ইন্টারন্যাশনাল মাদার ল্যাঙ্গুয়েজ ডে দা শহীদ মিনারদা বামসাস-কী হৈকৎ লৈকৎসিলেট কেন্দ্রীয় শহীদ মিনারদা বামসাসনা হৈকৎ লৈকৎ তৌবা

Homeসংস্থানগি পাও

ইন্টারন্যাশনাল মাদার ল্যাঙ্গুয়েজ ডে দা শহীদ মিনারদা বামসাস-কী হৈকৎ লৈকৎ

‘একুশে ফেব্রুয়ারী’গী লোনগী দমক্তা কত্থোকপা অমদি নুংগী ৱাখল্লোন অসিনা মণিপুরীগুম্বা মশিং লিকপা জাতি কয়াগী লোনবু শৌগৎপদা তোঙানবা ইনোৎ অমা হাপ্পিরি’ সিল

‘একুশে ফেব্রুয়ারী’গী লোনগী দমক্তা কত্থোকপা অমদি নুংগী ৱাখল্লোন অসিনা মণিপুরীগুম্বা মশিং লিকপা জাতি কয়াগী লোনবু শৌগৎপদা তোঙানবা ইনোৎ অমা হাপ্পিরি’

সিলেট ওফিসঃ ঙসি ফেব্রুয়ারি ২১, ইন্টারনেশন্যাল মাদার ল্যাঙ্গুয়েজ ডে পাংথোকপগী পান্দমদা বাংলাদেশ মণিপুরী সাহিত্য সংসদ (বামসাস) না সিলেট কেন্দ্রীয় শহীদ মিনারদা প্রভাত ফেরী চৎতুনা হৈকৎ লৈতৎ তৌখ্রে। সংসদকী সভাপতি কবি এ কে শেরামনা লুচিংদুনা অয়ুক পুং ৮ মখাই তাবা মতমদা লামাবাজার পোয়েন্টকী তগী হৌরদুনা ‘ইচিল ইনাওগী ই-না ঙাংলবা কুনমাথোই ফেব্রুয়ারি করম্না কাওনি’ ইশৈ অসে শক্লদুনা খোংগুপ উপতনা ‘প্রভাতফেরী’ তৌদুনা চৌহাট্টাদা লৈবা শহীদ মিনারদা হৈকৎ লৈকৎ কৎখি। চহি খুদিংগী মতৌগুম মশিং চামদগী হেন্না সংস্থা কয়াসু লৈ কৎপদা শরুক য়াখি। বামসাসকি ‘প্রভাতফেরী’ অমসুং হৈকৎ লৈকৎকী থৌরমদা সংসদকী জেনারেল সেক্রেটারী কবি নামব্রম শংকরগা লোয়ননা সংসদকী কর্মী ময়ামতা নত্তনা অতৈ মীওই ময়ামসু শরুক য়াখি। সংসদকী সেক্রেটারী নামব্রম শংকরনা হায়, ‘একুশে ফেব্রুয়ারী’গী লোনগী দমক্তা কত্থোকপা অমদি নুংগী ৱাখল্লোন অসিনা মণিপুরীগুম্বা মশিং লিকপা জাতি কয়াগী লোনবু শৌগৎপদা তোঙানবা ইনোৎ অমা হাপ্পিরি’।

বামসাস-কী প্রভাতফেরী

বামসাসনা ১৯৭৫ খৃঃ দা হৌগৎলবা মখাদা চহী অমা অনী চিত্থবা নত্তনা চাং নাইনা চহী খুদিংগী ‘একুশে ফেব্রুয়ারি’দা প্রভাতফেরী অমসুং শহীদ মিনারদা হৈকৎ লৈকৎ কৎপগা লোয়ননা নৈনা মীফমনা চিংবা থৌরম কয়া পাংথোক্তুনা লাক্লি। হন্দকসু ওনলাইনগী খুত্থাংদা বাংলাদেশ অমদি মপান লমদমদা লৈবা কবি, সাহিত্যিক কয়া য়াওদুনা চংখোনবা শৈরেং শৈদিন্নবগী থৌরম অমসু পাংথোক্লগনি হায়না সংসদকী সেক্রেটারী নামব্রম শংকরনা খংহল্লক্লি।

১৯৯৯ গী নভেম্বরগী তাং ১৭ দা ইউনেস্কোনা ডিক্লেয়ার তৌরবা মখাদা ‘শহীদ দিবস’, খৃ. চহী ২০০০ দগী ‘ইন্টারনেশন্যাল মাদার ল্যাঙ্গুয়েজ ডে হায়না মালেম পুম্বা খংনরে অমসুং পালন তৌনরে। অদুবু বাংলাদেশতদি নুমিত অসে ১৯৫৩ দগী শহীদ মিনারদা হৈকৎ লৈকৎ তৌদুনা পালন তৌনা লাকখি। ১৯৭১ দা বাংলাদেশ স্বাধীন ওইরবা মখাদগী নুমিৎ অসিবু ‘জাতীয় শহীদ দিবস’ হায়বদি ‘ন্যাশনাল মোর্নিং ডে’ হায়না পালন তৌনা লাক্লি। ‘অমর একুশ’ নত্রগা ‘একুশে ফেব্রুয়ারি হায়না থোয়দোকনা হেন্না পাম্ননা মীংথোল্লিবা নুমিৎ অসি বাংলাদেশকী ন্যাশনাল হোলিডেনি। বাংলা সাহিত্য, বাংলা সংস্কৃতি অমদি বাঙালী চেতনাগী আতিয়াদা ‘একুশে ফেব্রুয়ারি’গী নুং হুতপা, মুতনাইররোইদবা ইনোত অমা লেংদনা লৈরবনি। বাংলাদেশ স্বাধীন ওইরকপগী মৈহৌরোনসু ১৯৫২ গী একুশে ফেব্রুয়ারিদগী হৌরকপনি হায়না ইতিহাসকার অমদি মাইচৌশিংনা লৌনৈ। অসুগুম্লবা বাংলাদেশকী, বাঙালীশিংগী চাওথোকচনিঙাইগী মশক ওইরিবা ‘অমর একুশ ঙসিদি মালেম শিনলে, মালেমগী মমালোন নুংশিবা মীপুম খুদিংমক্কি পাম্বৈ ওইরে, পোংজনিঙাই ওইরে।

COMMENTS

WORDPRESS: 0
DISQUS: