আসামদা মণিপুরী লোন কন্নবগীদমক লোন অসি এসোসিয়েট অফিশিয়েল লেঙ্গুয়েজ ওইহনগদবনি: আমসু

Homeস্ক্রলবার

আসামদা মণিপুরী লোন কন্নবগীদমক লোন অসি এসোসিয়েট অফিশিয়েল লেঙ্গুয়েজ ওইহনগদবনি: আমসু

ইম্ফাল, সেপ্টেম্বর ২১ : আসামগী চীফ মিনিষ্টার হেমন্ত বিশ্ব শর্ম্মানা হন্দক শিলচরগী নুমিৎ নীনীগী খোঙচৎতা মণিপুরীশিংগী ইন্টেলেকচুয়েল অমদি ওজাশিংগা মণিপুর

ইম্ফাল, সেপ্টেম্বর ২১ : আসামগী চীফ মিনিষ্টার হেমন্ত বিশ্ব শর্ম্মানা হন্দক শিলচরগী নুমিৎ নীনীগী খোঙচৎতা মণিপুরীশিংগী ইন্টেলেকচুয়েল অমদি ওজাশিংগা মণিপুরীশিংগী তোঙান তোঙানবা ইস্যু কয়া খন্ন নৈনবদা মণিপুরী লোনবু এসোসিয়েট অফিশিয়েল লেঙ্গুয়েজ ওইবদা মীশিংগা চানদে হায়রম্বা ৱাফম অল আসাম মণিপুরী ষ্টুডেন্টু ইউনিয়ন (আমসু) না পেন্দে হায়না আমসুগী চেরোলনা হায়রি।
চেরোল অসিনা হায়, হৌজিক আসামদা য়াম্না কন্না চৎনরক্লিবা আসামীজ, বেঙ্গলি, বোড়ো অসি খঙদবা য়াদে হায়বসিনা লেপ্তনা অসুম চত্থরক্লগদি মণিপুরী মিডিয়াম অথুবা মতমদা মূৎখ্রগনি। মরমদি লোনশিং অসিদা মহৈ তম্লক্তবা মহৈরোয়শিং লৈঙাক অসিনা লৌবা জব কয়া থাবা য়াহন্দ্রে। থ্রী লেঙ্গুয়েজ ফর্মুলা অসিনা মরম ওইরগা মহৈরোয় কয়া মণিপুরী মিডিয়াম তম্নীংদবা, থৌওইরক্তবগী অচৌবা মচাক অমা ওইহল্লি।
মসিগী মথক্তা মণিপুরী লোন অসি ইন্দিয়ান কন্সটিট্যুসনগী নিপালশুবা সেদ্যুল্ডদা চল্লবা লোননি। কুমজা ১৯৬৫তগী হৌদুনা মিডিয়াম অমা ওইনা তমদুনা লাকখ্রবা অমদি আসাম য়ুনিভার্সিটি, সিলচর অমদি ইন্দিয়াগী তোঙান তোঙানবা য়ুনিভার্সিটিশিংদা তম্লিবা লোন অমসুনি। লোয়ননা সাহিত্য একাডেমিনা শক খঙলবা লোননি। অসিগুম্লবা লোন অমবু এসোসিয়েট অফিশিয়েল লেঙ্গুয়েজ ওইবা য়ারোই হায়বসিদি মণিপুরী লোনবু মমল থমদবনি অমদি চহী লীশাং কয়াদগী মিডিয়াম ওইনা তমদুনা লাক্লিবা মণিপুরী লোন অসিবু থওই উশিত্তবনি হায়না আমসুনা লৌই হায়রি।
অদুগা চীফ মিনিষ্টারনা মীফম অদুদা পনলম্বা ফূরুপশিং অদুগী লোনশিংদগীদি মণিপুরী লোননা থাক য়াম্না ৱাংবা হেল্লি। মীশিং য়েংলগা লোন অমগী থাক লেপ্পা খক য়ারোই। এসোসিয়েট অফিশিয়েল লেঙ্গুয়েজ ওইদ্রিবা ফাওবা আমসুনা চঙশিনগনি। আসামীজ, বেঙ্গলি, বোড়োদা পীবা চপ মান্নবা চাকথুং মণিপুরী লোনদসু পীগদবনি। মণিপুরী লোন মূৎনবা হোৎনরকপা অসিদি আমসুনা কৈদৌঙৈদা খক য়াবা ঙম্লোই হায়রি।
সোর্স: পান্দম

COMMENTS

WORDPRESS: 0
DISQUS: