অব্দুস সত্তার সাজবমগী শৈরেং অনী

Homeআর্টসশৈরেং

অব্দুস সত্তার সাজবমগী শৈরেং অনী

ফংফম মালহল্লম্লগা, শাশিন্নরম্লগা নাথৈখ্রে, নানথোকখ্রে করম্ননো ফংগদবা মাবু ঐগী ওইনা লৌরু'দবা। অনকপদা অরাপ্পদা লৈতম খুদিং খুভম খুদিং থিবদা ৱারে

ফংফম

মালহল্লম্লগা, শাশিন্নরম্লগা
নাথৈখ্রে, নানথোকখ্রে
করম্ননো ফংগদবা মাবু
ঐগী ওইনা লৌরু’দবা।

অনকপদা অরাপ্পদা
লৈতম খুদিং খুভম খুদিং
থিবদা ৱারে, কনাদবু হংগদবা?
পাউখুম অমা পীন্নদনা
ঐসু মাসু মথিনরি।

ঈপাক্কি অৱাংবা ঈপোমলক্তসু
লৈকংলাগী নোংলৈ’রক্তসু
থিরি মাইপাকপা, নুঙাইবা, লৈতাবা
অকি তুজুং অনীগী লংদাইসিদা
লানবন ওইরিবা পুন্সি’সিনা।

অমম্বা তরেত্‍কী মনুংদা লৈখিবনা
মঙাল ফংদ্রবা ঐগী থৱাইসিদি
পন্থুংফমগী মাইওনবু উশিন্নদা
তুমদুনতা লৈখি অরোইবা মীৎকুপফাও।

কৌরকখিবা নুমিত্তুদনি মঙফাওরক্লিবা ঐনা
ওইজখি তেংথানা অরোইবা কর্ম্ম
তাইবং ফিজোল হোংবিরদুনা
থৌরাংখ্রবদা পোৎলোই দোলাই।

লৈহৌরোকো হে : তাইবংপাল
ফংঙমদনা চৎলে ঐদি
থিফম নত্তবা লমদম’মদা
ফংফম থোকপা ফংলুনবা।।

 

 

ঐগীদি

হিয়াঙ্গৈগী নীনি পানবা নুমিৎ’সে
মৌপ্বা ওইবা নঙগীদি য়েন্নিংনি
নিঙোল লৈতা ঐগীনা নাকেন্নি।
উরুবদা য়ুমথংনবগী নিঙোল কুম্মৈ
ইকাইখাংদগী ইকাইথীবি শাজখী
মরুম থুপ্না কাচিন’মদা
কয়াদা পুক্নিং নুংশিনা পিরাং’জখি।

খুৎয়েক্নি খংলবদতা নোংদম মপুগী
ৱারৌরি মুল্লুবা ঙমদবা খুদাপ্তুবু
তেংথাবা নত্তনা তেমশিনবা য়াদ্রবা
লাইবক্কী পামেলদা ওইরম্বা ফৱাম্নি।

কবিশিংগী কলমনা য়েক্লিবা লৈকোল’ সে
লৈজদে ঐগীদি খুৎয়েকফম লৈনা’মা
নিঙোলগী য়ৈন্দাইদা হাপ্লিবা লৈরাং’সে
কৎপিনবী লৈজদে ঐগীদি কনা’ মা।

থোক্লরোই ঙসিদি অঙানবা লমজাওদা
উৎলরোই মায়থোংগী মকশিল্ল শক্তম’সে
লাইবক্তা শুরগা লেল্লগে নুমিত্‍’ সে
চাওরবা শঙ্গৈগী গুণ য়াওদ্রা কা’ সিদা।।

COMMENTS

WORDPRESS: 0
DISQUS: