এল বিহারি নীংশিং টেবল টেনিস মেন্স সিঙ্গলস টাইটল বিক্রমনা লৌখ্রে

Homeশান্নবা

এল বিহারি নীংশিং টেবল টেনিস মেন্স সিঙ্গলস টাইটল বিক্রমনা লৌখ্রে

দিস্ট্রিক্ট টেবল টেন্নিস এসোসিয়েসন ইম্ফাল ইস্টকী মীৎয়েং মখাদা য়ুনাইটেত য়ুঠ অর্গানাইজেসন, শিংজমৈ ৱাংমা ভাগ্যবতি লৈকায়দা শীন্দুনা থা অসিগী ১৬ তগী টেবল ট

দিস্ট্রিক্ট টেবল টেন্নিস এসোসিয়েসন ইম্ফাল ইস্টকী মীৎয়েং মখাদা য়ুনাইটেত য়ুঠ অর্গানাইজেসন, শিংজমৈ ৱাংমা ভাগ্যবতি লৈকায়দা শীন্দুনা থা অসিগী ১৬ তগী টেবল টেনিস শান্নরোয় ৫০০ রোমনা শরুক য়াদুনা য়ুৱাইও কমিউনিটি হোল ভাগ্যবতি লৈকায়দা চত্থরিবা অহানবা স্টেট লেবেল লাইময়ুম বিহারী শর্ম্মা মেমোরিয়েল টেবল টেনিস টূর্ণামেন্ট ২০২১ লোইশিনখ্রে।

লোইশিনবগী থৌরমদা টিএইচ সত্যবতা সিংহ-মিনিস্টার সিএএফ এন্ড পিদি লো এন্ড লেজিসলেটিব এফেয়ার্স এন্ড লেবার এন্দ এমপ্লোয়ি এন গোজেন্দ্র সিংহ-দিস্ট্রিক্ট টেবল টেন্নিস এসোসিয়েসন ইম্ফাল ইষ্ট, টিএইচ জয়ন্ত সিংহ, সেক্রেটারী মণিপুর টেবল টেন্নিস এসোসিয়েসন ইম্ফাল ইষ্ট, কেএইচ রতন সিংহ-চেয়ারমেন স্পোর্টস কমিটি য়ুনাইটেড য়ুঠ অর্গানাইজেশন অমদি টিএইচ প্রোমেশ্বর সিংহ, প্রেসিডেন্ট য়ুনাইটেদ য়ুঠ অর্গানাইজেসননা মথংশিৎনা অথোইবা মীথুংলেনশিং ওইদুনা মকোক মথং তাখ্রবশিংদা মনা-মথুমশিং য়েন্থোকখি।

টূর্ণামেন্ট অসিগী মেন্স সিঙ্গল টাইটেল এমপিএসসিগী লাইশ্রম বিক্রমনা লৌখি। ঙসি শান্নখিবা ফাইনেল মেটচতা লাইশ্রম বিক্রমনা ইম্ফাল ওয়েস্টকী য়ুম্নাম সুবাস চন্দ্রবু পয়েন্ট ১২-১০, ১১-৭, ১১-৮, ১১-৫ দা মায়থীবা পীখি। য়ুথ বয়েজ সিঙ্গলস টাইটল ইম্ফাল ওয়েস্টকী এন সিদাটপু পয়েন্ট ১৫-১৩, ৮-১১, ১১-৭, ১১-৯, ৮-১১, ১১-৮ দা মায়থীবা পীখি। টূর্ণামেন্ট অসিগী কেডেট বয়েজ সিঙ্গল টাইটেল থৌবালগী লৈতানথেম লমজিংবনা অমসুং রানার্স আপ থৌবালগী সগোলসেম রিকেসনা ফংখি। সাব জুনিয়র বয়েজ সিঙ্গলস টাইটল থৌবালগী লৈতানথেম লমজিংবনা অমসুং রানার্স আপ ইম্ফাল ইস্টকী শিন্থোইহেনবা থৌনাওজমনা ফংখি। জুনিয়র গার্লস সিঙ্গলস টাইটেল ইম্ফাল ইস্টকী হিদাম লিয়া  চনুনা ফংখিবগা লোয়ননা রানার্স আপ ইম্ফাল ইস্টকী কিলি সঙলাকপমনা ফংখি। জুনিয়র বয়েজ সিঙ্গলস টাইটল ইম্ফাল ইস্টকী ক্ষেত্রিময়ুম নেলসননা ফংখিবগা লোয়ননা রানার্স আপ ইম্ফাল ইস্টকী অথোকপম বাইরেলনা ফংখি।

সোর্সঃ সঙাই এক্সপ্রেস।

COMMENTS

WORDPRESS: 0
DISQUS: