কোভিদ-১৯ না নারুবদগী মহাও অমসুং মনম খঙদবা করম্না ফরকহনগদগে

Homeস্ক্রলবার

কোভিদ-১৯ না নারুবদগী মহাও অমসুং মনম খঙদবা করম্না ফরকহনগদগে

কোভিদ-১৯ ইনফেক্সনগী ইহান হানবা খুদম-চাংদম অসি এনোজমিয়া হায়নসু খঙনবা মনম অমসুং মহাও মাঙবা নৎত্রগা খঙদবা হায়বসিনা অনম্বা মতমদা ওইগল্লি। মীওই খরগী ওইনদি

কোভিদ-১৯ ইনফেক্সনগী ইহান হানবা খুদম-চাংদম অসি এনোজমিয়া হায়নসু খঙনবা মনম অমসুং মহাও মাঙবা নৎত্রগা খঙদবা হায়বসিনা অনম্বা মতমদা ওইগল্লি। মীওই খরগী ওইনদি মনম-মহাও মাঙবা অসিখক্তংনা মশাগা ভাইরাস অসি য়াওরে হায়বগী খুদম-চাংদম ওইবা য়াওই। মনম অমসুং মহাও ফাওদবা হায়বসি য়াম্না ৱাখল নুংনাংনিংঙাই ওইবা ফিভম অমনি, অদুগা ফিভম অসি কা হেন্না কুইনা মায়োক্নদুনা লৈরগনা হেন্না নুংঙাইতবা পোকহন্নবা মরম অমা ওই।
অনম্বা মতমদা মহাওনা খঙদবনা খরা থুনা ফুরক্কল্লি, অদুগা মনম খঙদবা হায়বসিনা ফরকপদা খরা কুইনা চঙ্গল্লী। মীওই অমা কোভিদ-১৯না নারুবদগী ফগৎলক্লে হায়রগসু মনম খঙদবগী ফিভম অদু অদুম্মক মায়োক্নদুনা লৈরগদি করি তৌগদগে? পাউখুমগীদমক মখাদা য়েংমিন্নসি। ভাইরেল রেস্পিরেটরি ইনফেক্সন অমা তৌররবা মতুংদা মনম ফাওদবা হায়বসি অনৌবা ৱাফম অমা নত্তে। পোষ্ট-ভাইরেল স্মেল লোস (ভাইরেল ইনফেক্সন তৌররবা মতুংদা মনম ফাওদবা) হায়বসিদা নাতোন মহী চেনবা অমদি অতোপ্পা নাতোনগা মরী লৈনবা সিম্পটমশিং য়াওই। অদুবু কোভিদ-১৯গী ওইনদি মদু নত্তে, মসিদদি মনম অমসুং মহাও মাঙবা হায়বসিনা অহানবা সিম্পটম ওইগল্লি। কোভিদ-১৯ ভাইরাস অসি নার্ভাস সিষ্টেমদা য়াম্না থুনা এটেচ তৌবা ঙমই। ভাইরাস অদুনা য়াম্না লায়না নাতোনদা য়ৌরকই অমদি ওলফেক্টরি নার্ভতা এটেচ তৌশিল্লি। ওলফেক্টরি নার্ভ হায়বসি নাতোনগী খ্বাইদগী মথক থংবা শরুক্তা লৈবা মনমগা মরী লৈনবা সেন্সরি ইনফোরমেশনশিংবু ব্রেনদা য়ৌহনবগী থবক তৌবা নার্ভশিংনি।

সার্স-কোভ-২ ভাইরাসনা ওলফেক্টরি নিউরেল সার্কুইটশিংদা পার্মানেন্ট ডেমেজ থোকহন্দুনা এনোজমিয়া লেপ্তনা তৌহনবগী থৌওং থোকহন্দবা য়াই

ঐখোয়না অথুম্বা, অশিনবা, অখাবা অমদি অহাওবা মহাওশিং অসি খঙবা ঙমই অদুবু ঐখোয়দা মনম ফাওদ্রবা মতমদদি অঙ্গুর অমসুং চেরিগী মরক্তা খেন্নবা খন্দোকপা ঙমদে, অনীমক অথুম্বা পোৎশক অমতমক ওইগনি। তোঙান তোঙানবা ষ্টাদি কয়ামরুমনা সাজেষ্ট তৌরি মদুদি, ভাইরেল ইনফেক্সন তৌরুবদগী ওলফেক্টরিগী মথৌ তৌবা ঙমদ্রবা মীওইশিংগী ওইনা মনমশিংদা ঙাইহাক ঙাইহাক্কী ওইনা য়াম্না তোয়না এক্সপোজ তৌবনা মখোয়বু মনম ফাওদবগী ফিভম অদুদগী রিকভার তৌরকপদা মতেং পাংবা ঙমই।
জার্নেল অব ইন্টার্নেল মেডিসিনদা পাব্লিস তৌখিবা স্টাদি অমগী মতুংইন্না পেশেন্টশিংগী চাদা ৯৫দা থা তরুক্কী মনুঙদা মনম ফাওদবগী ফিভম অদু ফরকই হায়রি।
পেশেন্ট অয়াম্বগী ওইনা, সার্স-কোভ-২ ভাইরাসনা ওলফেক্টরি নিউরেল সার্কুইটশিংদা পার্মানেন্ট ডেমেজ থোকহন্দুনা এনোজমিয়া লেপ্তনা তৌহনবগী থৌওং থোকহন্দবা য়াই। মীওই কয়ানা মৈনা চাক্লবা কোম্লা চাবা অমদি তিলহৌবু সেম চীক্তুনা চাবগুম্না চীকপনচিংবা এরােমেটিক চীঞ্জাকশিং শীজিন্নদুনা মখোয়গী মাঙলুরবা মহাউগী সেন্স অদু ট্রিগার তৌনবা হোৎনবগী ভিডিও কয়া অমা ইন্টারনেটতা থোরক্লি। মসি য়েংনবদদি মওং তাদবা থৌওং অমা ওইবা য়াই অদুবু কান্নবদি ফংই হায়রি। হায়রিবা এক্সারসাইজ অসি ওলফেক্টরি ট্রেনিং তৌবগা চপ মান্নবা থবক তৌই হায়রি। ওলফেক্টরি ট্রেনিংনা হকচাংগী নিউরোপ্লাষ্টিসিটিবু য়ুটিলাইজ তৌই। নিউরোপ্লাষ্টিসিটি হায়বসি হকচাংনা অনৌবা নার্ভ পাথওয়েশিং ফোর্ম তৌবা ঙম্বগী পাঙ্গল অদুবুনি। হকচাংনা অনৌবা নিউরেল পাথওয়েশিং শেম্বদা মেথদশিং অসিনা মতেং পাংই অমদি অসুম তৌবা অসিনা সেন্স অব সেম্পল অদু রিকোভার তৌই।
আল্ফা-লিপোইক এসিদ, ভিটামিন এ সাপ্লিমেন্টশিং অমদি ওভার-দ-কাউন্টার ষ্টেরয়েড নেজল স্প্রেশিংসু শীজিন্নবদা কান্নবা ফংবা য়াই। ওলফেক্টরি ট্রেনিং অসি য়ুমদা য়াম্না লায়না তৌবা য়াই অমিদ মস সাইদ ইফেক্ট অমত্তা লৈতে। মসিনা স্মেল ফাইবারশিংবু অমুক মথৌ তৌরকহন্নবগীদমক প্রোমোট তৌবদা মতেং পাংই।
য়ুমদা অরৈবা পোৎলমশিংদগী হান্না হেক্তা মনম নম্বা হৌবা য়াই। কফি, পারফিউম, য়ুবি, ভেনিলা, নুংশিহীদাক, লোং (ক্লোভ), য়ুকেলিপ্টস, সাইত্রাস নৎত্রগা তোঙানা তোঙানবা ইসেন্সিয়েল ওইলশিংদগী হান্না হেক্তা মনম নম্বা হৌবা য়াই। হায়রিবা পোৎলমশিং অসি হেক আইদেন্টিফাই তৌবা ঙম্লকপগা অতোপ্পা মনমশিংদা অমুক মখা চত্থবা য়ারে।
কোভিদ ১৯না নারুবদগী ফগৎলকপগী মতম অসি মীওই অমগা মীওই অমগা মান্নদে। কনাগুম্বা মীওই খরনা নুমিৎ খরনিগী মনুংদা ফগৎলকই অদুগা অতোপ্পা মীওই খরনা থারোমদা চঙবা য়াই। কোভিদ নারুবা মতুংদা মনম খঙদবগী খুদোংচাদবা মায়োক্নবা মীওইশিং পেরোসমিয়াগী সাইদ ইফেক্টশিং লৈরম্বা য়াই। পেরোসমিয়া হায়রিবা ফিভম অসিনা মনম খঙদবগী থৌওং অদুদি ফরক্লবা অদুবু পোৎশোক অদুগী অশেংবা মনম অদু ফাওবগী মহুত্তা নমথিবা মনম ওইনা নম্বগী থৌওংনি। পেরোসমিয়াগী মতাংদা হেন্না মমুৎ তানা খঙনবগীদমক লৌশিং পুক্কৈগী মতুং তারকপদা লাক্কদবা ইস্যুশিং ঙাইমিন্নসি।

কার্টসি: হুইয়েন লানপাউ

COMMENTS

WORDPRESS: 0
DISQUS: