অহানবা বিপুল সিংহ নিংশিং ফুটবল টূর্ণামেন্ট ২০২১ পাংথোকখ্রে, লামাবাজার সেভেননা চেম্পিয়ন ওইখ্রে

Homeস্ক্রলবার

অহানবা বিপুল সিংহ নিংশিং ফুটবল টূর্ণামেন্ট ২০২১ পাংথোকখ্রে, লামাবাজার সেভেননা চেম্পিয়ন ওইখ্রে

সিলেট, ৮ অক্টোবর : লামাবাজার (লৈচোম্বম ) লৈকাইগী এল. ব্রজেন সিংহ অমসুং শেফালী দেবী গী মচানুপা অহল বিপুল সিংহ শান্নবদা মথৱায় য়াওরম্বা নহা অমনি। মহাক ক্

সিলেট, ৮ অক্টোবর : লামাবাজার (লৈচোম্বম ) লৈকাইগী এল. ব্রজেন সিংহ অমসুং শেফালী দেবী গী মচানুপা অহল বিপুল সিংহ শান্নবদা মথৱায় য়াওরম্বা নহা অমনি। মহাক ক্রিকেট অমসুং ফুটবলদা চাং মান্ননা ডিস্ট্রিক্ট লেভেলদা য়াওরম্বা শান্নরোয় অমনি। খংহৌদনা য়াম্না নহা ওইনা কিডনী লায়নানা মরম ওইদুনা মফম মতম চাদনা লৈখিদ্রে। শান্নবদা থৱায় য়াওজবা বিপুল সিংহবু নিংশিংবা ওইনা অহানবা ওইনা লামাবাজার মণিপুরী সোসাইটিনা শিল্লাংদুনা বাংলাদেশতা খুন্দারিবা মৈতৈশিংগী মনুংদা চত্থবা ‘১শুবা বিপুল সিংহ আন্ত: মণিপুরী ফুটবল টূর্ণামেন্ট-২০২১’ টূর্নামেন্টদা শিবগঞ্জ রেড টিমগা ফাইনালদা মায়োক্নখিবদা লামাবাজার সেভেননা গোল ৬ পিদুনা চেম্পিয়ন টাইটেল লৌখ্রে।
শান্নখিবা ফাইনাল মেটচতা অহানবদা শিবগঞ্জ রেড টিমনা গোল ১ (অমা) চনদুনা মাংথাদুনা লৈরম্মী অকোম্বদা লামাবাজার সেভেন না গোল ৬ চন্দুনা শিবগঞ্জ রেড টিমবু মায়থিবা পিখি। লামাবাজার টিমগী শান্নরোয় শেরাম নিতিশনা খ্বাইদগী গোল য়াম্না পিখিবনা মহাক্না ম্যান ওব দ্য টূর্ণামেন্ট অমসুং ম্যান ওব দ্য প্লেয়ার টাইটেল লৌখি।
টূর্নামেন্ট অসিগী ফাইনাল অমসুং লোয়শনবা থৌরম পরেংদা অথোইবা মীথুংলেন ওইনা সিলেট সিটি কর্পোরেশনগী মেয়র আরিফুল হক আরিফ অমসুং ১১ নং ওয়ার্ড কাউন্সিলর শান্তনু দত্ত শান্তসু শরুক য়াখি। লোয়ননা লামাবাজার মন্দির পরিচালনা কমিটিগী সেক্রেটরি এল. প্রশান্ত সিংহ, লৈখিদ্রবা বিপুলগী মপাবুং ব্রজেন সিংহ অমসুং লৈকাইগী সোসিএল এক্টিভিষ্ট এল. মিন্টুসু শরুক য়াখি।

COMMENTS

WORDPRESS: 0
DISQUS: