আসামগি লৈঙাকন অয়িবসিং অমদি অয়িবগি লূপসিংদ সেনথঙ ময়াম হৈথরে, অয়িব ৬০০ ত লূপা ৫০,০০০ গি তেঙবাং, খোরিরোলগি লূপ ২১দ লূপা করোর ৪৩.২ গি গ্রান্ত পীখ্রে

Homeআর্টস

আসামগি লৈঙাকন অয়িবসিং অমদি অয়িবগি লূপসিংদ সেনথঙ ময়াম হৈথরে, অয়িব ৬০০ ত লূপা ৫০,০০০ গি তেঙবাং, খোরিরোলগি লূপ ২১দ লূপা করোর ৪৩.২ গি গ্রান্ত পীখ্রে

অয়িব ৬০০ অসিন মরু ওইন নৌন ইরকলিব মরকতগি খনগৎপনি হায়রি। মখোয়দ লূপা ৫০,০০০ মী অমমমদ পীরিবসী অমুকতঙ পীব সেনথংনী। মথং অমুক পীরোই। অদুগ লূপসিংগিদী চহী

দিলিপ ময়েংবম

অয়িব ৬০০ অসিন মরু ওইন নৌন ইরকলিব মরকতগি খনগৎপনি হায়রি। মখোয়দ লূপা ৫০,০০০ মী অমমমদ পীরিবসী অমুকতঙ পীব সেনথংনী। মথং অমুক পীরোই। অদুগ লূপসিংগিদী চহী খুদিংগি লেপ্তন ফংলগদব সেনফমনী। লৈঙাকপীরিব সেনফম অদু থমজিল্লগ কারকপ সেন্দয়নী ফংগদৌরিবসী।  সেন্দয় চাউই চহীদ চাদ ৮ গি চাংনী। আসাম লৈঙাকন হন্দক ভাসা গৌরব স্কিম হায়দুন হৌদোকলিব অসী নত্তব অয়িবসিংগি পেনসন্ স্কিম অমসু হান্নদগি লৈরে। চহী খূদিংগি অয়িব /অয়িবী ৪০/৫০ রোম খনগৎলগ পেনসন্ পীরি। আসাম সরকারগি অয়িবদ পীব পেনসন্ ফংখ্রবসিংগি মনুংদ মণিপুরী অয়িব য়াওরি। কাসার জারোইল তলাদগি সৌগাইজম ব্রজেস্বোর পেনসন্ ফংখি। চহী খরগি মমাঙদ লৈখিদ্রে। হোজাইগি লাইতোনজম নীলমনি ফংলি, লাইরিক ১৭ লোম ফোঙখ্রব অয়িবনি। জারিবোনগি অয়িব সুব্রামসু পেনসন্ অসি ফংলি। অহল ওইরব, চহী ৬০ হেল্লবসিংদ পীবনি,থাদ লূপা ৮০০০/৮০০০ পীরি। ২০২০-২১ গি ওইন অয়িব ৪৩ খনগৎতুন পেনসন্ পীননব লউথোকখ্রে। মখোয় তোঙান তোঙান্ব লোনসিংদ ইব সক্নাইরব অয়িবসিংনী।

সামগি লৈঙাকন আসাম সাহিত্য সভা অমদী বোরো সাহিত্য সভাদ হান্নদগী সেলগী তেঙবাং পীরগলাকই। অদুগ ২০২০ গি জানুয়ারিদ আসামদ লৈরিব অতৈ লোনসিংগি খোরিরোলগী লূপসিংদসু  সেনথং চাউন পীরগনী হায়ন লাউথোকখি। মতমদুদ খোরিরোলগী লূপ ২২ খনগৎখী। আসাম সাহিত্য সভাদ লূপ কারোর ১০,বােরো সাহিত্য সভাদ লূপা করোর ৫ আদুগা অতৈ লোনসিংগি লূপ ২০,মসিদ আসাম মানিপুরি সাহিত্য পরিসদ য়াওন, অমমমদ লূপা করোর ৩ পীগনি লাউথোকখি। পান্দমদী সাহিত্য হায়বসী খুনাই অমগী মিংসেলনী, মদুবু চাওখৎনবা হোৎনরিবা তোঙান তোঙানব আসামদ ঙাঙনরিব লোনসিংগি লূপসিংন মথৌ পাঙথোকপদ ঃ লাইরিক ফোঙব, সেমিনার, সীম্ব,চেফোঙ পুথোকপ, ৱার্কসোপ, পাঙথোকপ, অচৌব মীফম কয়া পাঙথোকপদ সেলগি অৱাবা লৈহন্দনবা পীবা সেনফমনী। সেনফম অসী লূপ অমদ চুমদ্রিং পীরোই। আসাম লৈঙাকনা কোরপস্ ফন্দ ওইন থমগনি। সেন্দোয় চাদ ৮ গি চাংদ কাহনগনি। মাগি মাগি থুংলিব সেনফম অদুগি সেন্দোয় অদু চহী চহীগি লূপ অদুগি বেংক একাউন্তত হাপচিল্লক্কনি। মদুনা চহী অমগি থৌরম কয়া সীনগদবনি।

হান্ন লাউথোকখিব সেনফম অসিদদী আসাম সাহিত্য সভান চহীদ সেন্দোয় ওইন লূপা লাখ ৮০ ফংগনি। বােরো সাহিত্য সভান লূপা লাখ ৪০, অতৈ লূপসিংন লূপা লাখ ২৪/২৪ ফংগনি হায়খি।অয়িব ১০০০ দ লাইরিক ফোঙব ৱাব, ঙমদবসিং কোকহন্নব তেেঙবাং ওইনা লূপা ৫০,০০০ পীগনি লাউথোকখি।

কোবিদ- ১৯ ন লোকদাউন তৌখিব, থবক সূব চৎপা লেপখিব কয়ান সেল – থুমগি ফীবমদ খর সোকখিবন হন্দক ফেব্রয়ারি তাং ১ দা শ্রীমন্ত সংকরদেব ওদিতোরিয়মদ মুখ্য মন্ত্রী শ্রীস্বরবানন্দ সোনোয়াল অমদী মহৈ- মসিং অমসুং সেল-থুমগি মন্ত্রি হিমন্ত বিসম্ব সরম অনীন লাউথোরকপদ অয়িবগি মসীঙ ১০০০ দগি ৬০০ অইহন্ খি। লূপসু ২২ দগি ২১ দ হনথরে। লূপসিংদ পীব  সেন ফম্ন হান্ন লূপা করোর ৭৫ হায়খিবদু করোর ৪৩.২০দ ওইহনখি। মসীসু য়ামখ্রবা সেনফম্নি। আসাম মণিপুরী সাহিত্য পরিসদ  য়াওন অতৈ লোনসিংগি লূপ ১৯  দ লূপা কারোর ১ গ লাখ ৮০ পীরি। আসাম সাহিত্য সভাদন লূপা করোর ৬, বােরো সাহিত্য সভাদন লূপা কারোর ৩ পীরগনি। মসী কোরপস্ ফন্দদ থম্লগ সেন্দোয় ওইনা আসাম সাহিত্য সভান চহীদা লূপা লাখ ৪৮ চহী অমদা ফংগনি। বারো সাহিত্য সভান চহীগি সেনথং ওইন ( সেন্দোয়দগি) লূপা লাখ ২৪ ফংগনি। অতৈ লূপসিংনা লূপা লাখ ১৪ গা লীসিং ৪০ চহী খূদিংগি সেনথং ওইনা লেপ্তন ফংলগনি।

সেল খুবাম খুবাম চাইথরকপদ অফবসু লৈ, ফত্তবসু লৈ।তসেংন সাহিত্য তৌজব অয়িবসিংন লুচিংব লূপসিদী চাওখৎখিনী। লাইরিক কয়া, চেফোঙ কয়া পুথোরক্কনি। অচৌব মিফম কয়া পাঙথোকতুন লেমজনিঙাই ওইব ফিদা ফংখিনি। মদুনত্তদুন, অয়িব নত্তবসিংন সাহিত্যগি  লূপসিংগি প্রেসিদেন্ত, সেক্রেটরিগি ফম মুন্নব য়াওরি সাহিত্য চাওখৎহন্নব নত্তব, মসাগি মিংচৎ পাম্বগি ফমগি তান্নরকপসিংগি খূত্ত তাখ্রবদী চউখ্রবা সেনথং অসী সোৎ পেক লাউদন মাঙখিবসু য়াই। সেলগি মুন্নারকপদ অঙকপ রাজনিতি তৌনরকতুন লূপ অদু অনী নত্রগ অহুম থোক্ন কায়খিবসু য়াই। কোর্ত কেস কৌনরকপদ অঙকপ ওইরোই। খোরিরোল সূবসি অদুয়াইদ লোইসিনখিবসু য়াই।সেনথং চাউন পীগদৌরে খঙনরকপদ ফম মুন্নবগি লান কনখৎনব লূপসিং য়াওনরকতব নত্তে।

আসামগি অয়িবি ৬০০ ত লূপা ৫০,০০০ গি মতেং  পীননব খনগৎপদ মনিপুরি অয়িবি ৭ য়াওরে। লখিপুরদগি ৩/৪ য়াওরে।খনগৎলবসিংদী থোকচোম বিশ্বনাথ কবিনি, সৈরেং লাইরিক ৩/৪ ফোঙখ্রে। নহারোল খোরিরোল সিল্লূপকি অচঙব মেম্বরনি। ‘খোরিরোল ‘ চেফোঙগি এদিতরসু ওইখ্রে। অঙাঙব নুংথিল কৌব সৈরেংগি খোমজিম্ব লাইরিক্কি এদিতরসু ওইখি। নুমিৎয়ুংব কৌব চেফোঙ অমসু পুথোকখ্রে। হৌজিক হৌজিক সাহিত্য একাদমিগি মানিপুরি লেংগ্বেজ এদভাইজরি বোর্দকি মেম্বর ওইরি। অনিসুবদা লৌখাম নন্দকুমার, সৈরেং লাইরিক অনী ফোঙখ্রে।নহারোল খোরিরোল সিল্লূপকি মেম্বরনি। অহুমসুবদা চিংখামময়ুম বিদিত কুমার কবিনি, অয়িবনি। সৈরেং লাইরিক ১, ৱারীমচা ১, অঙাংগি লাইরিক ৩ ফোঙখ্রে। নহারোল খোরিরোল সিল্লূপকি মেম্বরনি। মরিসুবদ সাহিত্য একদমিগি য়ুব পুরস্কার ফঙলব নহ ওইরিব অয়িব খনজিরাকপম কৃষ্ণমোহন, সৈরেং লাইরিক ১ ফোঙখ্রে। মঙাসুব চান্দম লৈকাইদগি থৌনাউজম শ্যাম, য়ারীমচাগি লাইরিক অমা ফোঙখ্রে। হৌজিক্ না গৌহাতিদ লৈরি। তরুকসুবদ জারিবোন্দ লয়াত্ তগি লৌরেম্বম জোয়কান্ত, সৈরেং লাইরিক ফোঙখ্রে। তরেৎসুবদন হোজাইদগি অয়িবি য়ুম্নাম রেনুকানি নৌনা পায়খৎলকলিব লোন অমদী খোরিরোল চাওখৎনব স্কিম অসী ভাসা গৌরব হায়ন মমীং থোল্লি।চহী খুদিংগি সেনথক ফংলগদবা সাহিত্যগি লূপসিংদী — আসাম সাহিত্য সভা, বােরো সাহিত্য সভা, দেউরি সাহিত্য সভা,  দিমাসা সাহিত্য সভা, আসাম নেপালি সাহিত্য সভা,  নিখিল রাভা সাহিত্য সভা, কারবি সাহিত্য সভা, পূর্বান্চল তাই সাহিত্য সভা, মিসিং সাহিত্য সভা, আসাম মনিপুরি সাহিত্য পরিসদ, গারো সাহিত্য সভা, মোরান সাহিত্য সভা, আসাম চা জনগোষ্ঠী সাহিত্য সভা, সোনোয়াল কাসারি সাহিত্য সভা, কুরুখ সাহিত্য সভা, কোচ্ রাজবংসী সাহিত্য সভা, সাউতাল সাহিত্য সভা, মুনদারী সাহিত্য সভা, সরনিয়া কাসারি সহিত্য সভা, নিখিল বিষ্ণুপিয়া মনিপুরি সাহিত্য পরিসদ, অমদী তিয়া সাহিত্য সভানি।

অয়িব ৬০০ অসিন মরু ওইন নৌন ইরকলিব মরকতগি খনগৎপনি হায়রি। মখোয়দ লূপা ৫০,০০০ মী অমমমদ পীরিবসী অমুকতঙ পীব সেনথংনী। মথং অমুক পীরোই। অদুগ লূপসিংগিদী চহী খুদিংগি লেপ্তন ফংলগদব সেনফমনী। লৈঙাকপীরিব সেনফম অদু থমজিল্লগ কারকপ সেন্দয়নী ফংগদৌরিবসী।  সেন্দয় চাউই চহীদ চাদ ৮ গি চাংনী। আসাম লৈঙাকন হন্দক ভাসা গৌরব স্কিম হায়দুন হৌদোকলিব অসী নত্তব অয়িবসিংগি পেনসন্ স্কিম অমসু হান্নদগি লৈরে। চহী খূদিংগি অয়িব /অয়িবী ৪০/৫০ রোম খনগৎলগ পেনসন্ পীরি। আসাম সরকারগি অয়িবদ পীব পেনসন্ ফংখ্রবসিংগি মনুংদ মণিপুরী অয়িব য়াওরি। কাসার জারোইল তলাদগি সৌগাইজম ব্রজেস্বোর পেনসন্ ফংখি। চহী খরগি মমাঙদ লৈখিদ্রে। হোজাইগি লাইতোনজম নীলমনি ফংলি, লাইরিক ১৭ লোম ফোঙখ্রব অয়িবনি। জারিবোনগি অয়িব সুব্রামসু পেনসন্ অসি ফংলি। অহল ওইরব, চহী ৬০ হেল্লবসিংদ পীবনি,থাদ লূপা ৮০০০/৮০০০ পীরি। ২০২০-২১ গি ওইন অয়িব ৪৩ খনগৎতুন পেনসন্ পীননব লউথোকখ্রে। মখোয় তোঙান তোঙান্ব লোনসিংদ ইব সক্নাইরব অয়িবসিংনী।

আসামগি নুঙাইব পাউ অসী মণিপুরগি অয়িবসিংদ তমজবনি। মণিপুরগি লৈঙাকত খঙবীয়ু হায়জবনি। মথংদ থৌরাং পায়খৎপীয়ু নীঙসিংজবনি। হান্ন, য়ামদ্রবসু লাইরিক ফোঙনব অয়িবসিংদ পব্লিকেসন গ্রান্ত খর খর এজুকেসন দিপার্তমেন্তনা পীরম্মী।  হৌজিক তোকখ্রে।  মদু মণিপুরী লেংগ্বেজ প্লান্নিং দিপার্তমেন্তন পাঙথোকপ য়াই।  ৮ সুব সিদ্যুলদ চল্লগ কান্নব ময়াম ফংগনি খন্নরম্বদু কান্নফম খঙদ্রি। আরতিস্তত পীব তেঙবাং অদুগুম্ন ঈকাইখুম্নজরিব চীফ মিনিস্তরন অয়িবসিংগি স্কিম অম লাউথোকপিব ফৈ। সাহিত্যগি লূপসিংদ আসাম লৈঙাকন পীথরিব অসিমক য়ৌব ঙমলোই। অদুবু বাজেৎত হাপ্পীদুন চহী খূদিংগি লাখ ১০দগি ৫ ফাওব সেনথং পীবীব য়াই। ৮ সুব সিদ্যুলদ চল্লগা কান্নবা কয়াম ফংগনি খন্নরম্বদু কান্নফম খঙদ্রি। হান্ন মণিপুরি সাহিত্য পরিসদত চহীগি লাখ অমমম পীরম্বদুসু তোকখ্রে। ত্রাইবেলগি সাহিত্য খর চাউখৎনবা লোনসিংগি অপূম্বা লূপসিংদ সেনথং পীবীবদ য়াম্না হরাউগনি। কবুই সাহিত্য পরিসদ, তাংখুল লিতরেরী সোসাইতি, মাও, মার, পাইতে, থাদৌনচিংবগি লিতরেরী ওরগেনাইজেসন (এপেক্স বোদিসিং) দ চহীগি অচৌব থৌরম অম পাঙথোক্নব, চেফোঙ পুথোক্নবা, লাইরিক ফোঙনব পীবীব য়াম্ন ফগনি। মরী চেৎসিম্বসু হেনগনি। বজেৎতা হাপ্লব সী.এম. ন খনথবীব চুম্মী। সেল লৈতে লৈতে হায়বন সোলুসন নত্তে। তৌগে খনবদুনা মরূনী। নীঙবু নীঙলবদী ফন্দী অতৈ সোরস্‌ কয়াদগি লাক্নবা সীম্বীব য়াই।

অয়িবসিংবু আসাম লৈঙাকন হান্নদগি হৌন  অৱাংব থাকত ঈকাইখুম্নরকঈ। আসাম সাহিত্য সভাগি চহীগি মীফম পাঙথোকফমদ মন্ত্রি অম য়েংসিন্নব সিন্নৈ। জিলা অদুগি দি সী, পুলিশ চীফ, লম্বী, ঈসিং, মৈ পানরিবসিং মফমদুদ অমত্ত ৱাৎহন্দনবা য়েংসিলহল্লী। সাহিত্য  সভাগি প্রেসিদেন্তন সামু তোংদুনা মীফম হোদৌকপ লাকপদ লৈঙাক্কি চীফ মিনিস্তর য়াওন ওকঈ।

ঈসৈগি নিংথৌরেল অমদী কবি ভূপেন হাজারিকাদ কেবিনেৎ রেংক পীদুন ঈকাইখুম্নখি। অয়িবী, গ্যানপীথ এৱারদ ফংখিবী মাসোনী রাইসোম গোস্মামীসু চপ মান্নব ঈকাইখুম্নব পীখি। ঐখোয়গি লৈঙাকন ঙসিফাওবদ মালেমদ সক্নাইরবা থীয়েতর দিরেকতর রতন থিয়াম, মালেমদ খাইদগি সীঙথানরবা অহুমগি মনুংদ অম ওইরবনী, মঙোন্দ লেমজনিঙাই ওইব ঈকাইখুম্নব অমত্ত ঊৎত্রি। ফিল্মগি লমদ সক্নাইরব অরিবম শ্যাম শর্ম্মাসু  লৈরি। মখোয় মণিপুরগি লন্নি। মখোয়বু ৱাংন ঈকাইখুম্নহন্নীংঙি। সাহিত্য একাদমি মনা অমদি মণিপুর স্তেৎ এৱারদ ফোর লিতরেচর ফংলব অয়িবসিং, মফম অম চাউন কল্লবসিং অসিবু সকখঙবীউ। কবিরত্ন ফংখ্রব লাইস্রম সমরেন্দ্র, পদ্মশ্রী ফংখ্রব এলাংবম নীলকান্ত লৈখিদবদ অৱাব ফোঙদোকখিদব লৈঙাকনী। সম্নদবদৌন তৌই লৈঙাক্ক অয়িবসিংগ, কলা তৌজরিবসিংগ। চাওখৎপ লৈবাকত অচৌব অয়িব অম লৈতবদ লৈবাক অদুগি প্রেসিদেন্ত নত্রগ প্রাইম মিনিস্তরন অৱাব ফোঙদোকই। মখোয়গি পোৎলোইবদ য়াউঈ। চাউখৎপ খুন্নাই অম ওইহম্বদ সাহিত্যন অচৌব থৌদাং লৌরি হায়বসী কাউফম থোকতবনী। হন্দকত ঐগ্যা চিত্রেশ্বরনা অমদী সনখ্বা ঝলজিৎ লৈখিদবদা লৈঙাকন অৱাব অমত্তা ফোঙদোকখিদে। চিত্রেশ্বরনা উপন্যাস অমদী ৱারীমচা ইবনি, সংকীরতনগি নৈনব পন্দিত অমনি। অয়িব সাহিত্যসু নৈনরম্মী। ঝলজিৎন মণিপুরগি পুৱারী ইরম্ব মীসকনি। সাহিত্য পরিসদকি প্রেসিদেন্ত ওইখিবনি।

আসামগি এ সি এস, ওফিসার ওইরিবী বেমথোইন খঙহৌদন লৈখিদবদ অৱাব ফোঙদোকপিখি।  য়াম্ন নুঙাই। সোলিদারিতি ঊৎপনী। মতাং চান ঊৎহৌদ্রবদী মীয়াম্ন থমলিব ঈকাইখুম্নব হনথখিব য়াই। লৈবাক্কি মী ওইরবসিংবু ঈকাইখুম্নহন্নীংদুনা হায়জবনি।

ত্রাইবেল ৱেলফেয়ার দিপারতমেন্ত অসি চাউথোকহন্দুন সাহিত্যগি, নাৎকি, ঈসৈ জগোয়গি মসাসিং খাইদোকতুন চাউখৎনব হোৎনরবদী মখোয়সু হারাউজনি। লাইরিক য়াম্ন পাব, ইব, হৈব মী য়াম্ন লৈরবতদ চাউখৎপ ইন্তেলেকচুয়েল ওইব সোসাইতি ওইরি। মখোয়গি লাইব্রেরিন মালেমগি কলেকসন ময়ামগি থনফম ওইদুন থিব চৎনরি। অয়িব কয়া মসীঙ য়াম্ন থোরকলিবসী মণিপুরগি লাইবক ফবনি। অবাং-নোংপোকসিদ অয়িব য়াম্ন লৈতব রাজ্য য়াম্ন লৈরি। ঐখোয়গিদী মরাং কায়ন লৈরি। মখোয়বু নুংসিবীয়ু, রাজ্য অসিবু সেম্বদ, অৱাংব থাকত পুখৎপদ সরুক য়ারিবনী হায়বসী নীঙসিংবীয়ু।

আসাম লৈঙাকন মতীং থোক্লগ ঐখোয়গিসু করিগি ঙমলোইদগে। লেপ্ত লেপ্পীয়ু। অয়িবসিংন ইব সৈরেং, ৱারেং, ৱারীমচা, উপন্যাস, লমকোই ৱারী, দ্রামা পারগ, তম্লগনী লাইরিক হৈব, অচৌব মী ওইনা খুন্নাইদ মফম ফংলব মী অমমম ওইনরকলিবসী। বৈগ্যানিকসিংসু ৱারীমচা পাই, লমকোই ৱারী, উপন্যাস পারগ ৱারুবদু পোথাই। রাসিয়ান সাইন্তিস্তসিংন সাহিত্যগি লাইরিক অতৈদগি হেন্ন লৈদুন পাই। ত্রিপুরাদ লাইরিক্কি মেলা রাজ্যগি থাক, জিলাগি থাক অমদী পনচায়েৎকি থাকত অহুম থোক্ন সীল্লি। মী পুম্নমক পানব, পাহন্নব সীল্লি। মদু ঐখোয়গিদসু পাঙথোকপদ লাইরিক পাব হেনগৎকনি। স্কুল, কোলেজদ লাইরিক লৈনব লৈঙাকন বজেত চাউন হাপ্পী। মদুন অয়িবসিংদ থৌনা হাপ্পী ইনবগি।

COMMENTS

WORDPRESS: 0
DISQUS: