এক্স মিনিষ্টার ব্রজবিধু, ডাক্তার ঘনশ্যাম কোবিদনা লৈখিদ্রে

Homeস্ক্রলবার

এক্স মিনিষ্টার ব্রজবিধু, ডাক্তার ঘনশ্যাম কোবিদনা লৈখিদ্রে

ইম্ফাল, মে ৩০ : লমশাং এসেমব্লি কন্সটিটুয়েন্সিদা টার্ম অহুম্লক মীখলদা মায় পাক্তুনা মিনিষ্টার ওইরমখিবা ৱাংখৈময়ুম ব্রজবিধু কোবিদনা মরম ওইদুনা ঙসি অয়ুক শি

ইম্ফাল, মে ৩০ : লমশাং এসেমব্লি কন্সটিটুয়েন্সিদা টার্ম অহুম্লক মীখলদা মায় পাক্তুনা মিনিষ্টার ওইরমখিবা ৱাংখৈময়ুম ব্রজবিধু কোবিদনা মরম ওইদুনা ঙসি অয়ুক শিজ হোস্পিটালদা লৈখিদ্রে। মহাক্না লৈখিদবদা অৱাবা ফোঙদোক্নরক্লি।
খোংজু এসেমব্লী কন্সটিটুয়েন্সিগী অকাম্পাত্তা লৈবা পিঐচসিদা কোবিদ ভেক্সিনেসন টিমগী লিডার ওইবা ডাক্তার ঘনশ্যাম কোবিদ ১৯না মরম ওইদুনা ঙরাং লৈখিদ্রে। মহাক্না লৈখিদবদা ওল মণিপুর অয়ুশ ডাক্তার্স এসোসিয়েসন্না অৱাবা ফোঙদোরক্লি।
ৱাংখৈময়ুম ব্রজবিধু ১৯৭০ গী অঙনবা শরুক্তগী পোলিটিক্সতা খোঙদারক্তুনা লমশাং এসেমব্লি কন্সটিটুয়েন্সিদা মীরেপ অমা ওইনা চোংথোক্তুনা মণিপুর লেজিসলেটিব এসেমব্লিগী জেনারেল ইলেক্সন ২০০২,২০০৭ অমসুং ২০১২ দা টা অহুম্লক মায় পাক্তুনা মাইনর ইরিগেসন অমসু ঙকাদাগী মিনিষ্টার ফম পুরমখি।
গুৱাহাটি য়ুনিভার্সিটিদগী বিএসসি লোইরকখিবা ৱাংখৈময়ুম ব্রজবিধু লমদেংদা রুরেল দিবলপমেন্ট ওর্গানাইজেসন (আরদিও) লিংদুনা ১৯৭৫ দগী ২০০২ ফাওবা চীফ ফঙ্কসনরি ওইরমখি। মহাক লৈবাক ১০গী মথক্তা পাঙথোকপা ইন্টার্নেসনেল কনফারেন্স কয়াদা শরুক য়াখি।
মহাক্নাদ লৈখিদবদা মণিপুর লেজিসলেটিব এসেমব্লিগী স্পিকার য়ুম্নাম খেমচান্দুনা চেরোল অমদা অৱাবা ফোঙলকপগা লোয়ননা লৈখিদ্রবগী ইমুং মনুংগী অৱাবদসু শরুক য়াবা ফোঙদোরক্লি।
মিনিষ্টারি টিঐচ সত্যব্রত্ত অমসুং এক্স মিনিষ্টার করাম শ্যামনসু ব্রজবিধুনা লৈখিদবদা তোঙানা তোঙানবা চেরোলদা অৱাবা ফোঙদোরক্লি।
অমারোমদা মণিপুর প্রদেশ কংগ্রেস কম্মিটিনসু ডব্লিয়ু ব্রজ বিধুনা লৈখিদবদা চেরোল অমনা অৱাবা ফোঙদোরক্লি। এমপিসিসিগী থাদোরকপা অৱাবা ফোঙবগী চেরোল অমনা হায়, লৈখিদ্রবা ডব্লিয়ু ব্রজবিধু ১৯৭০ দগী কংগ্রেসকী ৱার্কার অমা ওইনা হৌরকপগা লোয়ননা লমশাং এসেমব্লি কন্সটিটুয়েন্সিদা ২০০২, ২০০৭ অমসুং ২০১২ দা কংগ্রেস এমএলএ ওইনা মায় পাকখি। ২০০২ দগী ২০০৫ ফাওবা কাদা অমসুং মাইনর ইরিগেসনগী মিনিষ্টার ওইরমখি।
লৈখিদ্রবা ব্রজবিধু এন্টারপ্রিনার অমা ওইনা লাইরবা মীয়ামগী অশেংবা মরুপনি অমদি পোলিটিকেল ষ্টোলৱার্ট অমনি হায়নসু শিংথারক্লি। মহাক্না লৈখিদবা অসি কংগ্রেস পার্টিগী অমদি মণিপুর মীয়ামগী মেনখৎপা ঙম্লরোইদবা অচৌবা মাঙজবনি হায়রি। লৈখিদ্রববু ইকাই খুম্নবা উৎতুনা ঙসি কংগ্রেস ভবনদা পার্টিগী ফিরাল তংখাই চিংথখি।
লোয়না লৈখিদ্রবগী ইমুং মনুংগী অৱাবদসু শরুক য়ারি হায়রি।
লমশাং ব্লোক কংগ্রেস কম্মিটিনসু চেরোল অমদা ডব্লিয়ু ব্রজবিধুনা লৈখিদবদা অৱাবা ফোঙদোরক্লি।
অমারোমদা নেশনেল হেলথ মিসনগী মেডিকেল অফিসার (অয়ুশ) ওইনা থবক তৌদুনা অচঙবা কোবিদ ফ্রন্টলাইন ৱারিয়র ওইনা থবক তৌরম্বা ডাক্তার থংজম ঘনশ্যাম কোবিদ ১৯না মরম ওইদুনা ঙরাং লৈখিদবনি।
হান্না ওল মনিপুর অয়ুশ ডাক্তার্স’ এসোসিয়েসেনগী প্রেসিডেন্টকি থবক পুরম্বা ডাক্তার ঘনশ্যামনা লৈখিদবদা অচৌবা অৱাৎপা অমা লৈহৌরগনি হায়না এসোসিয়েসন্না ফোঙদোক্লদুনা মহাক কোবিদ ১৯ গী অহানবা ওয়েব অমদি ২ শুবা ওয়েবতা কোবিদ ফ্রন্টলাইন ৱারিয়র অমা ওইনা অচৌবা থৌদাং লৌরম্বা মীওইনি হায়রি।
মহাক্কি ইমুং মনূংনা নংহৌরিবা অৱাবদা এসোসিয়েসন্না শরূক য়াবা ফোঙদোরকপগা লোয়ননা মহাক্কি ইমুং মনুংদা পীবা য়াবা মতেংশিং পীবীনবা এসোসিয়েসন্না লৈঙাক্কি পূক্নিং চিংশিল্লক্লি।

সোর্স:  সঙাই এক্সপ্রেস

COMMENTS

WORDPRESS: 0
DISQUS: