থাদনা মী ৬৫৪৩ পোজিতিব ওইখিবদা মী ১১৩ শিখি অদুগা ডিসেম্বর থাদনা পোজিতিব কেস ৩১৩৪ রিপোর্ট তৌরগা মী ৭৪ শিখি।

চহী অসিগী অহনাবা থা জানুয়ারীদা মী ৮৮০ পোজিতিব ওইখিবদা মী ১৬ শিখি, ফেব্রুয়ারি থাদা মী ২০৫ পোজিতিব ওইরগা মী ২খক শিখি। মার্চ থাদা পোজিতিব কেস ১২৭ থেংনখিবদা মী অমা শিখি অদুগা এপ্রিল থাদনা মী ২৪৫৭ পোজিতিব ওইরগা মী ৩১ শিখি। অদুবু হৌখিবা মে থাদদি পোজিতিব কেস ১৮,৮৯৪ দা খংহেন হেনগৎখিবগা লোয়ননা লাইচৎ অসিনা মে থা খক্তদা মী ৪০২ শিহন্দুনা খ্বাইদগী হেন্না মী শিবা থা ওইখি।
সোর্স : পোক্নফম

COMMENTS

WORDPRESS: 0
DISQUS: