কোভিদ-১৯ অমসুং কনাডাদা লৈবা মণিপুরীশিংগী পাওকোভিড-১৯ না পুন্সি মহিংদা ওন্থোকপা কয়া পুরক্লে।

Homeডায়াস্পোরা

কোভিদ-১৯ অমসুং কনাডাদা লৈবা মণিপুরীশিংগী পাও

মণিপুরী মিরর ডেস্কঃ ঙসি মে ২২, ২০২০ গী ওইনা কনাডাদা নোবেল কোরোনাভাইরস (কোভিদ-১৯) টেষ্ট তৌবগী মী মশিং ১,৪০৫,২৮৪ কনফার্মড কেশ মশিং ৮২,৪৮০ অমসুং ভাইরস অস

মণিপুরী মিরর ডেস্কঃ ঙসি মে ২২, ২০২০ গী ওইনা কনাডাদা নোবেল কোরোনাভাইরস (কোভিদ-১৯) টেষ্ট তৌবগী মী মশিং ১,৪০৫,২৮৪ কনফার্মড কেশ মশিং ৮২,৪৮০ অমসুং ভাইরস অসিনা শিবা মীগী মশীং অসি ৬,২৫০ য়ৌরে । খ্বাইদগী শোকপা ষ্টেট হাইরগদি অন্টারিও প্রভিন্স অমসুং ক্যুইবেক প্রভিন্স অনিসিনি। ক্যুইবেক প্রভিন্সকি টেষ্ট তৌবগী মী মশিং ৩৬১,৬২৮ কনফার্মড কেশ মশিং ৪৬,১৪১ অমসুং ভাইরস অসিনা শিবা মীগী মশীং অসি ৩,৮৬৫ য়ৌরে। অমদি অন্টারিও প্রভিন্সকি টেষ্ট তৌবগী মী মশিং ৫৬৯,৬৯৯ কনফার্মড কেশ মশিং ২৪,৬২৮ অমসুং ভাইরস অসিনা শিবা মীগী মশীং অসি ২,০২১ য়ৌরে।

চাওরাক্না কনাডাদা মণিপুরী ৫০০ খরা হেন্না লৈরি। অয়াম্বনা অন্টারিও প্রভিন্সকী টরোন্টো সিটি অমসুং ক্যুইবেক প্রভিন্সকি মন্ত্রিয়ল সিটিদা লৈবনা ভাইরস অসিগী খুদোংচাদবা থেংনবদা হকথেংননা মণিপুরীশিংসু য়াওরি। কনাডা অমদি ক্যুইবেক প্রভিন্সকী পুম্নমকতগী তমথিনা শোকলিবা মণিপুরীশিংনা খরা হেন্না লৈবা মন্ত্রিয়ল সিটিনি। মন্ট্রিয়লগী কনফার্মড কেশ মশিং ২৩,৪১৩ অমসুং ভাইরস অসিনা শিবা মীগী মশীং অসি ২,৪৫৪ য়ৌরে। অমরোমদনা টরোন্টো-গী কনফার্মড কেশ মশিং ৯,৬১৫ অমসুং ভাইরস অসিনা শিবা মীগী মশীং অসি ৭৪৫ য়ৌরে।

২০২০, মার্চ তাং ১৩ দা ভাইরস অসিনা শোকচল্লকপা হৌরকপগা কনাডাগী গভর্নমেন্ট না পর্লামেন্টকী ৱারেপ মতুং ইন্না লৈবাক পুম্বা টোটাল শাটডাউন-লোকদাউন তৌবা হৌখি। হৌজিকসু মফম খরদা কোমথোকলবসু ভাইরস অসিনা শোকচল্লবা মফমশিংদা লোকদাউন চত্থরি। লোকদাউননা মরম ওইদুনা ভাইরস অসিনা শোকচল্লবা শহরসিংদুদা লৈবা মণিপুরী মহৈরোয় অমদি প্রফেশন্যালশিংসু খুদোংচাদবা কয়া থেংনরি। স্কুল কলেজ সেপ্টেম্বর ফাওবা থিংলনি হাইরকপা মতুংদা মহৈরোয়শিংগী ফিবম য়াম্না খুদোং চারকত্রে। ইন্ডিয়া অমদি বাংলাদেশতগী লাকপা মণিপুরী মহৈরোয়শিং মমালৈবাকতসু হন্বা ঙমদনা লৈবা-চাবগী ক্রাইসিস অমদা লৈনরি। হসপিতাল, ফার্মেসী অমদি এসেন্সিয়েল সার্ভিসতা থবক তৌবা নত্তবা অয়াম্বা মণিপুরীশিংসু থবক লৈতবা, থবক ফংদবগী চাইনা খর খর ফংবা হৌরে। তৌবতবু সরকারনা পিবা কেনাদা ইমারজেন্সি রেসপন্স বেনিফিট (Canada Emergency Response Benefit) কী খুদোংচাবা লৌদনা থবক লৈতবা, ফংদবা পুম্নমকসু শেনথুমগী অৱাবদি

কয়া লৈতে। অদুবু কা-মনুংদা চয়োল কয়া লৈরকপগি নুঙাইতবা অদুদি থেংনরি। অমরোমদনা ইন্টারনেশন্যাল স্টুডেন্টস, মপান লমদমদগী লাকপা ওইবনা ইন্ডিয়া বাংলাদেশতগী লাকপা মহৈরোয় শিংদি সরকারগি মতেং ফংদবগুম তৌরি। অদুনা মণিপুরী মহৈরোয়সিংসু চাউরবা ক্রাইসিস অমদা লৈরি।

এমএসি (MANIPURI ASSOCIATION OF CANADA) কৌবা কনাদগী মণিপুরী সংস্থান অসিনা কনাডাদা লৈবা মণিপুরী ময়ামগী তেংবাং লৌরগা ভাইরস অসিনা শোকলবা মণিপুর, বাংলাদেশতা খুন্দারিবা মণিপুরীশিংদা মতেং কয়া পাংলি অমসুং কেনাডাদা লৈবা মহৈরোয় শিংদসু মতেং পাংনবা হোত্‌নরি। অদুতা নত্তনা লনাইগী ওইবা মওংদা পারসোনেলি কনাডাগী মণিপুরী সিটিজেন শিংনা মমালৈবাকতা হাইবদি ইন্ডিয়া-বাংলাদেশতা লৈহৌরিবা মণিপুরীশিংদা অঙম্বা থাক্তা মতেং কয়াসু তৌরি।

লৈবাক পুম্বা লোকদাউন-না মরম ওইদুনা ময়ুম ময়ুমদা খরনিগী লৈরুনি হাইদুনা থোকখিবা কনাডাগী মণিপুরীশিংসু ইন্ডিয়া বাংলাদেশতা পনদুনা লৈখিবগী পাউসু লৈরি। খংহৌদনা ইন্ডিয়া অমদি বাংলাদেশতগী ফ্লাইট থিংখিবা অমরোমদনা ভিসা লোইশল্লকপা, শেন-থুম লৈরকতবা, কনাডাদা লৈহৌরিবা ময়ুম এপার্টমেন্ট, রিসোর্স শিং মফম মরাং খংদবা, করি নুমিত্তা অমুক লাকপা য়াগনি খংদবগী নুঙাইতবা কয়াসু মায়োক্নরি।

নুঙাইবা পাউ হাইববু ঙসি ফাউবদা লৈবাক অসিদা লৈরিবা মণিপুরীশিং ভাইরস অসিনা মরম ওইদুনা অশী-অনা থোকত্রি। অমা অনি পোজিটিভ ওইবা য়াওরবসু য়াম্না সিরিয়াস ওইদবনা হসপিটালাইজ তৌখিদে। ময়ুম ময়ুম দা কম্পিউটার, মোবাইল টেবলেট য়েংদুনা মতম লেন্নরি।

COMMENTS

WORDPRESS: 0
DISQUS: