অইবা অমদি অইবী মাপনগী লাইরিক মাপন ফোঙখ্রে

Homeস্ক্রলবার

অইবা অমদি অইবী মাপনগী লাইরিক মাপন ফোঙখ্রে

ইম্ফাল, আগস্ট ২২ : খোরিরোল শন্দোক লুপ, ৱাংজিং অমসুং মণিপুরী সাহিত্য পরিষদ, থৌবাল দিষ্ট্রিক্ট মশা ৱাংজিংনা পূন্না শীল্লগা ঙসি তোঙান তোঙানবা অইবা-অইবী ম

ইম্ফাল, আগস্ট ২২ : খোরিরোল শন্দোক লুপ, ৱাংজিং অমসুং মণিপুরী সাহিত্য পরিষদ, থৌবাল দিষ্ট্রিক্ট মশা ৱাংজিংনা পূন্না শীল্লগা ঙসি তোঙান তোঙানবা অইবা-অইবী মাপনগী লাইরিক মাপন হৌনবী মতুং ইন্না ফোঙখ্রে। ৱাংজিং ৱাংখৈদা লৈবা খোরিরোল শঙলেন্দা পাঙথোকপা থৌরম অদুদা ফোঙখিবা লাইরিকশিং অদুদি হৈখাম চাওবগী শৈরেংগী লাইরিক-‘নুপী মপোক’, ৱাংখেম অরবিন্দ স্বামিগী শৈরেং লাইরিক ‘তেংথাখোল’, ও রবিশঙ্করগী শৈরেং লাইরিক ‘পূক্নিংগী ঈরৈলক্তা য়াওন্নরক্লিবা ৱাহং’, পাঙম্বম নন্দকুমারগী শৈরেং লাইরিক ‘পীরাংগী পাউদম’, সুরচন্দ্র য়ূম্নামগী ৱারীমচাগী লাইরিক ‘লেম্বীগী অউন ফোর্সেন’, ককচিংতাবম শ্রামসুন্দরগী শৈরেংগী লাইরিক ‘লংলা থৎখ্রবা তেলেঙ্গা’, মোইরাংথেম কুলচন্দ্রগী শৈরেংগী লাইরিক ‘চীংশাং নাপোমনা কপহৌই’, নহাকপম বিরেনগী উপন্যাস ‘মমল নাইদ্রবা খূদোল (অনীশুবা শরুক)’ অমসুং ভোরোত সনসমগী ৱারীমচাগী লাইরিক ‘ঐ মমানি’ নি।
লাইরিক ফোঙবগী থৌরম অদুদা সাহিত্য একাডেমি নিউ দিল্লীগী মণিপুরী লোলগী এডভাইজরি বোর্ডকী কনভেনর নোংমাইথেম কিরনকুমারনা অথোইবা মীথুং, খোরিলোল শন্দোকলূপ ৱাংজিংগী প্রেসিডেন্ট তোংব্রম বাবুলাল অমসুং মণিপুরী সাহিত্য পরিষদ থৌবাল দিষ্ট্রিক্টকী মশা, ৱাংজিংগী প্রেসিডেন্ট মোইরাংথেম রাজেন্দ্রনা পুন্না থৌরম মপুশিং ওইনা শরুক য়াখি।
অহানবা ওইনা লাইরিক ফোঙবা অহুম-অরবিন্দ্ স্বামী, রবিশঙ্কর অমসুং নন্দকুমারগী লাইরিকশিংগী মরমদা সনসম নবদ্বিপনা মরিক চুম্ন ৱা ঙাঙখি।
সোর্স: হুইয়েন লানপাউ

COMMENTS

WORDPRESS: 0
DISQUS: