কোভিদ-১৯ দা ‘এজিথ্রোমাইসিন’ করিমত্তা কান্নদেঃ স্টাডি

Homeহকচাং পাওজেল

কোভিদ-১৯ দা ‘এজিথ্রোমাইসিন’ করিমত্তা কান্নদেঃ স্টাডি

লোস এঞ্জেলস, জুলাই ১৯ : কোভিদ- ১৯ নাবা মতমদা ডাক্তার অয়াম্বনা এন্টিবায়োটিক এজিথ্রোমাইসিন হেক্তা থারিবা অসি করিমত্তা কান্নদবা অমনি, মসিনা কান্নবা পীবদি

লোস এঞ্জেলস, জুলাই ১৯ : কোভিদ- ১৯ নাবা মতমদা ডাক্তার অয়াম্বনা এন্টিবায়োটিক এজিথ্রোমাইসিন হেক্তা থারিবা অসি করিমত্তা কান্নদবা অমনি, মসিনা কান্নবা পীবদি লাইরদনা হোস্পিটালদা এডমিট তৌহন্নবগী হেন্না ফত্তবা ওইরকপসু য়াই হায়না অনৌবা স্টাডি অমদা ফোঙদোকখ্রে। আমেরিকান মেডিকেল এসোসিয়েসনগী জার্নেলদা ফোঙখিবা স্টাডি অদুদা মী ২৬৩ শরুক য়াখি। মখোয়সি স্টাডিদা শরুক য়াদ্রিঙৈ চয়োল অমগী মনুংদা কোভিদ-১৯ পোজিটিব ওইখিবা ঙাক্তনি। স্টাডিদা য়াওবা মতমদা মখোয় অমত্তা হোস্পিটালদা এডমিট তৌখিদে। য়ুনিভার্সিটি অব কেলিফোর্নিয়া, সান ফ্রান্সিস্কো (য়ু সি এস এফ ) অমসুং স্টেনফোর্ড য়ুনিভার্সিটিগী রিসার্চারশিংনা কান কান্দুনা পার্টিসিপেন্ট ১৭১ খনগৎলগা এজিথ্রোমাইসিন গ্রাম ১.২ গী ডোজ অমখও ওরেল ওইনা থাখি অদুগা অতোপ্পা ৯২ দনা মশক মান্নবা প্লেসিবো (নক্লি) ওইনা থাখি।
স্টাডি অসিগী নুমিৎ ১৪ শুবদা গ্রুপ অনীমক্তা পার্টিসিপেন্তশিং গী চাদা ৫০ দি কোভিদ- ১৯ গী লাইওং অমত্তা উখিদে। নুমিৎ ২১ শুবদা এজিথ্রোমাইসিন থাবা পার্টিসিপেন্টশিংগী মনুংদা মখোয় ৫ দি হোস্পিটালদা এডমিট তৌখি অমসুং কোভিদ-১৯ গী অরুবা লাইওং তৌরকখি। প্লেসিবো গ্রুপ্তদি মী অমত্তা হোস্পিটালদা এডমিট তৌবা য়াওখিদে হায়রি।
‘সার্স-কোভি-তুনা নাহল্লবা আউটপেশেন্টশিংগী মরক্তা এজিথ্রোমাইসিনগী ডোজ অমখক থাবা মীশিংসি প্লেসিবো ওইনা থাবশিংগা য়েংনবদা নুমিৎ ১৪ শুবদা লাইওংদগী হেন্না কোকপগী ফল ফংদে।” হায়না অথোরিটিশিংনা স্টাডি অদুদা ইখি।
স্টাদিদা থেংনরিবা অসিগী মতুং ইন্না কোভিদ-১৯, নারবা হোস্পিটালদদি য়ৌরক্ত্রিবা মীশিংদা রুটিন ওইনা এজিথ্রোমাইসিন হেক্তা থাবা স্টাডিদগী লিড অথর ওইরিবা য়ু এসএফকী এসিস্টেন্ট প্রোফেসর কেথরিন ই ওলদেনবার্গনা হায়খি।
এজিথ্রোমাইসিনদা এন্টি-ইনফ্লেমেটরি প্রোপার্টি য়াওবা মরম্না ঙল্লিঙৈ মতমদা থাহৌবদা লাইনা হেঞ্জিল্লকপদগী থিংবা ঙমগনি হায়না থাজনরি, অদুবু ঐখোয়না স্টাদি তৌবদা মদুগুম্বা ফীবমদুদি ওইদে হায়ানা ওলদেববার্গনা হায়খি। ব্রোদ-স্পেক্ত্রাম এন্টিবায়োটিক ওইরিবা এজিথ্রেমাইসিন অসি পৃথিবী শিনবা থুংনা কোভিদ- ১৯ লাইয়েংবদা থাবা হিদাক ওইরি।
সোর্স : পোক্নফম

COMMENTS

WORDPRESS: 0
DISQUS: