অদুঙৈগী চীংজেং পাঙ্গনবা হৌজিক্না খাঙুথক্কী মহাদেব — নোমিতা খোংবান্তাবম

Homeস্ক্রলবার

অদুঙৈগী চীংজেং পাঙ্গনবা হৌজিক্না খাঙুথক্কী মহাদেব — নোমিতা খোংবান্তাবম

ঙসিগী মীরোল ফাওবনা অদুঙৈ মহারাজ চন্দ্রকৃতিগী মতমদগী চীংজেং নরাল পাঙ্গনবগী মফম অসিদা লৈরক্লিবা খুভম অসি মহাদেবগী খুভমনি হায়দুনা ওন্থোক্তুনা ঈরাৎ থৌনি ত

ঙসিগী মীরোল ফাওবনা অদুঙৈ মহারাজ চন্দ্রকৃতিগী মতমদগী চীংজেং নরাল পাঙ্গনবগী মফম অসিদা লৈরক্লিবা খুভম অসি মহাদেবগী খুভমনি হায়দুনা ওন্থোক্তুনা ঈরাৎ থৌনি তৌরক্লগসু ঙসি ফাওবদা য়ুম্বান পুন্সিদা খোঙদারবা পিবা-নিংঙোল অনীনা মখোয় মখোয়গী চাদা-নাওদা পীনবিয়ু হায়দুনা থৌনিজফম খুভম অমা ওইদুনা লাক্লি।

ইম্ফালদগী অৱাং মায়কৈদা চাওরাক্না কিলোমিটার ২০ লোম চৎলগা লৈমখোংদগীনা নোংচুপ পাংবা চীং লম্বীদা চাওরাক্না কিলোমিটার ৩ লোম চীংথক্তা কাখৎলগা লৈরিবা ময়াম্না ইঙৌরোক মহাদেব হায়নরিবা খুভম অসি মণিপুরগী পুৱারীগা শাগোন্নরক্লিবা চীংজেং নরাল পাঙ্গনবগী শেংলবা খুভমনি অদুবু হৌজিক্না খাঙুথক্কী ইঙৌরোক মহাদেব হায়দুনা ঈরাৎ থৌনি পাঙথোক্নরকপনি। লমদম অসিগী পুৱারীগা শাগোন্নরক্লিবা লাইফম অসিগী খোঙ্গুল লিক্লমগী মতাংদা ‘চীংলৈরোল’ কৌবা অরিবা লাইরিক অমনা হায়, চেংলৈ সলাইগী মমিং য়াম্না চৎখিবা নিংথৌ খোংজি নুংলাইবা হায়নসু খঙনবা থাঙয়ি খোংজোম্বগী মচানিপানি-চীংজেং নরাল পাঙ্গনবা। মহাকপু পোকচবী মমানা চীংঙু নিংথৌ সোরারেনগী মমোমলেন পেনু লৈমনি। মখোয় অনীগী মচাক মরল ওইখিবা মচানুপা চীংজেং নরাল পাঙ্গনবগী খুভম অসি মীতৈ ফুরুপনা মতিক ময়াই চাওবা খুভম অমনি হায়রদুনা মহাক্কী খুভম অসিদা লৈরিবা ময়াই কল্লবা নূঙ অসি পথাং-পুথাং নাইনা ঈরাৎ থৌনিদুনা লাক্লিবনি।
চিংজেং নরাল পাঙ্গনবা অসি চেংলৈ সলাইগী নিংথৌ খোংজি নুংলাইবা অমসুং মহাক্কী লোয়নবী পেনু লৈমগী মচানুপা ওইনা ফংজখ্রগসু অঙাং অসিনা তাইবঙ খোঙদারকপা নৌরিঙৈদগী হৌনা উমং লাইগী ওইবা মতিক ময়াইগা লোয়ননা পোক্লকখিবনা মহাক্কী মতমদা চীংবন পন শাদুনা বরাক তুরেলবু নোংচুপ লোমদা থৈদোক্তুনা চেলহনখিবগী ৱারীসু লাইরিক অসিদা ময়েক শেংনা পল্লি।
ঙসিগী মীরোল ফাওবনা অদুঙৈ মহারাজ চন্দ্রকৃতিগী মতমদগী চীংজেং নরাল পাঙ্গনবগী মফম অসিদা লৈরক্লিবা খুভম অসি মহাদেবগী খুভমনি হায়দুনা ওন্থোক্তুনা ঈরাৎ থৌনি তৌরক্লগসু ঙসি ফাওবদা য়ুম্বান পুন্সিদা খোঙদারবা পিবা-নিংঙোল অনীনা মখোয় মখোয়গী চাদা-নাওদা পীনবিয়ু হায়দুনা থৌনিজফম খুভম অমা ওইদুনা লাক্লি। খুভম অসি চীংজেং নরাল পাঙ্গনবগী খুভম ওইরগসু লাইশ্রম মঙ্গি অমসুং লোংজম মনি অনীনা ইবা পঞ্চায় চন্দ্রকৃতি চরিত কৌবা লাইরিক্তদি কুমজা ১৮৫০দগী ১৮৮৬ ফাওবা নিংথৌ ওইনা পানখিবা চন্দ্রকৃতিগী মতমদা ইঙৌরোক মহাদেবগী খুভম অসি শেমগৎলম্বনি হায়রি।
ৱাহৈ অনীসিনা পূনশিল্লগা খুভম অসিগী মমিং থোনখিবগী মরমদা ইঙৌরোক কৌবা লোক অমগী মনাক্তা থৌনিগদবা মহাদেবগী খুভম ওইবনা মফম অসিবু ইঙৌরোক মহাদেব হায়দুনা খঙনবা হৌরকখিবনি হায়রি। চন্দ্রকৃতি মহারাজগী মতমদা গোবিন্দ্রগী লাইশঙদা লাইশঙ অসিগী থোঙ ঙাক্নবগীদমক হনুমান অমসুং গরুড়গী শক্তমশিং শাননবা নুংলা হজারিনা মহাক্কী মীওইশিংগা লোয়ননা হায়রিবা শক্তম অনীসি শাবা য়াবা অমসুং কোন্নগদবা নূঙশিং থিবা হৌরকখি হায়রি।
মখোয়না লেপ্তনা নূঙ থিরকপদা ইঙৌরোক্কী মনাক্তা নূঙ অসি ফংবদগী মসিবু ফূক্লগা গোবিন্দগী লাইশঙ তম্না পুনবা হোৎনখি অদুবু নূং অদু ফূকপা ঙমদবদগী মমৈথংদা নূঙ্গাই ৱা শোন্দুনা নূঙ অদু তঙ্খাই তানা খায়দোক্লগা তঙ্খাই অমা ফূক্লক্তুনা সনা কোনুংদা পুরকখি। অদুগা অতোপ্পা তঙ্খাই অমনা মফম অদুদা লৈহৌখি। ইঙৌরোক্তগী পুরকখিবা নূঙ তঙ্খাই অদুনা হৌজিক মীয়াম্না উনরিবা হনুমান অমসুং গরুড়গী শক্তমশিং য়াওনা অতৈ শক্তমশিং শাবদা শীজিন্নখি হায়বগী ৱাফমসু পল্লি।
মরম অসিনা খাঙুথক্তা চীংজেং নরাল পাঙ্গনবগী খূভম অসিবু ইঙৌরোক মহাদেব হায়দুনা লমখাংদগী ওন্থোরক্তুনা মসিবু ঈরাৎ থৌনিবগী থবক ঙসি ফাওবদা চত্থরক্লগসু অশেংবা খুভমদি চীংজেং নরাল পাঙ্গনবগী খুভমনি। খুভম অসি হৌজিক ফাওবদা নোংমাইজিং নুমিৎ খুদিংগী মীয়াম্না হৈকৎ-লৈকৎ তম্নরিবনি। চীংথক্কী শরুক্তা লৈরগসু চীং কাবগী অৱাবা থোইদোক্ন পোকহন্দনা খুভম অসিবু থৌনিবা লাকপশিংগী মরক্তগী মচা নুপা-নুপী পোকচদবা কয়ানা খুভম অসি তান্না লাক্তুনা ঈরাৎ থৌনিদুনা নিজরগা মচানুপা-নুপী ফংই হায়বগী থাজনবা লৈরি। চীংজেং নরান পাঙ্গনবগী মীংখৈ-মীংলেন শক-শোন্দুনা অপাম্বা মচানুপা-নুপী নিজবদা পীনবী হায়বগী অচেৎপা থাজবা লৈরি।
‘চীংলৈরোল’ কৌবা অরিবা লাইরিকনা মখা তানা ফোঙদোকপদা খোঙজি নুংলাইবা অমসুং থাঙয়ি খোঙজোম্বা হায়রগসু খঙনবা চেংলৈ সলাইগী নিংথৌগী মচানুপা অসিনা মহাক্তি লাইগী মতিক ময়াই চেনবনা মরম ওইরদুনা মৈতৈ লৈবাক্তা লৈফরোই হায়দুনা মপা ইবুংঙোদা হঙ্গৎখি। লোয়ননা অতোপ্পা মফম অমদা চৎখ্রগে হায়দুনা চীংদোন অমদগী চীংদোন অমদা লান্না চোং-চোংদুনা চৎখি হায়বগী ৱারী য়াওরি। অসুম্না চৎখিবনা মহাক্কী অরোইবা পন্থুংফম ওইখিবা ইঙৌরোক্কী খুভম অসিনি হায়রদুনা মফম অসিবু অঙনবা মতমদগী হৌরদুনা চেকশিন্না ঈরাৎ থৌনিবগী থৌরম পাঙথোক্নদুনা লাক্লিবনি হায়রি।
কার্টসি: হুইয়েন লানপাউ

COMMENTS

WORDPRESS: 0
DISQUS: