অথৌবশিংবু নীংশিংলুবদা ইপু থাঙ্গালগী ৱাফম খরা — তোলেনস্না

Homeস্ক্রলবার

অথৌবশিংবু নীংশিংলুবদা ইপু থাঙ্গালগী ৱাফম খরা — তোলেনস্না

  ইং কুমজা ১৮৯১গী মণিপুরগী নীংতম ঙাকপগী ‘খোংজোম লান’ লোইরবা মতুংদা বৃটিশকী মখা পোন্দুনা চুড়াচান্দ মহারাজনা নিংথৌ ওইরবা মতমদা ইপু থাঙ্গালগী ম

অথৌবা ইপু থাঙ্গাল জেনারেল

 

ইং কুমজা ১৮৯১গী মণিপুরগী নীংতম ঙাকপগী ‘খোংজোম লান’ লোইরবা মতুংদা বৃটিশকী মখা পোন্দুনা চুড়াচান্দ মহারাজনা নিংথৌ ওইরবা মতমদা ইপু থাঙ্গালগী মচা নিপা ঝুলন সিংহবু সদর পঞ্জায় কোর্টকী মেম্বার হাপ্লবসু মপাগী লনথুমদি হঞ্জিনবিখিদে। ইপু থাঙ্গালগী হান্নগী ইঙ্খোল অদু বৃটিশকী রিজার্ভ ওইনা লৈহনখ্রে।

 

ইংকুমজা ১৮৯১দা ‘খোংজোম লান’গী মতুং চহী ১৩০ হেল্লবা ফাওবদা ঐখোয়না অথৌবা কয়াগী পুন্সি মরেলগী ৱারী লীখুন মপুং ফানা খঙবা ঙমদ্রি নৎত্রগা থিজিনবা ঙমদ্রিবা অসি লাইবকথিবনি। খোংজোম লানদা অথৌবশিংনা থৱায় খুবাক্তা হাপ্তুনা লান থেংনদুনা পুন্সি পোন্থা পীখ্রবা মতুং বৃটিশ লৈঙাক্না মখোয়গী লনথুম, ইমুং মনুং অমদি মখোয়গী তুং তাহৌবা চাদা নাওদা করম্বা মীৎয়েং য়েংখি নৎত্রগা মখোয়না অৱাবা কয়া থেংনখি হায়বদু ইতিহাসকারশিংনসু থোইদোক্না ফোঙদোকখিবসু লৈতে। খুদম ওইনা আগষ্ট তাং ১৩দা ফাঁসি তৌদুনা হাৎখ্রবা মতুংদা লৈবাকনিংবা অথৌবা ইপু থাঙ্গাল জেনারেলগী মচাশিং মশুশিদি লালহৌবশিংগী মনুংদা য়াওই হায়দুনা বৃটিশ লৈঙাক্না মখোয়বু কোইতান তান্নদুনা ফানবা হোৎনখি। ইপু থাঙ্গালগী মচা নিপা অহল হেরা সিংহ তাউমোংদা লোৎখি। মচা নিপা ঝুলোন (মাইস্নাম নিঙোলনা পোকপা) অমসুং মনাও নিপা অতোম্বা মখোয় অনীগী ইমুং মনুংনা তৌবুলদা চেনখি। মচা নিপা য়াইমা লম্ফেল শেলুংবা নাওশেকপম নিঙোলনা পোকপা টিকেন্দ্রজিৎকা য়াম্না তিন্নজরম্বা মরূপ অদুগী ইমুং মনুংদি লান কায়বদা শিখ্রবরা ঙখ্রবরা কনানসু খঙখিদে থিজিনখিদে। অথৌবা ইপু থাঙ্গালগী লনথুম পুম্নমক বৃটিশনা মৎখ্রে।
ইং কুমজা ১৮৯১গী মণিপুরগী নীংতম ঙাকপগী ‘খোংজোম লান’ লোইরবা মতুংদা বৃটিশকী মখা পোন্দুনা চুড়াচান্দ মহারাজনা নিংথৌ ওইরবা মতমদা ইপু থাঙ্গালগী মচা নিপা ঝুলন সিংহবু সদর পঞ্জায় কোর্টকী মেম্বার হাপ্লবসু মপাগী লনথুমদি হঞ্জিনবিখিদে। ইপু থাঙ্গালগী হান্নগী ইঙ্খোল অদু বৃটিশকী রিজার্ভ ওইনা লৈহনখ্রে।
ইং ১৯৪৭ দা ভারতনা নীংতম্লবা মতুং বৃটিশনা মণিপুর থাদোক্তুনা চৎখিবদা মণিপুর অসি অমুক নিংথৌগী মখুত্তা তারকখি। মদুদসু ইপু থাঙ্গলগী ইঙ্খোল হঞ্জিল্লকপা ঙমখিদে। অদুনা মহাক্কী মচা-মশুশিং ইম্ফালদা তোঙান তোঙান্ন মশা মশা লম লৈজদুনা ইনৌ নৌবা পুন্সি মহিং অমদা হিংজরমখি। খোংজোম লানগী মতুং তারকপদা ওৎ নৈবিখিবা অদুনা পুক্নিং য়াম্না হন্থখিবা অমদি লৈপাক্কীনি হায়জবা ফাওবা ঙমদনা অনৌবা য়ুগতা মণিপুরনা খোঙ থাংজিল্লকপা হৌরকখিব’সিদি পংকুই কুইদ্রি। ইং ১৯৪৯দা মনিপুরনা মার্জার এগ্রিমেন্ট মতুং ইন্না ভারত লৈবাক্কী মনুং চল্লবা মণিপুরসু চাওখৎলকপা অমসুং ইম্ফাল শহর পাক চাওহন্নবা লম খোপচিনবগী ঈথিলনা ইপু থাঙ্গালগী লমসু লৈঙাক্কী খায়াত্তা চঙখ্রে। তৌববুদি ইম্ফাল শহর মনুংদা মেকওয়েল বাজারগী মমিং ইং ১৯৫৭ দা ‘থাঙ্গাল বাজার’ হায়না ওন্থোকপীখি। লৈবাক্কীদমক থৱায় থাখ্রিবা ইপু থাঙ্গালনা থম্বীরম্বা লাইশঙসু মাগী মচা-মশুশিংনা য়াম্না ৱানা কনবা ঙমখিবদগী হৈ-লৈ তমজবা ঙম্লিবসিনি।

                                         ইম্ফাল শহর মনুংদা লৈবা ‘থাঙ্গাল বাজার’

থায়না অথৌবশিংদি মমা লৈবাক্কীদমক্তবু ওইরবদি মথৱায় থাগে হায়না চোৎশিল্লি। হৌজিকসু চোঙশিনবা ঙম্বামমা লৈবাক নিংবা কয়া লৈরি। অদুবু করম্না খঙগনি করম্নসু খঙবা ঙমগনি? হৌজিক্না লন্নাইগী কান্নববু ওইরবদি চোঙশিল্লকপনা মশীং য়াম্মী। মতমগী অনৌবা লৈবাক নিংবা অচৌ-অশাং, লুচিংবা-নেতা, লাইরিক-লাইশু হৈবা, জ্ঞানী-গুণী, অখঙ-অহৈশিং মীওইশিংনা পীরাং শিন্থদুনা অথৌবশিংদা য়েংলিবা মীৎয়েং অদুগা শ্রদ্ধাঞ্জলি কৎলিবা অদু অশেংবরা নৎত্রগা তৌশিন্নবরা নৎত্রগনা চহীগী অমুক্তংদি রুটিন ওইনা নীংশিংনিংবগী ৱাফম হায়বদুরা খঙদে অদুবু মসি মতমগী খেন্নবা নত্তে, ৱাখলগী খেন্নবনি। অসুম্না থাঙ্গালদতা নত্তনা অতৈ মরৈবাক নিংবা কয়া অমগী পুন্সিবু ঐখোয়না তশেং তশেংনা কদায় ফাওবা নিংবগে? কদায় ফাওবা খঙবগে? কদায় ফাওবা খঙদুনা তুংগী মীরোলদা পাউতাক পীবা ঙম্বগে?

কর্টেসি: মরুপ

COMMENTS

WORDPRESS: 0
DISQUS: