আর্জেন্টিনানা ব্রাজিলবু মাইথিবা পিদুনা কোপা আমেরিকা ২০২১ টাইটেল লৌখ্রে

Homeশান্নবা

আর্জেন্টিনানা ব্রাজিলবু মাইথিবা পিদুনা কোপা আমেরিকা ২০২১ টাইটেল লৌখ্রে

রিও দি জনৈরো, জুলাই ১১ : ঙসি ব্রাজিলগী মরাকানা ষ্টেডিয়ামদা শান্নখিবা কোপা আমেরিকা ২০২১গী ফাইনালদা আর্জেন্টিনানা গোল ১-০ দা ব্রাজিলবু মাইথিবা পিদুনা লে

রিও দি জনৈরো, জুলাই ১১ : ঙসি ব্রাজিলগী মরাকানা ষ্টেডিয়ামদা শান্নখিবা কোপা আমেরিকা ২০২১গী ফাইনালদা আর্জেন্টিনানা গোল ১-০ দা ব্রাজিলবু মাইথিবা পিদুনা লেমজনিংঙাই ওইরবা কাপ অসি লৌখ্রে। আর্জেন্টিনাগী শান্নরোই রোদ্রিগো ডি পোলনা পিরকপা ফজরবা পাস অমগী মতেংনা দি মারিয়ানা অহানবা হাল্ফকি মিনিট ২২ চৎপদা চনখিবা গোলনা মখোয়বু ব্রাজিলগী মথক্তা ১-০ দা মাই পাকহন্দুনা আর্জেন্টিনানা কুমজা ১৯৯৩ গী মতুংদা অহানবা ওইনা মেজর টাইটেল লৌবা ঙমখিবগা লোয়ননা কোপা আমেরিকা ১৫ রক লৌদুনা উরুগুয়েগা মশিং চপ মান্ননা মকোক্তা লৈমিন্নবা ঙমখ্রে।
লিওনেল মেসিনা মেজর ইন্টারনেশনেল ট্রফি লৌনবগী মংজরকপা মংলান মংফাওনখ্রে। হৌজিক হৌজিক ব্রাসেলোনাগা থম্নবা কন্ট্রেক্কী মতম লোইখিদুনা ফ্রি এজেন্ট অমা ওইনা লৈরিবা মশাগী চহি ৩৪ শুরবা ফুটবোলবু পামজবা কয়াগী মীৎয়েংফম ওইরিবা লিওনেল মেসিগী ওইনা অচৌবা মাই পাকপা হায়বদু ওইরে। বেলেন্দিওর ৬ লক ফংখ্রবা মেসিগী ওইনা মমাংদা ফাইনেল মরিরক শান্নবদা লাইবক থিবদগী মাইথিদুনা লাকখিবনি। মসিগী মনুংদা ২০১৪গী ওয়ার্ল্ড কাপ পনবা য়াই। মেসিনা গোল্ডেন বুট অমসুং গোল্ডেন বল গী টাইটেলসু ফংখি।

COMMENTS

WORDPRESS: 0
DISQUS: