ঈদ কুম্মৈ পাঙথোকপদা অথিংবা লৈতে

Homeস্ক্রলবার

ঈদ কুম্মৈ পাঙথোকপদা অথিংবা লৈতে

ইম্ফাল, জুলাই ১৪ : মণিপুর গভর্ণমেন্টনা ঈদ-উল-আযহা কুম্মৈ পাঙথোকপদা অথিংবা পীবা লৈতে হায়না ৱাকফ বোর্দ মণিপুরগী চেয়ারপার্সন মোহাম্মদ আব্দুল নাসিরনা ফোঙদ

ইম্ফাল, জুলাই ১৪ : মণিপুর গভর্ণমেন্টনা ঈদ-উল-আযহা কুম্মৈ পাঙথোকপদা অথিংবা পীবা লৈতে হায়না ৱাকফ বোর্দ মণিপুরগী চেয়ারপার্সন মোহাম্মদ আব্দুল নাসিরনা ফোঙদোকখ্রে। ৱাকফ বোর্দকী মেম্বারশিং অমদি ইসলামিক স্কোলারশিং য়াওনা হাফিজ হট্টদা লৈবা মহাক্কী অফিসতা ঙসি নুংথিল পাউগী মীফম অমদা মো: নাসিরনা মথক্কী ৱাফম অসি ফোঙদোকখিবনি।
মহাক্না হায়, ইন্দিয়া গভর্ণমেন্টকী মিনিষ্ট্রি অব ফিশারিস, এনিমেল হবজেন্দরি এন্ড ডাইরিইংগী মখাদা লৈবা এনিমেল ওয়েলফেয়ার বোর্দ অব ইন্দিয়াদগী বক্রি ঈদ কুম্মৈগা মরী লৈননা ষ্টেটশিংগী চীফ সেক্রেটারি অমদি দিজিপিদা শা উচেক হাৎপদা লোনা পীরিবা চৎনা কাঙলোনশিং ঙাকপরা হায়বদু য়েংশিন্নবা চেরোল থারকপা লৈ।
চেরোল অদুগী মতুংইন্না ষ্টেট গভর্ণমেন্টনা মরী লৈনবা লৈঙাক লোইশঙশিংদা য়েংশিন্নবগী ৱাফম মিডিয়াগী খুত্থাংদা খঙহনখি। অদুবু মদুমক্না বক্রি ঈদ কুম্মৈ অসি হেক্তা পুমথিং থিংবদৌনা সোসিয়েল মিডিয়াদা লান্না শন্দোকপা অসি য়াম্না লাইবক থিবনি। ষ্টেট গভর্ণমেন্ট অসি ইসলাম লাইনিংগী মায়োক্তা লৈবদৌনা ৱা ঙাঙবা অমদি পোলিটিকেলাইজ তৌবগী থৌওং অসি লেপ্পীয়ু হায়না মহাক্না মখা তাখি।
চীফ মিনিষ্টার নোংথোম্বম বিরেনগী লৈঙাক অসি সেক্যুলর ওই অমদি ষ্টেট অসিদা লৈমিন্নরিবা ফুরুপশিংগী অপুনবা শক্তম শাগৎনবা হোৎনরি। লোনা পীরিবা চৎনা কাঙলোনশিং অদুগী মতুংইন্না ঐখোয়না বক্রি ঈদ কুম্মৈ পাঙথোকপদা করিসু অকায়বা লৈতে। অরানবা পাউ শন্দোকপীগনু অমদি কোবিদ ১৯ লাইচৎকী য়েংলগা য়ুম য়ুমদা এসওপি ঙাক্না কুম্মৈ অসি পাঙথোকপীয়ু হায়নসু নাসিরনা ফোঙদোকখি। পনবা য়াই থা অসিগী লাক্রিবা ১৯ দা বক্রি ঈদ কুম্মৈ পাঙথোক্নবা থৌরাং তৌনরিবনি।

COMMENTS

WORDPRESS: 0
DISQUS: