এম এ হাশিমগী শৈরেং অনী

Homeআর্টসশৈরেং

এম এ হাশিমগী শৈরেং অনী

লাইয়েকপা নঙদি লাইয়েকপনি নঙনা য়েক্লি পূম্নমক লাইয়েকফি-দা পথাপ'মতা কায়দনা। হাংল' মালংগী মচেৎ'মা ঙাইহক ওইরুরে ঐগী য়েক্লগে খল্লুরে ইনীংলু

লাইয়েকপা

নঙদি লাইয়েকপনি
নঙনা য়েক্লি পূম্নমক
লাইয়েকফি-দা পথাপ’মতা কায়দনা।

হাংল’ মালংগী মচেৎ’মা
ঙাইহক ওইরুরে ঐগী
য়েক্লগে খল্লুরে
ইনীংলুরে পরেং থন্না
অদুবু কদায়
ঙমদ্রে
খন্জিনখ্রে লৈচিলনা।

উৎলক্লে অৱাবগী শক্তম
তান্নদুনা য়েংলুরে
মাঙখ্রে ঙাইহক উৎলম্লগা
হাংহৌরে লমায়দি অমুকসু।

ঐগী হাংল’ মফমসিদা
য়েকপিরো নঙনা
ইবিরো নীংথীর’ ৱাহৈ
ফজরবা পরেংশিং।

লমায় খজিক কাঙলুরে
ইখ্রবা ঐগী ময়েকশিং
কদায়,কদায় ঐগীদি
থোক্ত্রে ৱাহৈ’মতা পাবদি
নৈশিন্নবা ময়েকশিং
ওইহনবিয়ু নঙগী নীংথীবা ময়েক্লক্তা ঐগী হাঙল’ লমায়।

 

অরুবা ঈশৈ

থৱানমিচাক্না কুফেৎ কাফেৎ
অরিবা ঈশৈনি ঐগী
অঙাং ওইরি মতমদো
ঐনা ঈশৈ শক্লিঙৈ
উখি
হয়িংবু মিনা ফাদুনা চাই
মিবু উচেক্না চায়
ঐনা উখিবদো পুপুদা তম্মী
পুপু নোকই পাউখুমদি পীদনা।

ঐ চাউরে
থৱানমিচাক্না কুফেৎ কাফেৎ
ঙসিদি ঈশৈ নত্রে
ঈশৈ নত্রবদি করিনো
ঐনা খল্লিঙৈ
হঙোইবু লিন্না লাক্পগী খোন্জেল
তাই
ঐনা খল্লি
করিগী চাবনো?

ঐ চাউরে
ঙসি ঐ খঙলে
য়াদা তিন চঙদুনা
মথন্তা শিজবগুম
ঐ শিগনি
ঐ শিগনি।

COMMENTS

WORDPRESS: 0
DISQUS: