উমা ময়েংবমগী শৈরেং অনি

Homeআর্টসশৈরেং

উমা ময়েংবমগী শৈরেং অনি

মখোয়গী হয়েংগীদমক য়ামখ্রবা ৱাঙখ্রবা তাঙলবা ইরলশিংসে ঐখোয়গী, পুৱারীগী তোরৈ তোরৈ খুদিং তুঙশিনলমবশিংদো পলেম পন্থৌনা, থিরমসী পৈখৎলমসি ইরেপ ইপুম থুম্না

মখোয়গী হয়েংগীদমক

য়ামখ্রবা ৱাঙখ্রবা তাঙলবা ইরলশিংসে ঐখোয়গী,
পুৱারীগী তোরৈ তোরৈ খুদিং
তুঙশিনলমবশিংদো পলেম পন্থৌনা,
থিরমসী পৈখৎলমসি ইরেপ ইপুম থুম্না ইহাকথকসিদা হয়েংগীদমক।

লাইওইখ্রবা পন্থৌনা পীবীরম্বা থক খা হৌন লোনচৎকী তাঙলবা ৱাহৈ লৈচন মপৈ মপৈ,
সিলহৈবী পলেম্না পৈশিনলম্বা য়ুম্বালোলগী অকুপ্পা সিন্তাক সৈরোল মরোল মরোল,
মনিনী ঙসিদী মুক্তানী হয়েংগী থীঙমলরোইদবা অনৌবা ঈতীলক্তা ।

মন্ত্ৰদী ওইরনী ইচাশিংদা হয়েংদী,
য়ানসিন্নবা তোৎসিন্নবনা হানা মোৎসিনলক্লবা অকনবা ঈচেলসিগী
হীদেন খুদীংদা ,
অকুপ্পা লৈঙোই সেক্তালক্তা লোৎলম্বা ফজখ্রবা ইরলশিংসে থিসী খঙসি
য়েনলমসি ইহাকথকসিদা মখোয়দা
ইপানাৎ ইপুনাৎ চিরোল ফারোল য়াউদবা,
অশেঙবা পাউতাক পাউজেল অকুপ্পা লায়ৱাদী ওইরবা ইরলদো অতাঙবা |

হৈথরমখিবনি খুজোক খুজোক মহাকথক,
শন্দোকখিবনী তাঙল ললশিংদো লোয়জি লোয়া থিদনা মখোয়না
থুপল তাবোনুঙগী ইনাৎ ইহুলগী লোনচৎতো ।

ফজবনিদা লংবনিদা নুংশিবনিদা
হৌন লোনচৎকী মুক্তা পরেংশিংদো
য়ুমথোঙ খুদিং থোঙ্গাল খুদিং পৈরম্বা
কুপ্লবা লমচৎ বেবহারগী তাঙলবা ৱাহৈশিংদো |

লম্মাংনরক্ল খোঙফম কয়াদা
শোন্থর পুক্নিংগী অকনবা ঙাকলৌ ওই তুশোনব তাঙ্ককশীংদা,
চম্মনর ৱাখলগী অরঙবা মৈরা ওই চুখৎপীরমবনী মমশিনলক্ল থেঙখাংশিংদ
ইরলসিংদুনা ঐখোয়বু খুদুঙ ইনজবদা মার খোঙগুলশিংদুগী ।

মুৎনায়দবা লোইনায়দবা ইরলশিংসে
নুমিৎনা কারিঙৈ থবীনা ৱাংলীঙৈ
মতম চানা শীজিন্নরসি ঐখোয়না মকা ফোঙনা লম্বী লমফাংলকসিদা
পজেং ফীরাল য়ুংঙমজহৌন্নবা মখোয়না হয়েংসু
অকনবা য়ানসিনলোনগী ঈপাক ৱাংমদা ।

ইরোল ইয়েক

ইরোলনা তাক্লি কনানো ঐখোয়
নোন্থহন্দে কোকসু ইয়েক্না মীমাঙদা,
ইরোলনা ওইরি চীং তমগী লীপুন
মসিনা ঊৎলি সনা লৈবাক্নি ইরৈবাক।

চীংমী, তম্মী, মীতৈ পাঙল
ইমালোন মীতৈলোন্দা নৎতনা
করি লোন্দবু ফাওনবগে পূক্নীং ৱা
হিংমিন্নবসিদা ইরমদমগী লৈহাঊদা।

চীংলোন মাপনগী ৱাংমদা
তরানিপালশুবা ফম্বাক্কী ফমফম্লাং
কাখৎমিন্নদুনা নেপালি কোনকানি
ফমখিবা মায়থোঙ মকা লাম্না নোংমা
মখোয়বু শকখঙলমদবশিংদুগী মরক্তা
লৈহৌরনি সনাগী কালিনা ইদুনা নুমিৎতু।

অদুবু
নুংশিরবা ইরোল ইয়েকসিগী
ঙসিসু লীখিবা তারি মার খোঙ্গুল লময়ানবা লুচিং পুরেল মখোয়শিংদুগী
তাঙলবা পুন্সি করম্না কৎখিবা মখোয়না ।
ইমাগী ঈনা শেমখিবা
ইপাগী ঈনা য়েকখিবা ইয়েক
শেংলবা মীফম্লেন অমগী শিয়োম্নুংদা
তাউজিং হৈরু ওইনা মিতম্লক্তুনা
পোক্লকখি অনৌবা শক্তমগী অচুম্বা মশক্তা।

তোরৈ তরেৎ লানখিদুনা
ঈখায় তরেৎ ফাউখিদুনা
পুক্নীং ময়োল চোংহনখি
লাইনীংহনদি নাউরিয়া ফুলো,
ইরোল ইয়েক্কী লেঙদ্ৰবা শক্তম শেম্নবা
শকচখি, শোনজখি মীতৈলোন্না,
থাদোকখিদে পুন্সিগী থৌগায় পুম্বদা ইমালোন ।

ঈগী হৌফম কাউগুমসি
ইরোল ইয়েক মীরায়গুমসি,
মমালোনগী নৎত্রা
কৎখিবদো ঈ বাংলাগী লৈমায়দা
মখোয়ননি থনম্বা ইমালোনগী নুমিৎ,
ঙাংলসি ঐখোয়সু ইরোলদা
ইরসি ইয়েক্তা পূক্নীং মকা লাম্না
লেন্নসি মালেমদা ইয়েক ইরোলগী ।

COMMENTS

WORDPRESS: 0
DISQUS: