কানাডাদা ট্রাক ডাইভার অমনা মুসলিম ইমুং অমগী মীওই মরী অতম্ননা থোমদুনা হাৎখ্রে

Homeমপান লমদম

কানাডাদা ট্রাক ডাইভার অমনা মুসলিম ইমুং অমগী মীওই মরী অতম্ননা থোমদুনা হাৎখ্রে

ওটোয়া, জুন ০৮: ইসলাম লাইনিং চৎপা মীওইশিংবু তাথী-তাওইনা তৌবা মানবা মওংদা ঙরাং কানাডাদা ট্রাক ড্রাইভার অমনা মহাক্না থৌরক্লিবা ট্রাক অদুনা ইমুং অমগী মু

ওটোয়া, জুন ০৮: ইসলাম লাইনিং চৎপা মীওইশিংবু তাথী-তাওইনা তৌবা মানবা মওংদা ঙরাং কানাডাদা ট্রাক ড্রাইভার অমনা মহাক্না থৌরক্লিবা ট্রাক অদুনা ইমুং অমগী মুসলিম ৪ অতম্ননা থোমদুনা হাৎখ্রে হায়রি। মশাগী চহী ২০ লোম শুরবা ট্রাক ডাইভার অদুনা লম্বী নাকলদা লৈবা ফুটপাথতা লাকখিবা মুসলিমশিং অদুবু তুংদগী গাড়ীনা থোমদুনা হাৎখিবনি।

মহাক থৌদোক অদু থোকখ্রবা মতুং মফমদুদগী থুনা য়াঙনা চেনখি। অদুবু পুলিশনা কিলোমিটার ৭ লোম তান্নরবা মতুংদা মহাক ফাবা ঙমখি। থৌদোক অসিগী মতাংদা ডিটেক্টিভ সুপারিন্টেন্ডেন্ট পোল রাইটনা ফোঙদোকখিবদা, কানাডাদা মুসলিমশিংবু টার্গেট তৌদুনা ভিক্টিম ওইহনবগী থৌদোকশিং য়াম্না তোয়না থোক্লি। অসিগুম্বা পামদবা থৌদোকশিং অসি থোক্তনবগীদমক পুলিশনা অকনবা চেকশিন থৌরাং লৌখৎলবসু মায় পাকপা ঙমদ্রি। ঙরাংগী থৌদোক অদুদা লৈখিদ্রবশিং অদু ইমুং অমগী মীওই ঙাক্তনি। পুন্না মখোয় ৫ লাকখিবগী মনুংদা ৪না থৌদোক থোকফমদা লৈখিদবনি। থৌদোক অদুদা ইমুং অদুগী মী মরিদুদা নুপা অমা নুপী অনি য়াওনা ইঙাং অমাসু লৈখিদ্রে। চহি ৯ শুরবী অঙাং অমখক হিংহৌরে, অদুবু য়াম্না ফিভম থিবা মওংদা মনাক নকপা হোস্পিটালদা পুখৎতুনা লাইকন্নরি হায়রি। অমরোমদা, থৌদোক্তুনা চেন্নরিবা মীওই অদুগী মথক্তা ক্রিমিনেল কেস অমা রেজিষ্টার তৌখিবগা লোয়ননা ৱাহং পাউহংগী থবক চত্থবা হৌখ্রে হায়না পুলিশকী মায়কৈদগী মখা তারক্লি।
সোর্স- হুইয়েন লানপাউ

COMMENTS

WORDPRESS: 0
DISQUS: