অঙাংবা অশংবা ফিরালনা হাই হুম্বা, লান ঙম্বা নুমীৎ বিজয় দিবসনি ঙসি

Homeএডিটরগি ডেস্ক

অঙাংবা অশংবা ফিরালনা হাই হুম্বা, লান ঙম্বা নুমীৎ বিজয় দিবসনি ঙসি

ৱাফম অমনা, নিংতম লানদা বাঙালী ইচিনাউশিংগা লোয়ননা বাংলাদেশকী অতৈ মশিংলিকপা জাতি ফুরুপ কয়াগী অথৌবা মপারী কয়াসু লান্থেংনখি, থৱাইনা পোন্থা পীবা য়াওখি। ম

ৱাফম অমনা, নিংতম লানদা বাঙালী ইচিনাউশিংগা লোয়ননা বাংলাদেশকী অতৈ মশিংলিকপা জাতি ফুরুপ কয়াগী অথৌবা মপারী কয়াসু লান্থেংনখি, থৱাইনা পোন্থা পীবা য়াওখি। ময়ুম থাদোক্তুনা লানচেন ওইনা অৱা অনা খাংবনা চিংবা অদুক্কিমতিক চৈখেং চৈনা থেংমিন্নবা য়াওখ্রিবনি। মণিপুরীশিংসু লিঙজেল অমত্তা ওইনা খুল্লাই পাইনা লান্থেংনখি, নিংতম লান্মী ওইখি।

৪৯ শুবা বিজয় দিবসকী নুঙাইবা ফোংদোকচরি। গোল্ডেন জুবিলীগী চহী অমতা ঙাইরবা মতম অসে বাংলাদেশকী পোংজনিঙাই অমসুং নুঙাইতবা ইচেলনা থল্লবা অৱা-নুঙাই অনিনা পুনবা ক্ষেণফমনি। অঙাংবা অশংবা মচুনা শংলবা ফিরালনা অতিয়াদা হায় হুম্না শান্নরবদা নিংতম্বগী মহাও ফংলবা বাংলা ইমাগী মচা খুদিংমকনা অদুক্কীমতিক পেঞ্জনিঙাই ওইরিবা ক্ষেণফমনি। মতমসিমক্তদা কোক নোন্না নিংশিংজৈ হিংলিবা নিংতম লান্মী অমদি থৱাইনা পোন্থা পিখ্রবা শহীদ লাখ ৩০ পুম্নমকপু।

১৯৭১গী মার্চ ২৫ ‘কালরাত’ তগী (অমমবা অহিং) পাকিস্তান সেনাবাহিনীগী মায়োক্তা, ওত-নৈবা, শুমহত-তাহতপিরবা তাঙ্কক অদো লোইসিল্লগে, নিংতম্বা লৈপাক অমা শাগৎলগে হায়বগী পান্দমদা হৌখিবা লান অদো থা মাপল মখাদা ইখেংগী তুরেলদা তাওদুনা ডিসেম্বরগী ১৬ দা মায়পাক্লদুনা পন্থুংফমদা লাকখিবনি। অদুনা ডিসেম্বর ১৬ লান ঙম্বগি নুমিৎনি, বিজয় দিবসনি। নিংতমলবা জাতি অমনা মালেমদা মাই থাঙ্গত্তুনা লেপখতলকপগী নুমিৎনি। মালেমদা ‘নিংতম্বা নুমিৎ’কা লোয়ননা ‘লানঙম্বা নুমিৎ’সূ লৈরিবা দেশ খরতগী মনুংদা বাংলাদেশসু অমনি।

হন্দক জাতিগী মপারী বঙ্গবন্ধু শেখ মুজিবুর রহমানগী চহী চামা শুবগী মপোক কুমওনগা লোয়ননা পাক চাওনা বিজয় দিবসকী থৌরম পাংথোকপগী ৱা লৈরবসু কোরোনা লাইচৎকী ফিভমনা খরা শমজিনবা তাখ্রে। অদুনা উৎসবকী মথেলসু খরা শুপচিনখ্রে, থৌরম পুম্নমকসু কোভিদ-১৯গী হৌনা পত্থাপ, হেল্থ রোলস ঙাকনা পাংথোকনবা সরকারগী মাইকৈদগিসু লাওথোকপা লৈখ্রে।

বাংলদেশনা ৪৯ শুবা বিজয় দিবস পাংথোকপগি তাঞ্জা অসিমক্তদা, ফোরেন এক্সচেঞ্জ রিজার্ভ অনৌবা রেকর্ড যৌদুনা পাকিস্তানদগী থাক অনি হেল্লে হায়বগী নুঙাইবা পাউ সেন্ট্রাল ব্যাংকনা ফোঙদোক্লক্লে। পার ক্যাপিটা ইনকাম ডলার লিশিং অনি লান্দুনা মিডল ইনকাম কান্ট্রিগী থাক্তসু য়ৌরে। বঙ্গবন্ধু স্যাটেলাইট-১ থাগৎতুনা মালেমগী শিংথাবা য়াবা জাতি মনুংদা অমা ওইনা অঙাংবা অশংবা ফিরালনা অতিয়াদা হায় হুম্লে। মশাগী ফাইন্যান্সিংনা শেমবা ‘মংলানগী প্রোজেক্ট’ পদ্মা সেতুসু ঙসি লোইসিল্লকপগি শেম শানা লৈরে।

অমরোমদনা, কোরোনা ভাইরাসনা মালেমপুম্বা তাহত তুহতলবা তঞ্জা অসিদসু, ইকোনোমীগী খোংজং লেপহন্দনা অচৌবা প্রোজেক্ট পুম্নমকপু খোংথাং হন্থহন্দনা ‘ডিজিটাল বাংলাদেশ’না মাংদা চিংদুনা পুরি। শেখ হাসিনানা পেঞ্জবমগা লোয়ননা হায়রি, অৱাং অনেম পল কয়া লান্দুনা ঙসি বাংলাদেশ মপান মালেমদা ‘ইকাইখুম্ননিঙাই’ ওইরবা মীং অমা ওইরবনি। অসি পুম্নমকসে ঙসি লাখ ৩০ শহীদনা পোন্থা পিবিখিবা, অথৌবা মপারি নিংতম লান্মীশিংনা কত্থোকপিরমদ্রগদি কৈদৌঙৈদসু ওইথোকপা ওইরম্লোই। ৱাফম অমনা, নিংতম লানদা বাঙালী ইচিনাউশিংগা লোয়ননা বাংলাদেশকী অতৈ মশিংলিকপা জাতি ফুরুপ কয়াগী অথৌবা মপারী কয়াসু লান্থেংনখি, থৱাইনা পোন্থা পীবা য়াওখি। ময়ুম থাদোক্তুনা লানচেন ওইনা অৱা অনা খাংবনা চিংবা অদুক্কিমতিক চৈখেং চৈনা থেংমিন্নবা য়াওখ্রিবনি। মণিপুরীশিংসু লিঙজেল অমত্তা ওইনা খুৎলাই পাইনা লান্থেংনখি, নিংতম লান্মী ওইখি। ৪৯ শুবা বিজয় দিবসকী ঙসি নুঙাইবা ক্ষেণফম’সিদা মখোই পুম্নমক্কী মফমদা মণিপুরী মিররনা ইকাইখুম্নজৈ। ‘ও ঐগী ইমা লৈপাক নংগী থক্তা নোঞ্জৈ কোকসে’।

COMMENTS

WORDPRESS: 0
DISQUS: