একডো না ৱার্ল্ড এনভায়রনমেন্ট ডে নুমিৎ পাঙথোকখ্রে

Homeস্ক্রলবার

একডো না ৱার্ল্ড এনভায়রনমেন্ট ডে নুমিৎ পাঙথোকখ্রে

সিলেট অফিস, ৫ জুন : মালেমগী মফম শিনবা থুংনা ঙসি ‘ৱার্ল্ড এনভায়রনমেন্ট ডে’ পাঙথোকপগুম বাংলাদেশকী সিলেটতা এথনিক কমিউনিটি ডেভেলপমেন্ট অর্গানাইজেশন (একডো)

সিলেট অফিস, ৫ জুন : মালেমগী মফম শিনবা থুংনা ঙসি ‘ৱার্ল্ড এনভায়রনমেন্ট ডে’ পাঙথোকপগুম বাংলাদেশকী সিলেটতা এথনিক কমিউনিটি ডেভেলপমেন্ট অর্গানাইজেশন (একডো) না শিন্দুনা ঊ চারা থাবগি থৌরম লৌখৎতুনা নুমিৎ অসি পালন তৌখি।
থাংজ নুমিৎ নুমিৎয়ুংবা মতম ১২ দা সিলেট সিটি মনুং চনবা কুশিঘাট লৈকাইদা লৈবা হাজী মোঃ সফিক হাইস্কুলদা উ চারা থাবগী থৌরম পাঙথোকখি। থৌরম অসিদা অথোইবা মীংথুলেন ওইনা শরুক য়াখি বাংলাদেশ পরিবেশ আন্দোলন (বাপা) গী সেন্ট্রাল কমিটিগী এক্সিকিউটিব মেম্বার অমসুং সিলেট ডিষ্ট্রিক্ট কমিটিগী জেনারেল সেক্রেটারী আব্দুল করিম কিম।
নুমিৎ অসিগা মরি লৈননা হায়রিবা মহৈশঙ মাংদা স্কুল ম্যানেজমেন্ট কমিটিগী প্রেসিডেন্ট শরীফুল হোসেননা প্রিসাইড তৌবিদুনা শম্না নৈনবা মীফম অমসু ফমখি। মীফম অসিদা স্পেশাল গেষ্ট ওইনা একডোগী এক্সিকিউটিব ডাইরেক্টর লক্ষীকান্ত সিংহ, টিচার সুজাতা রায়, উম্মে খাদিজা তাহমিনা, লতিফা ইয়াসমিন, শর্মিলা দাস, একডো ‘গী প্রজেক্ট কো অর্ডিনেটর মুর্শিদা রহমান, প্রণয় সিংহ অমসুং মনিহার সিংহ য়াওনা অতৈসু শরুক য়াখি।
মালেমদা ক্লাইমেট চেঞ্জ, মাংথরবা অমসুং শোক্লবা এনভায়রনমেন্ট অসি ঙাকশিনবগীদমক ঊ চারা থাব নৎত্তনা অতৈ অল্টারনেটিব লৈতৈ। হৌজিক ঐখোয় ইশাগী ওইজবা অমসুং কনাবগী খংনদুনা এনভায়রনমেন্টকি অমাং অতা য়াম্ন তৌরি। অদুনা অনৌবা জেনারেশনগী অঙাংশিংদা অমসুং মহৈরোয়শিংদা ঊপান-হৈপান. শা-ঙা, উচেক-ৱায়া, চিং, তুরেল পুম্নমকপু নুংশিবা অমসুং ফজনা শেমজন শাজন্বগি তাকপিবগী থৌরম পাঙথোকপতায়। নত্রবদি তুংদা ওইরক্কদবা এনভায়রনমেন্ট ডিজার্সটার ঙাকপা ৱাগনি হায়না শম্লপ্না মীফমদুনা ময়ামনা নৈনখি।
মীফম অদুদা তিনবিরিবা গেষ্ট ময়াম্না পুল্লপ হায়রিবা মহৈশঙ মাংদা একডো না পিবা হৈনৌ, থৈবোং নাচিংবা হৈপাম্বী কয়াগী চারা কয়া থাখি। অরোইবদা স্কুল ম্যানেজমেন্ট কমিটিগী প্রেসিডেন্ট সৈয়দ শরীফুল হোসেন অমসুং হেডমাস্টার আব্দুর রাজ্জাক না একডো ‘না পাঙথোকপা ঙসিগী থৌরম অসি স্কুল অসিদা তৌবিবগীদমক থাগৎ ৱাহৈ থমদুনা থৌরম অসি লোয়শনখি।

COMMENTS

WORDPRESS: 0
DISQUS: