ইন্টারন্যাশনাল মাদার ল্যাংগুয়েজ ডে দা একডো-গী নৈনা মীফমএকডোগী মায়কৈদগি মহৈরোইশিংদা মণিপুরী লোন তম্বগি লাইরিক অমসুং মেটেরিয়েলস য়েনথোকপা

Homeসংস্থানগি পাও

ইন্টারন্যাশনাল মাদার ল্যাংগুয়েজ ডে দা একডো-গী নৈনা মীফম

সিলেট ওফিসঃ ইন্টারন্যাশনাল মাদার ল্যাংগুয়েজ ডে ২১শে ফেব্রুয়ারিগা মরি লৈননা এথনিক কমিউনিটি ডেভেলপমেন্ট অর্গানাইজেশন একডোগী মায়কৈদগী নৈনা মীফম অমসুং এড

সিলেট ওফিসঃ ইন্টারন্যাশনাল মাদার ল্যাংগুয়েজ ডে ২১শে ফেব্রুয়ারিগা মরি লৈননা এথনিক কমিউনিটি ডেভেলপমেন্ট অর্গানাইজেশন একডোগী মায়কৈদগী নৈনা মীফম অমসুং এডুকেশন মেটেরিয়াল য়েনবগি থৌরম অমা ফেব্রুয়ারি ২১দা ভানুগাছকী আদমপুর বাজার মণিপুরী কালচারাল কমপ্লেক্সতা পাংথোকখ্রে।

একডোগী চেয়ারপার্সন ইন্দ্রজিৎ সিংহনা থৌরম মপু  ওইবা মীফমদুদা স্পেশাল গেস্ট ওইনা ৱা ঙাংবিখি মণিপুরী কালচারাল কমপ্লেক্সকী কনভেনর জয়ন্ত সিংহ, বাংলাদেশ মণিপুরী সাহিত্য সংসদকী কমলগঞ্জ শাখাগী প্রেসিডেন্ট বীরেন্দ্র সিংহ অমসুং বাংলাদেশ মণিপুরী প্রাইমারি টিচার্স সমিতিগী প্রেসিডেন্ট কুঞ্জরানী সিনহা। মীফমদুদা ৱা ঙাংবিখিবা মীয়োই ময়াম্না হায়বিখি মলেমগি পিক্ল পিক্লবা লোন ময়ামগা লোইননা মণিপুরী লোনসু এনডেঞ্জার লোনগী লিস্টতা য়াউরিবনি। অদুবু, অসিগুম্বা মীফম কয়া, থৌদাং কয়া সরকার অমসুং সংস্থানশিংনা লৌখৎপগি মরম্না হৌজিক লোন মাংখ্রগনি হায়বগি নুংশাথিবদো খরদি কোকলক্লে। মরম অদুনা ইমালোন ঙাকপা, য়োকপগি দমক অসিগুম্বা থৌদাং য়াম্না তোইনা লৌখৎপা মথৌ তায়।

নৈনা মীফমদুদা হৌদোক ৱাহৈ থম্বিখি একডোগী এক্সিকিউটিভ ডিরেক্টর লক্ষীকান্ত সিংহ। অতৈসু ৱা ঙাংবিখি কবি সনাতন হামোম, ইবুংহল সিংহ শ্যামল অমসুং বৃন্দা রাণী। মীফমগী অরোইবদা নরওয়েগী হেয় ভারডেন কৌবা সংস্থানগী তেংবাং মখাদা একডোগী মায়কৈদগি মঙ্গলপুর, মাঝের গাও, হক্তিয়ারখোলাগি মহৈরোই ১০৪গী মফমদা মণিপুরী লোন তম্বগি লাইরিক ‘মণিপুরী লোনদম লাইরিক’, খাতা, কলম, রাবার, রুলার, পেন্সিল য়েনখি।

COMMENTS

WORDPRESS: 0
DISQUS: