ইউএসএ-না চহী ১২দগী ১৫ ফাওবা মনুংদা লৈবা অঙাংশিংদা ফাইজার ভেক্সিন কাপ্পগী অয়াবা পীখ্রে

Homeমপান লমদম

ইউএসএ-না চহী ১২দগী ১৫ ফাওবা মনুংদা লৈবা অঙাংশিংদা ফাইজার ভেক্সিন কাপ্পগী অয়াবা পীখ্রে

য়ুনাইটেদ ষ্টেটসনা লৈবাক অদুদা লৈরিবা চহী ১২দগী ১৫ ফাওবগী মনুংদা লৈরিবা অঙাংশিংদা ফাইজার বাইওএনটেক কোভিদ-১৯ গী ভেক্সিন চহী নৌরিবা মীওইশিংদা কাপ্পা য়াবগ

য়ুনাইটেদ ষ্টেটসনা লৈবাক অদুদা লৈরিবা চহী ১২দগী ১৫ ফাওবগী মনুংদা লৈরিবা অঙাংশিংদা ফাইজার বাইওএনটেক কোভিদ-১৯ গী ভেক্সিন চহী নৌরিবা মীওইশিংদা কাপ্পা য়াবগী অয়াবা পীখিবা অদুগা মরী লৈননা য়ুএস প্রেসিডেন্ট জো বাইদেননা ফোঙদোকখিবদা লৈবাক অদুদা কোরোনা ভাইরাস শন্দোরক্লিবা অসি থিংনবা মরী লৈনবশিংনা অকনবা মওংদা হোৎনরি। চহী নৌরিবা অঙাংশিংদা কোবিদ-১৯ ভেক্সিন কাপ্পদা অয়াবা পীখিবা অসিনা মরম ওইরগা লায়না লাইচৎ অসি লাকশিনবদা চাওনা মতেং ওইরগনি। কোবিদ-১৯ গী অহানবা ওয়েভতা লায়না লাইচৎ অসিনা মালেমগী ওইনা য়ুইনাইটেড ষ্টেটতা খ্বাইদগী হেন্না চৈথেং পীখিবনি। অদুবু অনীশুবা ওয়েভগী ওইনদি য়ুএসতা লায়না লাইচৎ অসিনা হৌজিক ফাওবগী ওইনদি কা হেন্না চৈথেং পীবা লৈত্রি।

লৈবাক অসিদা লৈরিবা মীপুম খুদিংমক কোবিদ-১৯ ভেক্সিন কাপথোকহন্নবগীদমক গভর্ণমেন্টনা অকনবা মওংদা হোৎনরি। মীয়াম্নসু গভর্ণমেন্টনা হোৎনরক্লিবা থবক থৌরমশিংদ মতেং পাংশিনবগা লোয়ননা য়ারিবমখৈ ভেক্সিনেট তৌনবা হোৎনগদবনি হায়না মহাক্না মখা তানা ফোঙদোরক্লি।

সোর্সঃ হুইয়েন লানপাও।

COMMENTS

WORDPRESS: 0
DISQUS: