কাঙুজম কর্ণজিৎ দিল্লি অমদি মণিপুর পুলিশকী কম্বাইন টিমনা ফারে

Homeস্ক্রলবার

কাঙুজম কর্ণজিৎ দিল্লি অমদি মণিপুর পুলিশকী কম্বাইন টিমনা ফারে

ইম্ফাল, মে ৩১ : প্রোক্লেইম ওফেন্দরনি হায়না লাউথোকখ্রবা কাঙুজম কর্ণজিৎ ঙরাং নুমিদাং দিল্লি পুলিসকী স্পিসিয়েল সেল অমসুং মণিপুর পুলিসকী কম্বাইন টিম অমন

ইম্ফাল, মে ৩১ : প্রোক্লেইম ওফেন্দরনি হায়না লাউথোকখ্রবা কাঙুজম কর্ণজিৎ ঙরাং নুমিদাং দিল্লি পুলিসকী স্পিসিয়েল সেল অমসুং মণিপুর পুলিসকী কম্বাইন টিম অমনা অপারেসন চত্থরবা মতুংদা নিউ দিল্লিগী মফম অমদগী ফারে হায়না পাউগী সোর্স অমনা হায়রি।

পাউগী সোর্স অসিগী মতুংইন্নদি, ফারবা কর্ণজিৎ কাঙুজম দিল্লিগী কোর্ট অমদা পুথোকখ্রে। মহাক ঙসি নোংমা নীনিগী মনুংদা মণিপুরদা পুরক্লবা য়াই হায়রি। মহাকপু দিল্লি পুলিশ অমদি মণিপুর পুলিশ অনিগী কম্বাইন টিমনা ফারিবগী মরমদি কর্ণজিৎ কাঙুজমনা মতম কয়াগী মমাংদগী তোঙান তোঙানবা মীওই কয়াদা নমথাক তৌদুনা, শাশিন্নবা ডকুমেন্ট, শাশিন্নবা সহীনচিংবা শিজিন্নদুনা ইন্টারনেশনেল য়ুথস কমিটি কৌবা অমা শেমদুনা য়ুহার হাবনাচিংবগী থৌদোক্তা অৱাবা নংলবা মীওংশিংদা রিলিফকী মতেং পীগনি, ইন্টারনেসনেলগী থাক্তা নহাশিংগী ওইবা য়ুথ মীট অমদি সেমিনার কয়া পাঙথোক্কনি হায়দুনা শেনফম কয়ামরুম খোমজিনখ্রগা মণিপুর থাদোক্তুনা চেনখিবনি। মহাক মণিপুরদগী মীরোৎ ওইনা চেনখিবনি হায়ানা পাউ অসিনা হায়বগা লোয়ননা ইম্ফাল ইষ্টকি চিফ জুডিসিয়েল মেজিস্ত্রেটনা কুমজা ২০১৬ কি এপ্রিলগী চৈচৎ ৩৫দা কর্ণজিৎপু মিরোৎ মিচেন ওইনা লাওথোকখিবনি। লোয়ননা সেক্সন ৪০৬/৪১৭/৪২০/৩২৭/১২০-বি/১২০-এ/১০৭/৩৪ গী মখাদা ৩০১৫গী ক্রিমিনেল কেস নম্বর ৩৭ পানখি।
সোর্স: পান্দম

COMMENTS

WORDPRESS: 0
DISQUS: