ওয়েস্টবেঙ্গলদা তৃণমুলগী হ্যাট্রিক থোইবা

Homeভারত

ওয়েস্টবেঙ্গলদা তৃণমুলগী হ্যাট্রিক থোইবা

মিরর ডেস্কঃ ওয়েস্টবেঙ্গল বিধানসভাগী ওইনা সিট ২৯৪ লৈবগী মনুংদা সিট ২৯২গী পাঙথোকখিবা মীখল অসিগী সিট ১৪৮ ফংবা পর্টিনা মেজোরিটি ওইগদৌরিবা স্টেট অসিদা অল

মিরর ডেস্কঃ ওয়েস্টবেঙ্গল বিধানসভাগী ওইনা সিট ২৯৪ লৈবগী মনুংদা সিট ২৯২গী পাঙথোকখিবা মীখল অসিগী সিট ১৪৮ ফংবা পর্টিনা মেজোরিটি ওইগদৌরিবা স্টেট অসিদা অল ইন্দিয়া তৃণমূল কংগ্রেসকী লুচিংবা চীফ মিনিস্টার মমতা ব্যানার্জীগী লমজিং মখাদা থেংনখিবা মীখল অসিদা লাউথোকখ্রবা সিটশিংগী মনুংদগী পুন্না এসেমব্লি সেগমেন্ট ২০৪দা মায় পাকপা ঙমখ্রে। অদুগা বিজেপিগী প্রাইম মিনিস্টার নরেন্দ্র মোদি অমসুং হোম মিনিস্টার অমিত শাহগী লমজিং মখাদা চীফ মিনিস্টার মমতা ব্যানার্জীনা লুচিংবা লৈঙাকপু ইন্থুনবা অকনবা ইলেক্সন কেম্পেন চত্থখিবা বিজেপিনা সিট ৭৪ খক্তদা মায় পাকখিবগা লোয়ননা এ.আই.দিসী অতোপ্পা সিট ৯ অমসুং বিজেপিনা সিট ৩দা মাঙজিল থারি।

ঙরাং নোংমাইজিং নুমিৎ ইন্দিয়াগী অয়ুক পুং ৮দগী বিধানসভাগী ২৯২ সিট ভোট থিবা হৌখি। অয়ুকতগী ময়ামগী মীৎয়েংদি সিএম মমতাগী সিট নন্দিগ্রামদনি। অয়ুকতগী মমতা না মাং থানা লৈরবসু অকোমবদা মহাক্কা লম্বা তৌবা বিজেপিগী শুভেন্দুনা সিট অসিদা থোইখি।

মার্চকী ২৭ তগী হৌখিবা বিধানসভা ইলেকশন অসি মথং মথং ওইদুনা নহান শাগোলশেন নুমিৎতা লৌখি। ভোট হাপ্পগী চাং পুন্না চাদা ৮১.৬ নি। ২০১১ ইং কুমজাদা বিধানসভা ইলেকশনদা মমতা ব্যানার্জীনা লুচিংবা অল ইন্দিয়া তৃণমুল কংগ্রেসনা মেজোরিটি ওইনা চহি ৩৪ শুনা লৈরম্বা লৈঙাক বামফ্রন্টবু মায়থিবা পিখিবনি। মথংদা ২০১৬ ইং কুমজাগী ইলেকশনদসু তৃণমুলনা মায় পাকখি।

COMMENTS

WORDPRESS: 0
DISQUS: