অ্যাপল কার প্রোজেক্ট খুমাং চংশিল্লকই

Homeটেক

অ্যাপল কার প্রোজেক্ট খুমাং চংশিল্লকই

টেক ডেস্কঃ অ্যাপলগী ইলেক্ট্রিক কারগী মতাংদা ‘রিউমার’ থোকমনখিবনা অসিগী মতাংদা পাউ অমতা অরেপ্পনি হায়বা য়াম্না লুই। অদুবু খরনি মমাংদা রইটার্সকী রিপোর্ট অ

টেক ডেস্কঃ অ্যাপলগী ইলেক্ট্রিক কারগী মতাংদা ‘রিউমার’ থোকমনখিবনা অসিগী মতাংদা পাউ অমতা অরেপ্পনি হায়বা য়াম্না লুই। অদুবু খরনি মমাংদা রইটার্সকী রিপোর্ট অমদা হায়রি, খা কোরিয়াগী হিউন্দাই মোটর কোম্পানীগা অ্যাপল ইনকর্পোরেটেডকী মনুংদা লাক্লিবা মার্চকী মনুংদা এগ্রিমেন্ট অমা তৌগদৌরি। পান্দমদি, ২০২৪ কী মনুংদা ইউএসএদা ওটোমেটেড কার শেম্বা। অমরোমদা খা কোরিয়াগী মিডিয়া ই-ডেইলিগী রিপোর্টতা হায়রি, হিউন্দাইবুদি নত্তে, গাড়ী শাবগি দায়িত্ব ফংদৌরিসে মখোয়গী লোয়নবা কোম্পানী কিয়া মোটোরসনি হায়না। পাউ অসে অচুম্বা ওইরগদি অ্যাপলগী ইলেক্ট্রিক কার শাবগী প্রোজেক্ট খুমাং চংশিল্লে হায়বা য়াই।

হিউন্দাই মশামকনা শেমদনা কিয়া মোটোরসপু দায়িত্ব পিবগী মরমদি ব্র্যান্ড ভ্যালুনা ৱাখল খল্লগা ওইবনি হায়না খন্নরি। হিউন্দাই ব্র্যান্ড মমল লৈবা ব্র্যান্ডনি। মশাগী ব্র্যান্ডনা শেমদনা অ্যাপলগী ব্র্যান্ডতা শেম্লদি মখোইগী ব্র্যান্ডকী মমল হন্থখিবা য়াই। অদুগা কিয়া মোটোরসতা দায়িত্ব পিরগনা হিউন্দাইগী ব্র্যান্ড মমল চপ চানা লৈগনি হায়বগী ৱাখলনি। তৌবুদি, কোম্পানী অনিগী মাইকৈদগী ফোংনা করিসু হায়বা লৈত্রি। অদুগা ৱারী ৱাতাইসু য়াম্না অঙনবা থাকতা লৈরি হায়না রিপোর্টসিংদুদা হায়রি।

ই-ডেইলিগী রিপোর্টকী থাজবগী চাংদা ৱাহং হংখতপদি য়াই। অদুবু কোম্পানীসি খা কোরিয়াদা গাড়ী শেম্বগী মরমদা তত্তনা অচুম্বা পাউ পিদুনা লাকই। মদু খল্লুরদি, মখোয়না পিরক্লিবা পাউ অসে ইরাই লাইনা লৌবা য়াদে। কিয়া মোটোরসনা গাড়ী শেম্বগী দায়িত্ব অসে লৌবা তারদি ইউএসএগী জর্জিয়াদা লৈবা কারখানাদা গাড়ী পুম্নমক শেম্বগী ৱানি। মদুগী খুদোংচাবদি, কোম্পানী অনীসিগী মনুংদা পাংনবা অমদি খনদোক খনজিনদা য়াম্না নুঙাইবা হায়বদো ওইগনি।

ৱাফম অমনা, জর্জিয়াগী কারখানাগা লোয়ননা অ্যাপল কার শেম্বগীদমক ইউএসএ মনুংদা কারখানা অতৈসু নৌনা শেমগতপা য়াই। কারখানা অদুদা চহীদা লাখ মরী গাড়ী শেম্বগী ৱা লৈরসু অহানবা চহীদা, হায়বদি ২০২৪তা লাখ অমরোমতা গাড়ী শেম্বা ঙমগনি। রিপোর্ট অতৈ কয়াদনা হায়রি, মথং চহীগী মনুংদা অ্যাপল কারগী চাংয়েং ওইবা ভার্সন পুথোকপা য়াই হায়না।

সুত্রঃ অ্যাপল ইনসাইডার।

COMMENTS

WORDPRESS: 0
DISQUS: